Read NQAARIIT NE ROOG A kim a tedu ke 126 Bible Online

A kim a tedu ke 126 - NQAARIIT NE ROOG bible

A kim a tedu ke 126

¹A kim no ñaañaaƴ we yoo. Ye o Yaal oxe a supitna o roxanqol ole Siyoŋ, kaa fi’’u a in nen o ƭaaɗ.

²Maaga, kaa i njalooxoogu yaam o ɗaay, ɗelem in a soroxole’aa, soo ta layeel a ndeer qeet ke yee: «O Yaal oxe a fi’ana a den tig maak.»

³Ndigil oo, o Yaal oxe a fi’ana a in tig maak, too i njega teen o ɗaay.

⁴O Yaal oxe, supti o roxanqol in, ne a qayaandiin a suptitaa a koƥ-a-ƥor ale no ɓemb-roog o ñamaak.

⁵We na nduufaa fo xa kooniit, xan a ƈeelaa, yaa da saxadaa.

⁶Oxe na ñaaƴaa loolaa, yaa ta pokooxna a sak ax um, xan a nomtooxiid fo o ɗaay, yaa ta roxondooxna a kusax um.