Read NQAARIIT NE ROOG A kim a tedu ke 114 Bible Online

A kim a tedu ke 114 - NQAARIIT NE ROOG bible

A kim a tedu ke 114

¹Ye xeet fee Isra’el a sutooxna Misira, ye mbind Yakoob a njangooxna xeet lak fa njan feene,

²Yudaa a refata o mbiñ o tedu nqe no Yaal oxe, Isra’el a refat maat um.

³O maag ole a ga’aan, a qicoox, Yordaan a dakoox o jiijing,

⁴xa coong axe a cir-cirnaa nen a suk paal, a ñaang ake nen fo mbote.

⁵O maag ole, xar taxu o qicoox? Yordaan, xar taxu o dakoox o jiijing?

⁶Xa coong axe, xar taxu nu cir-cirnaa nen a suk paal, a ñaan ake nen fo mbote?

⁷Lanq ke, sendyo mbaambir no Yaal oxe, mbaambir Roog fee Yakoob,

⁸ten fee na suptaa ɓil le a mbeel, ɓil ŋañ le, ta suptin a cur foofi!