Read NQAARIIT NE ROOG A kim a tedu ke 61 Bible Online

A kim a tedu ke 61 - NQAARIIT NE ROOG bible

A kim a tedu ke 61

¹O yaal a ƭat ale no jeejeek we a xoolne yee a kim alene kaa yoonandteel o nqilimb, a fog na ke Dawid.

²Wo Roog, nan-gilooxi xa buuq es, rung nof of na qeƭ es.

³Kaam falaloortang no cat adna, yaam xeeñ es kaa naqadiloox. Yoɗaam took ɓil le hupaxama took.

⁴Kaa o ref na mi njaɓnooxand mbooru, tabax saƭku koŋ mbaambir no pañ oxe.

⁵Bugaam o ñoowaa kili no ngenand of, jeg njaɓnooxand yoora a nafir of. A maaf

⁶Wo Roog, nanaa ke regoonga. Kaa o ci’axam no lam ne geekanoona we niwna gon of.

⁷Ci’i o maad oxe o xuuɗ. Yaasam we no mbind um a ƭisel xa puum!

⁸Yaasam ta maadooxaa boo kili no ndimle of, wo Roog! Fat o mbeq of fo ngor of a saytooxan!

⁹Maaga, xam gen no xaanaa gon of, fadnaa a tegit es fa wo ñaal oo ñaal.