Read NQAARIIT NE ROOG Esayi 4 Bible Online

Esayi 4 - NQAARIIT NE ROOG bible

Esayi 4

¹A koom, xan rew ɓetuu ɗik a ndam no koor o leng, a layan ee: «I soxla’ee o saq o ñoow in mbaat o ñiraa a in. Ke i nqeɗang soom refu o hum a in o ƥaak, watin gaci in.»

²A koom, xan dugatin le no Yaal oxe a refat o mosel fo o ndam no yoqatin we Isra’el, soo xa tim axe no saax le a ndefat o ɗaay fo o mosel na den.

³Maaga, yoqatin we Siyoŋ fo onqe mucna Yeerusaleem xan a nqoyeel tedu. Den ndefu fop we o Yaal oxe a bindna no safe um, ndax da ñoowaa Yeerusaleem.

⁴Yaa o Yaal oxe a fortitkaa Yiif o cofel fo fiɗel ndoƭ ke na xa ƥiy xa tew axe Siyoŋ, soo a ɓogditin a Yeerusaleem no fo’oy le ɓaxuna teen,

⁵muu refna took o joong ole Siyoŋ fo took no wuu mbokatoorna teen, xan a feeñil eel no ñaal ne fo fo suun fo aal fiɗel no yeng ole. Maaga, o ndam onqe no Yaal oxe xan a muur fop.

⁶Xan a ref nen ƭiif naa na yookaa na sumaan ale no ñaal ne, a ref nen o jaɓnooxand fo o laqooxand na und ake fo na teƥ ake.