Read NQAARIIT NE ROOG A kim a tedu ke 136 Bible Online

A kim a tedu ke 136 - NQAARIIT NE ROOG bible

A kim a tedu ke 136

¹Ngidimyo o Yaal oxe, yaam kaa faax, too o mbeq um xan a maadaa boo faw.

²Ngidimyo a Roog fee no roog ke, yaam o mbeq um xan a maadaa boo faw.

³Ngidimyo o Yaal oxe no yaal we, yaam o mbeq um xan a maadaa boo faw,

⁴ten doŋ oxe na fi’aa comlaand maak, yaam o mbeq um xan a maadaa boo faw,

⁵ten oxe sakitna asamaan fee o jeg-yiif, yaam o mbeq um xan a maadaa boo faw,

⁶ten oxe letinna lanq ke took poofi ke, yaam o mbeq um xan a maadaa boo faw,

⁷ten oxe sakna qoolandir maak ke, yaam o mbeq um xan a maadaa boo faw,

⁸njeeƈ ne a saq ñaal ne, yaam o mbeq um xan a maadaa boo faw,

⁹o nqool onqe fo xa qoor axe a saq o yeng ole, yaam o mbeq um xan a maadaa boo faw,

¹⁰ten oxe warnoorna taaw ke no Miimisira we, yaam o mbeq um xan a maadaa boo faw,

¹¹a sutit a Isra’el a ndeer den, yaam o mbeq um xan a maadaa boo faw,

¹²fo o ɓay o jegu doole fo a naax ale letneena, yaam o mbeq um xan a maadaa boo faw,

¹³ten oxe xaajna a Kal ale no xeet le ƭik, yaam o mbeq um xan a maadaa boo faw,

¹⁴a xaañin teen xeet fee Isra’el, yaam o mbeq um xan a maadaa boo faw,

¹⁵soo a riñ a Firawon fee fo xiixire um fop kam a Kal ale no xeet le, yaam o mbeq um xan a maadaa boo faw,

¹⁶ten oxe ɗoxna xeet um kam a koƥ-a-ƥor ale, yaam o mbeq um xan a maadaa boo faw,

¹⁷ten oxe xawna maad jegu doole, yaam o mbeq um xan a maadaa boo faw,

¹⁸soo a warnoor maad jegu katil, yaam o mbeq um xan a maadaa boo faw,

¹⁹Siihon fee o maad no Aa-amori we, yaam o mbeq um xan a maadaa boo faw,

²⁰fa Oog fee o maad Basan, yaam o mbeq um xan a maadaa boo faw,

²¹a cooxit a saax ake den nen lam, yaam o mbeq um xan a maadaa boo faw,

²²lam Isra’el fee o tag um, yaam o mbeq um xan a maadaa boo faw,

²³ten oxe wetandooxna a in kam o xeefel in, yaam o mbeq um xan a maadaa boo faw,

²⁴soo a wat a in no ñaañagadil we in, yaam o mbeq um xan a maadaa boo faw,

²⁵ten oxe na ci’aa fop ke na ñoowaa ñaamel, yaam o mbeq um xan a maadaa boo faw.

²⁶Ngidimyo a Roog fee na asamaan, yaam o mbeq um xan a maadaa boo faw.