Read NQAARIIT NE ROOG A kim a tedu ke 13 Bible Online

A kim a tedu ke 13 - NQAARIIT NE ROOG bible

A kim a tedu ke 13

¹O yaal a ƭat ale no jeejeek we a xoolne yee a kim a tedu lene kaa fog na ke Dawid.

²O Yaal oxe, kaa o genkaa no weecaxam boo a mban? Kaa o bugko ɗasnaxam mukit of boo a mban?

³Kaa o laaw es a gooykaa neeke boo a mban, soo xeeñ es a naqadilooxaa ñaal fo o yeng? Kaa o pañ oxe mi a bugko kañooraxam boo a mban?

⁴O Yaal oxe Roog es, ngela ɗeeti, jaaɓaam. Xooldandi a kid es, ndax ɗaankiim o ƭaan o yokooxkaand,

⁵ndax o pañ oxe mi laykee yee: «Maafaanum», soo noon we mi a sawar yaam njom ne mi.

⁶Mi de, jegaam a koolax no mbeq of, xeeñ es a felakinoox yaam a muc ale na hataa na wo. Mexe gimaa o Yaal oxe yaam paax ke ta fi’anaxama.