Read NQAARIIT NE ROOG A kim a tedu ke 58 Bible Online

A kim a tedu ke 58 - NQAARIIT NE ROOG bible

A kim a tedu ke 58

¹O yaal a ƭat ale no jeejeek we a xoolne yee a kim alene kaa saq o jangooƭ na kim ale ne’eena «Ba o yaq». A cangtax alaa fogna na ke Dawid oo.

²No ndigil, mbanuu nu layna, o cofel ole yee cuxus. Nuun xa ƥiy Aadama, ndax nu naaga o ngate’taa o cofel?

³Muk! Kaa nu ndiy mbi’aa njofaƭar, oraa o njakad kam saax le.

⁴Soxodu we kaa ndimteel kañaan den, maamaaɓ we a mo’aa den fa ndimaande.

⁵Kaa njeg daŋat nen sax, a nuunufaanooxaa boo a nandat fa fangool fa ndam

⁶faa waageerna o nan o ñuxur no daadam fangool, boo no ñaañango xe moƴna o jeg o and.

⁷Wo Roog, gaaki a ñiiñ den, o Yaal oxe, duguñi a kaaɓaaɓ ake no fo njogoy fo njanglax neene.

⁸Yaasam da sooƴ nen foofi laa na ŋiisaa, Roog a xaƴ a kas um, da yen.

⁹Yaasam da nand nen mbaamñurucuuc ne na weeraa, yaa ta ɓeraa no njeeƈ ne, nen o fud o watu laa ga’keerna ñaal ne.

¹⁰Boo xa quɗoox axe nuun a ngelko fo yegaa a sumaan ale no ndugin ne, xan Roog a maƥit a den a und a maak, ta soƥ ee kaa maad o nquƥaa mbaat da kaƥaa.[23]

¹¹O cofu xe xan a jeg o ɗaay, yaa ta ga’kaa ndabdinax ne Roog took no soxodu we soo a loofaa no fo’oy den.

¹²Maaga, xan fop a lay ee: «A woor’a kañ ee xan jofu we a saɗgel, no ndigil, a jega Roog faa na hate’aa na adna fee.»