Read NQAARIIT NE ROOG A kim a tedu ke 24 Bible Online

A kim a tedu ke 24 - NQAARIIT NE ROOG bible

A kim a tedu ke 24

¹A kim a tedu laa fogna na ke Dawid oo. O Yaal oxe jegu lanq ke fo ke refna teen fop, a jeg adna fee fo we ngenna teen,

²yaam o ten sinjun took xa maag axe, a geennin took xa quluɓ axe.

³Ndi an na ci’keel a ŋaay no joong olaa no Yaal oxe, a geenoox no mbiñ o tedu nqe ten?

⁴Ten refu oxe xa ƥay um a lewetna, too xeeñ um a xool, gaañitkee gon no Yaal oxe na xa koɓong too daaɓooxkee na xa maaƥ.

⁵Xan a daawit no Yaal oxe barke, Roog fee o Muumucil um a jofandin.

⁶Neene we na mbaaƭan a nandu, we na mbaaƭaa mukit of, wo Roog[4]  fee Yakoob. A maaf

⁷Xa ton-maax axe, liitooxyo took, tokand miñu ke, yoɗooxyo, ndax o maad o cegu ndam oxe a rokiid!

⁸An refu o maad o cegu ndam oxeene? Ten refu o Yaal oxe jegna doole fa katil, a ref a salma-koor na xire.

⁹Xa ton-maax axe, liitooxyo took, tokand miñu ke, yoɗooxyo, ndax o maad o cegu ndam oxe a rokiid!

¹⁰An refu boog o maad o cegu ndam oxeene? O maad o cegu ndam oxe refu o Yaal oxe  Hupna fop. A maaf