Read NQAARIIT NE ROOG A kim a tedu ke 28 Bible Online

A kim a tedu ke 28 - NQAARIIT NE ROOG bible

A kim a tedu ke 28

¹A kim alaa fogna na ke Dawid oo. O Yaal oxe, wo um ƴufginooxaa. Ɓil maak saƭku le mi, ba o nuunufaanooxaam, yaam a ƭat of a yongangee na mi, xam nand fo we na njimbooxaa no gamb le na saŋkax ale.

²Nan-gilooxi a qeƭax es, yaa um ƴufginooxang, yoɗaa xa ƥay es farna fo o mbiñ onqe wo moƴna o ted.

³Ba o jangandooraam fo soxodu we fo we na mbi’aa njofaƭar, den we na layaa jam fo gend den, too a soƥa paaxeer ƥor a mbofu na qeeñ den.

⁴Rabdi a den mbef den, paaxeer ke da mbi’na a sagoox a den, da muudoor jale den, a ndaaw ndabid ne helna a den.

⁵A ƭat den yongee na pi no Yaal oxe mbaat no ke xa ƥay um a njalna. Xan o Yaal oxe a maaf a den junjang soo a fañat o inatin a den boo muk.

⁶O ngidim a hela o Yaal oxe, yaam a nana a qeƭax es.

⁷O Yaal oxe refu doole es fo pegoor es. Hoolooxaanum no xeeñ es fop, too a ƴufgaxam. Ten taxu, xeeñ es a felakinoox, too kaam gidmitan a kim.

⁸O Yaal oxe refu doole xeet um. O ten refu njaɓnooxand fo a muc no xe ta ɗuumna.

⁹O Yaal oxe, mucli xeet of too barke we jegoona. Gayi a den too gadoox a den boo faw.