Read NQAARIIT NE ROOG A kim a tedu ke 26 Bible Online

A kim a tedu ke 26 - NQAARIIT NE ROOG bible

A kim a tedu ke 26

¹A kim alaa fogna na ke Dawid oo. O Yaal oxe, ɓoxotaam ɓur, yaam ñaaƴtaam ne ta helitna too jeg na wo a koolax a teyu sik.

²O Yaal oxe, horooxaam, ɗeetlooxaam a paax too ɓaal a qalaat a ƭasu es fo xeeñ es.

³Yiif es kaa xox no mbeq of, too no ndigil of soom um ñaaƴaa.

⁴Fogkiim moofand fo naanax we too yoonkiim fo yememaar we.

⁵Kaam sib o ref fo we na mbi’aa paaxeer, too moofkiim fo soxodu we.

⁶Kaam laxadooxaa, ndax um lalit ee xoolaam qac, soo widaa o sadaxand ole wo, wo o Yaal oxe,

⁷ndax um ɓoxotang o ngidim soo yegnitaa com’andtu ke wo fop.

⁸O Yaal oxe, fexaam mbind ne genoona, o mbiñ onqe o ndam of a refna.

⁹Ba o jangandooraam fo baabakaad we, xuufandoor o ñis es fo ole no wiin fo’oy we,

¹⁰xa ƥay den a mayna fo ndoƭ ƥor, a ñamaak den a may fo nger.

¹¹Mi o mat, kaam ñaaƴtaa ne ta helitna, wataam boog too yirmaam.

¹²Kaam geenoox took fer saƭku koŋ soo simataa o Yaal oxe kam pokatax ke no gimu we.