Read NQAARIIT NE ROOG A kim a tedu ke 2 Bible Online

A kim a tedu ke 2 - NQAARIIT NE ROOG bible

A kim a tedu ke 2

¹Roog a dodna Xar taxu a saax ake a nootoox, qeet ke a mbof a qalaat a cegee xoox?

²Kaam ee xar taxu maad we na adna fee a mbapoox, kelfa ke a ngukranaa o Yaal oxe fo xe ta ɗuumna?

³Kaa da layaa yee: «Fat i ƭeg ngiɓoor ne da seraa a in, mbatin a ceng ake da ndoonna a in.»

⁴Kaa koy, Oxe na asamaan kaa jalaa a den, o Yaal oxe kaa xaadnooxaa a den,

⁵a layaa fa den kam o nqaadax um soo a diidlandaa a den kam fuux um ee:

⁶«Mi dalnu o maad es took Siyoŋ fee o joong o tedu le mi.»

⁷Kaam lambnaa ke o Yaal oxe a dalinna. A layaxam ee: «Wo refu o ƥees, xaye mi rimong.

⁸Xeɗaam, too xam lasong qeet ke fop da ndef lamel of, o deegoox fop boo no cat adna.

⁹O samb o jelem o duguñitkaa a den, fereƴ a den nen nqaw maxte ƭok.»

¹⁰Ndiiki koy, nuun maad we, njegyo yiif, nuun kelfa ke no lanq ke, njaɓyo lalgandel.

¹¹Mbaɗooxyo o Yaal oxe fo caƭar, send mbaambir um too njeg teen o ɗaay.

¹²Siminyo o ƥeenqe, mboonin, ndik ta fuux, soo nu saŋkoor na ƭat nuun, yaam fuux um kaa yooɓ o biltoox. Kaa koy, we na njaɓnooxaa no ten a ƭaaya.