Read NQAARIIT NE ROOG A kim a tedu ke 12 Bible Online

A kim a tedu ke 12 - NQAARIIT NE ROOG bible

A kim a tedu ke 12

¹O yaal a ƭat ale no jeejeek we a xoolne yee a kim alene kaa yoonandteel o nqilimb xa quusi ɓetaa tadaq. A kim a tedu laa fogna na ke Dawid oo.

²O Yaal oxe, ƴufgiidi, yaam jofu we owe mbagaa, ngor ne a moocaa a ndeer no wiin we.

³Oxuu refna kaa naxaa o kend um, a saq a ƭelem a ceyir, a yoonaa fo guuɗ, a gat fo felaan.

⁴Yaasam o Yaal oxe a xuuf a ƭelem a ceyir ake fop fo ɗelem luu na magnandooxaa na fa lay.

⁵Wiin weene kaa layaa yee: «Ɗelem in refu doole in. I mbaaga fa lay tigi, an na refkaa o yaal in?»

⁶O Yaal oxe kaa tee: «Ndiiki koy, xam inoox yaam rool we na ñagadileel fo ñaatu we na iinaa, ɓisiid a muc ale we na yakaƥaaran.»

⁷Fa lay fee no Yaal oxe kaa xool qac nen xaaliis fa njawe faa weerniteena no ƭok, a xoolandel boo a caf ɓetaa ƭaq.

⁸O Yaal oxe, wo na yetooxaa a in soo saytooxaa a in no wiin faaxeer wene boo kili,

⁹a soƥangaa sax ee soxodu we kaa njoqooyooxaa muu refna, soo o yaqax ee gañ ndeer no wiin we.