Read NQAARIIT NE ROOG A kim a tedu ke 3 Bible Online

A kim a tedu ke 3 - NQAARIIT NE ROOG bible

A kim a tedu ke 3

¹A kim a tedu laa Dawid a ferna yoo, ye ta ƴufaa a Absalom fee o ƥeem.

²O Yaal oxe, fañ we mi a maya lool, too jaaku a inooxanaxam.

³A jega mayu waa na layanaxam ee: «Jaratee ta yaakaaraa Roog a muclin.» A  maaf

⁴Yaag oo toox de, o Yaal oxe, wo refu pegoor es. Wo refu o ndam es, too kaa o yoɗaa o cok es took.

⁵Kaam falalooxaa o Yaal oxe, ndax ta ƴufgaam, soo ta jaaɓtaam no joong o tedu le ten. A maaf

⁶Kaam wondooxaa ɗaan, xes yokoox, yaam o Yaal oxe na saytooxaxam.

⁷Saɗariim wiin cuni-cuni wene naangna jiŋ, a ndeeraam.

⁸O Yaal oxe, inooxi! Roog es, muclaam, wo fee na faɗaa fañ we mi fop soo ɓolaa a ñiiñ no soxodu we.

⁹A muc ale no Yaal oxe a inooraa! O Yaal oxe, yaasam barke of a fudoox took xeet of! A maaf