Read NQAARIIT NE ROOG A kim a tedu ke 21 Bible Online

A kim a tedu ke 21 - NQAARIIT NE ROOG bible

A kim a tedu ke 21

¹O yaal a ƭat ale no jeejeek we a xoolne yee a kim a tedu lene kaa fog na ke Dawid.

²O Yaal oxe, o maad oxe xe felakinooxaa na doole of, a muc ale hatna na wo a mayƭandin fo o ɗaay.

³Ci’aano ke xeeñ um a yuxmoogna, too xañino ke ta xeɗoogoonga. A maaf

⁴Barke’aano bo ta dey sik, rokanin o ndip wurus no xoox um.

⁵O ñoow a xeɗoogong, too ci’aano o ten, ɓaat xa yeng um, ci’in o ñoow o fagkeer ole.

⁶O ndam um a magna lool na muc ale hatna na wo. Ci’aano a qoolaand fo o niwel.

⁷Fi’aano a cur barke boo kili, too kaa o mayƭandan fo o ɗaay mbaambir of.

⁸O maad oxe kaa hooloox o Yaal oxe, too tolofkee muk yaam o mbeq onqe no xe Took-ee-took.

⁹Xan o ɓay of a dal took no fañ of, a ñamaak of a daaw we siboonga fop.

¹⁰Wo fa mbeeñeeru yaqanu o deɓ a den no ndoxand saasu, fi a den log leng kut kam fuux of, wo o Yaal oxe, soo fiɗel a raaɓ a den.

¹¹Xan o saŋik o qeet den took lanq ke, o ax den a mooc a ndeer pindeef ke.

¹²A yuuɓanangaang paaxeer a ngiɓanong o ngir, ɗaxkee a den dara.

¹³Xan o xaƴ a kas of took den, ɗiir a den.

¹⁴O Yaal oxe, lalti doole fa maak fee wo. Kaa i nqaanang soo simataa katil of.