Read NQAARIIT NE ROOG A kim a tedu ke 67 Bible Online

A kim a tedu ke 67 - NQAARIIT NE ROOG bible

A kim a tedu ke 67

¹O yaal a ƭat ale no jeejeek we a xoolne yee a kim alene kaa yoonandteel o nqilimb, a ref a Kim a tedu.

²Yaasam Roog a yirim a in too a barke a in. Yaasam ta lal a in tagid um, A maaf

³ndax a ƭat um a andel took lanq ke, a muc um a ndeer qeet ke fop.

⁴Wo Roog, fat qeet ke a ƥoxotong o ngidim, kaam ee fat qeet ke fop a ƥoxotong o ngidim!

⁵Fat a saax ake fop a mbelakinoox, a njeg o ɗaay, yaam kaa o xaftaa qeet ke o cofel, ɗoxaa a saax ake took lanq ke. A maaf

⁶Wo Roog, fat qeet ke a ƥoxotong o ngidim, kaam ee fat qeet ke fop a ƥoxotong o ngidim!

⁷Lanq ke a cooxta ke da mbatna. Yaasam Roog fee Roog in a barke a in.

⁸Kaam ee yaasam Roog a barke a in, too yaasam ta saɗarel boo no cat ke no lanq ke fop!