Read NQAARIIT NE ROOG A kim a tedu ke 23 Bible Online

A kim a tedu ke 23 - NQAARIIT NE ROOG bible

A kim a tedu ke 23

¹A kim a tedu laa fogna na ke Dawid oo. O Yaal oxe na gayaxam, ñakiim dara.

²Kaa ñootnaxam kam xa suufand xa quƥu sap, a ɓakandaxam paam poofi ƥuuɓu ke.

³Kaa nomtiidaxam, a ɗoxaxam na ƭat a paax ale yaam oxe ta refna.

⁴Bo um ñaaƴaa na yulanq ale na pelyook ale na fa nqon fee sax, saɗariim paaxeer leng, yaam woxey fa mi. O loq ole wo fo laƥ ne wo na mboornaxam.

⁵Kaa o diƈanaxam ñaamel na kid no fañ es, dalnaxam a paax, yaa o sulaxam diwliin no xoox soo cooxaxam a tokol alaa naagna muut boo a ɓaxooxaa.

⁶O paaxel um fo o mbeq um kaa yoonaxam no ñoow es fop, soo um gen no Mbind ne no Yaal oxe boo faw.