Read NQAARIIT NE ROOG A kim a tedu ke 47 Bible Online

A kim a tedu ke 47 - NQAARIIT NE ROOG bible

A kim a tedu ke 47

¹O yaal a ƭat ale no jeejeek we a xoolne yee a kim a tedu lene kaa fog na ke no Kookoora we.

²Nuun qeet ke fop, mboxyo, njibnan a Roog xa soroxole,

³yaam o Yaal oxe Took-ee-took a deye o saɗar. Ten refu o maad o maak oxe no lanq ke fop.

⁴Kaa ɓoxotaa qeet ke na xa ƥay in, a maafaa a saax ake na caf in.

⁵A jilana a in lanq ke i lamna, ta ref qaaƴoor in, in we xeet fee Yakoob ta fexna. A maaf

⁶Roog oxe ŋaayaa ndeer xa ƈeel axe, o Yaal oxe xe ɓeraa no fangax le na luuƥ ale.

⁷Nqaanyo a Roog, nqaaneenoo. Nqaanyo o maad in, nqaaneenoo,

⁸yaam Roog refu o maad oxe no lanq ke fop. Ngimaneenoo a cangtax!

⁹Roog kaa maadooxaa took qeet ke, a moof took uum tedu le ten.

¹⁰Gelwaar we no qeet ke kaa mbokatoor, a ndef xeet fee na Roog fee Abraham, yaam Roog kelfa’u yaal toole ke na adna fee. Ten gartu fop took.