Read NQAARIIT NE ROOG A kim a tedu ke 53 Bible Online

A kim a tedu ke 53 - NQAARIIT NE ROOG bible

A kim a tedu ke 53

¹O yaal a ƭat ale no jeejeek we a xoolne yee a kim alene kaa yoonandteel a liit, a ref a cangtax alaa fogna na ke Dawid.

²Oxe na layaa taa kam um ee: «Roog jegee», yoqit oo. Fop kaa laawoox, a mbi’aa njofaƭar naa o leng a andeerna, too jegee o leng oxaa na fi’aa paax.

³Roog kaa fod took-ee-took asamaan, a horooxaa wiin we boo a ga, ndax a jega na den o cegu yiif, ndax a jega oxaa na waaƭaa a Roog.

⁴Fop kaa ngoƭ a Roog soo a mbokatoor, a laawoox. Jegee oxaa na fi’aa paax, jegee o leng sax.

⁵Weene na mbi’aa cofaƭaru njegee o and o leng, den we na listaa xeet es ne mbuuru a listiteel too ƈufginooxkee a Roog muk.

⁶Xan a mos o send fo diid, too jegee kaa na diidlandaa, yaam xan Roog a pasar xa kiiƈ no we na tinqlang. Xan a sed[22], yaam xan Roog a filid a den.

⁷Ey, bug’aam o ga wala a muc ale Isra’el na inoortiidkaa Siyoŋ! Yaa Roog a supitkaa o roxanqol ole na xeet um, xan Yakoob a ref no ɗaay, Isra’el a felakinooxaa.