Read NQAARIIT NE ROOG A kim a tedu ke 142 Bible Online

A kim a tedu ke 142 - NQAARIIT NE ROOG bible

A kim a tedu ke 142

¹A cangtax alaa fogna na ke Dawid oo. Kaa ref a qeƭ ale ten, ye ta ɗasna kam luf naa.

²Mexe ƴufginooxaa o Yaal oxe, xeɗooxan o don es took.

³Mexe diisan ƭomaƭax es, feednan naqad es.

⁴Wo o Yaal oxe, andaa me um jofaa, yaa njambaar es a ɓutna. Ɗaapaneem mbog na ƭat ale xotuuma.

⁵Ɗeetangi na ñamaak es boo ga! Jegee o leng oxaa yegaxama. Jegatiim maa laqooxuuma, a ƭat no leng yongee na mi.

⁶O Yaal oxe, wo um ƴufginooxaa, damtin ee: «Wo refu njaɓnooxand es, a las ale jegooduuma took lanq ke no ñoow we.

⁷Rungi nof of no faɗax es, yaam fagɗaam tak. Muclaam no ñaañagadil es we ngupaxama doole.

⁸Sutaam no ngupuus onqe refuuma, ndax um gidmang. Jofu we xan a ngar a ndeeraam, yaa o fi’ankaxam paax.»