Read NQAARIIT NE ROOG A kim a tedu ke 8 Bible Online

A kim a tedu ke 8 - NQAARIIT NE ROOG bible

A kim a tedu ke 8

¹O yaal a ƭat ale no jeejeek we a xoolne yee a kim alene kaa saq o jangooƭ no we ngenna Gaat. A kim a tedu laa fogna na ke Dawid oo.

²O Yaal oxe, wo xe o Yaal in, ndaw gon of magnu took lanq ke fop! Wo fee o ndam of a xaaneel took-ee-took asamaan,

³xottaa a simat[2] na xa ton axe na xa teɓandoong xa tutuuñ axe fo no we na xa qeq axe yaam fañ we wo, ndax fañ we fo we mbugna o ndabdinoox a naang meek.

⁴Um ɗeetangaa ɗeet asamaan fee saktoona xa ƥay of, o nqool onqe fo xa qoor axe sipoona teen,

⁵kaa um laamtooxaa yee: Xar o kiin a refu ref, boo tee kaa o moof xalaman? Ndi, xar o ƥiy Aadama a refu, boo tee kaa o moof topatooxan?

⁶Fi’aano ta mat o fodir fa wo, widnin o ndam fa tedaanga,

⁷ci’in ta maadoox took no ke sakoona fop, doon fop na xa ƥay um,

⁸nen paal ke fo pambe ke fo naak ke boo no muumeen-a-koƥ ke

⁹fo tiiƭ ke na asamaan fo liƥ ke no maag ole fo fop ke na weƴaa na xa maag axe.

¹⁰O Yaal oxe, wo xe o Yaal in, ndaw gon of magnu took lanq ke fop!