Read NQAARIIT NE ROOG A kim a tedu ke 20 Bible Online

A kim a tedu ke 20 - NQAARIIT NE ROOG bible

A kim a tedu ke 20

¹O yaal a ƭat ale no jeejeek we a xoolne yee a kim a tedu lene kaa fog na ke Dawid.

²Yaasam o Yaal oxe a jaaɓong, yaa refoona na naqad! Yaasam Roog fee Yakoob a saytooxong!

³Yaasam ta ƴufgitong no mbiñ o tedu nqe, a dimle’tong no kaa xotitna Siyoŋ!

⁴Yaasam ta wetandoox sadax ke wo fop soo a jaɓ sadax toxel of! A maaf

⁵Yaasam ta ci’ong ke refna no xeeñ of, a fadin yuuƥ ke wo fop!

⁶Maaga, xan i soroxole yaam o ndam onqe jegoona, yoɗ a laay ale no gon le Roog in. Yaasam o Yaal oxe a fadin a qeƭ of fop!

⁷Ndiiki koy, andaam ee o Yaal oxe kaa ƴufgaa oxe ta ɗuumna. Kaa jaaɓtan na asamaan fa tedu fee ten, a muclitin a ñamaak a mayu katil um.

⁸Leng we a sareet-xire a ngoolooxu, lakas we a ngooloox pis, ndaa in o mat, gon le no Yaal oxe Roog in i ƈufginooraa.

⁹Den koy, kaa mberengooxaa, a yen a lanq, soo in o mat, i naang jiŋ ngeenoox.

¹⁰O Yaal oxe, mucli o maad oxe[3] too jaaɓ a in, yaa i ƈufginooxang!