Read NQAARIIT NE ROOG A kim a tedu ke 128 Bible Online

A kim a tedu ke 128 - NQAARIIT NE ROOG bible

A kim a tedu ke 128

¹A kim no ñaañaaƴ we yoo. Oxuu saɗarna o Yaal oxe, a reefaa a ƭat um, a ɗaaya.

²Xan o muudoor jale na xa ƥay of, ɗaay, yaam ne fop of a ñaaƴkaa.

³O teef xan a nand nen ndaxar biiñ ndiirim kam mbind of, soo xa ƥeef a nand fo col taxar oliiw me widna o roon of.

⁴Neene deŋ o koor oxe saɗarna o Yaal oxe a barke’itkeel.

⁵Yaasam o Yaal oxe a barke’tong Siyoŋ! Yaaga xan o ga’aa o ɗaay ole Yeerusaleem no ñoow o ñis of fop,

⁶soo ga xa ƥiy na xa ƥeef. Yaasam Isra’el a ref na jam!