Read NQAARIIT NE ROOG A kim a tedu ke 130 Bible Online

A kim a tedu ke 130 - NQAARIIT NE ROOG bible

A kim a tedu ke 130

¹A kim no ñaañaaƴ we yoo. Wo o Yaal oxe, mexe ƴufginoortang kam ee kam gamb le na saŋkax ale.

²O Yaal oxe, nan-gilooxi o ñuxur es, rung nof of na qeƭax es.

³O Yaal oxe, boo geek’oona no yiif of tooñ ke, o Yaal oxe, an daɗkoogu hate of?

⁴Kaa koy, a baasan ale oxey fa wo, ndax o saɗarel.

⁵Kaam cungaa o Yaal oxe, ngiin es fop a tayan, um hooloox fa lay um.

⁶O laaw es kaa tayaa o Yaal oxe kupu ne o yeeyetax a taytaa nqes ne, kaam ee kupu ne o yeeyetax a taytaa nqes ne.

⁷Isra’el, ɗagi yaakaar of no Yaal oxe, yaam me ten o mbeq a refu, too a bat ale oxey fo ten bo ta dey sik.

⁸Ten o mat na watkaa a Isra’el no tooñ um fop.