Read NQAARIIT NE ROOG A kim a tedu ke 141 Bible Online

A kim a tedu ke 141 - NQAARIIT NE ROOG bible

A kim a tedu ke 141

¹A kim a tedu laa fogna na ke Dawid oo. O Yaal oxe, mexe ƴufginooxang. Ñofi gar dimle’aam. Rungi nof of no ñuxur es, yaa um ƴufginooxang.

²Fat a qeƭ es a ŋaayiid boo me wo nen cuuraay, xa ƥay es axe letnuuma a nand nen sadax kirand.

³O Yaal oxe, yetooxi o don es, gay muuceek es a paax.

⁴Dami xeeñ es boo joobkiim no paaxeer, too ba um sooboox no kañaan fo we na mbi’aa njofaƭar. Koo ba um ñim sax no rox o felu den.

⁵Jaɓaam o cofu a xawaam, o mbeq taxun mbaat ta xasanaam, yaam diwliin fa mbelu tuñ oo took xoox es, too fañiim kaaga. Mexe xeɗahinaa yaam kañaan ne no soxodu we.

⁶Yaa kelfa den a njoortiidkeel took a ƥil ake, xan fa lay es a nan-gilooxel, yaam kaa ɓuuɓ.

⁷Xa kiiƈ den xan a pasaroox no ndokand ne jaaniif nen lanq kaa nquuyeena, a njiqtel.[54]

⁸Wo o Yaal oxe na refkaa boo faw, a kid es kaa ngaan na wo, too na wo um jaɓnooxaa. Ba o xaƴaam um ñak o ñis es.

⁹Saytooxaam no mbog ne ɗaapaneema fo no mbiir ne no we na mbi’aa njofaƭar.

¹⁰Yaasam soxodu we a njomandoor no mbaal ne da ƭaapna den fa qoox den, soo mi o mat um ɓostoox teen!