Read NQAARIIT NE ROOG A kim a tedu ke 70 Bible Online

A kim a tedu ke 70 - NQAARIIT NE ROOG bible

A kim a tedu ke 70

¹O yaal a ƭat ale no jeejeek we a xoolne yee a kim alene kaa fog na ke Dawid, a gimeel yaa fo sadax fa mbetandoor.

²Wo Roog, muclaam, o Yaal oxe, ñofi gar ƴufgaam.

³Fat we mbugna njang o ñis es a seeƈaar soo a lupandoox. Fat we mbuganaxama taamaala a ndiƈatoox soo a naang ɓot a sed.

⁴Fat we na nqeseeyaa a naang cook yaam gaci fa ƭomu fee da njegkaa.

⁵Fat fop we na mbaaƭang a sawar too a mbelakinoox na wo! Fat we mbexna a muc ale wo a ngen no layaa yee: «Roog a magna!»

⁶Mi, kaam ñaat soo rool. Wo Roog, ñofi gar me mi. Wo refu ƈufig es fo o baawat es. O Yaal oxe, ba o cungnooraam.