Read NQAARIIT NE ROOG A kim a tedu ke 149 Bible Online

A kim a tedu ke 149 - NQAARIIT NE ROOG bible

A kim a tedu ke 149

¹Haleluyaa! Ngimanyo o Yaal oxe a kim a qas, simatin kam mbokatax ne no gimu we!

²Fat Isra’el a felakinoox no saasak um! Kaam ee fat xeet fee Siyoŋ a njeg o ɗaay no maad den!

³Fat da simattin o mbec, a mbakantin ñal fo o nqilimb.

⁴O Yaal oxe a fexa xeet um. Kaa ci’aa ñaatu we a muc ale, ta ref mosandoor den.

⁵Gimu we xan a sawar no xe refna o ndam den, a ƈeelaa took cong den sax.

⁶Xa ton den xan a ngen no simataa a Roog, soo da pokoox saamar,

⁷ndax da ndabdinoox took a saax ake, a nqaw qeet ke,

⁸a mbeñ maad den fo ceen, a njeng wiin maak we den,

⁹a mbadin took den hate fee dalneena. Keene xan a ref o niwel no we ndamooxna no ten fop. Haleluyaa!