Read NQAARIIT NE ROOG A kim a tedu ke 87 Bible Online

A kim a tedu ke 87 - NQAARIIT NE ROOG bible

A kim a tedu ke 87

¹A kim a tedu laa fogna na ke no Kookoora we yoo. A kim oo. O Yaal oxe a sinja teeru fee ten took xa coong xa tedu.

²Siyoŋ moƴanun teeru lakas ke na xa taan Yakoob fop.

³Wo teeru fee Roog, ke layeena na wo fop kaa niwnoox: A maaf

⁴«Bo um ne’aa a kon no we andaxama no qeet ke, xam fokat teen a Misira[39] fa Babilon, wiin we Filista fo we Tiir fo we Kuus, um limaale’it a den fo we ndimeena Yeerusaleem»,

⁵soo na Siyoŋ ta layel ee: «Ten refu mbaafaap no xuu refna.» Oxe Took-ee-took fa xoox um saƭkandun.

⁶Kam safe le o Yaal oxe a bindna qeet ke, kaa bindaa yee: «O ndeetar onqene Siyoŋ a rime.» A maaf

⁷We na ngimaa fo we na mbecaa kaa mbalalooxaa yee: «A cur es fop owey na wo.»