Read NQAARIIT NE ROOG A kim a tedu ke 43 Bible Online

A kim a tedu ke 43 - NQAARIIT NE ROOG bible

A kim a tedu ke 43

¹Wo Roog, ɓoxotaam ɓur, fartaam no gimaƭaru we, muclaam no maamaaɓ we fo no fiifi paaxeer we!

²Wo refu Roog o saasaytax es. Xar taxu o xaƴaam? Xar taxu naqad a lifaa o cok es kili, o waas fañ we mi da ñagadilaxam?

³Lultiidaam a qoolaand of fo ndigil of. Fat da ƭoxaam boo no joong o tedu le wo, a ƥisaam no mbind of!

⁴Maaga, xam matiid o sadaxand ole wo, matong, wo Roog fee o ɗaay es fo o mbelakinax es, soo xilmbanang, wo Roog fee refna Roog es.

⁵O laaw es, xar taxu o naqadiloox soo iinaa kam es? Tee o cung a Roog, too and ee xam simatahinin, ten fee o Muumucil es fa Roog es.