Read NQAARIIT NE ROOG Esayi 12 Bible Online

Esayi 12 - NQAARIIT NE ROOG bible

Esayi 12

¹A koom xan o lay ee: «O Yaal oxe, mexe simatang, yaam kaa o fuuxan’aam, ndaa fuux of a ɓoosa, too yaalaxamo.

²Roog fee muclaxama oxey. Hoolooxaanum, too diidkatiim dara. O Yaal oxe refu doole es, too ten soom um gimaa, ten fee o Muumucil es.»

³Xan nu ƈeewaa fo o ɗaay na cur ake na muc ale,

⁴too a koom xan nu lay ee: «Simatyo o Yaal oxe, lambin gon um, yegin qeet ke a pi a mosu ke ten soo mbetand wiin we yee gon um hupu fop.

⁵Tagasyo o Yaal oxe yaam a pi a com’andtu ke ten. Fat da andnoorel kam adna fee fop.»

⁶Nuun we ngenna Siyoŋ, njibinyo xa ƈeel too mbelakinoox, yaam o Tedu xe Isra’el refna a ndeer nuun kaa magin.