Read NQAARIIT NE ROOG A kim a tedu ke 123 Bible Online

A kim a tedu ke 123 - NQAARIIT NE ROOG bible

A kim a tedu ke 123

¹A kim no ñaañaaƴ we yoo. O Yaal oxe, mexe yoɗaa a kid es farna fa wo fee genna na asamaan.

²Ga’angi, ne a kid ake no dag we a ngaantaa no ɓay no yaal den, ne a kid ake no ceefeer oxe a ngeleerooxtaa no ɓay no yaal um o tew, neene a kid in a ngeleerooxtu farna fo o Yaal oxe Roog in, boo yaa ta yirimkaa a in.

³Yirmi in, o Yaal oxe, yirmi in, yaam kaa i ndeyƭoox sik no xeefel.

⁴O laaw in bugatee o ga o nqaadnax onqe no felnooxu we fo o xeefel ole magnandooxu we a ndoonaa a in.