Read NQAARIIT NE ROOG A kim a tedu ke 36 Bible Online

A kim a tedu ke 36 - NQAARIIT NE ROOG bible

A kim a tedu ke 36

¹O yaal a ƭat ale no jeejeek we a xoolne yee a kim alene kaa fog na ke Dawid fee o tag no Yaal oxe.

²Bakaad fee kaa fooƴaa kam ee kam xeeñ le no cofaƭaru xe, too o saɗar a Roog jegee a seek a leng no ñoow um.

³Bakaad fee kaa muur a kid um, yaam ndik ta anddiloox tooñ um soo a sibin.

⁴Ke ta layaa fop xa maaƥ fo naanaxir oo, cagu fo o fi paax, ta waas a den pelek.

⁵Yuuƥ mbaaxeer um, no njong um a waajtan, a reefaa a ƭat a cageer ale, a fañ o waas paaxeer.

⁶O Yaal oxe, o mbeq of a yaajta nen a asamaan, ngor of a ret boo na eel akaa.

⁷O cofel of a foda fo xa coong axe moƴna o ngoƭ took, kate of a mbod fo qooƭ ke na juwaam fee. O Yaal oxe, wo na topatooxaa wiin we fo muumeen ke.

⁸Wo Roog, o mbeq of jegee sik, pindel ke fop kaa mbaaƭaa ndaɗand yoora a nafir of.

⁹Kaa o giñnoortaa a den ñaamel pagkatar ke no mbind of, yernaa a den no pelel ole no xuluɓ of.

¹⁰Me wo o mat, a cur foofi le na ñoownaa a refu, na qoolaand of i nga’taa a qoolaand.

¹¹Geekani we andoonga o mbeq of fo o cofel of no we a qeeñ den a njofna.

¹²Koo ba o jaf no ka’atinooxu xe a dakaam, too ba o ɓay no soxodu xe a raxaam.

¹³Fiifi paaxeer we owe junjang, a maafel, too mbaagatee o inoox.