Read NQAARIIT NE ROOG A lim ale 2 Bible Online

A lim ale 2 - NQAARIIT NE ROOG bible

A lim ale 2

¹O Yaal oxe a laya a Moyiis fa Aaroon ee:

²«Fat oxuu refna no Ii-isra’el we a dal paam a laay a anddiloor ale na qaw um ale refna me widna a laay a anddiloor ale na carind um. Fat a ndiƈatoox Ƭiif ne um xetteel, mi o Yaal oxe, a ndal me widuuna.

³We mbogna na carind ale Yudaa, a laay a anddiloor den xan a ref farna fo batand, too fat a ndal maaga, a reefandel na qaw den. Naason fee o ƥiy Aminadab na adooxankaa a den.

⁴A yaj no xiixire um a refa goor cuni qarɓeen ɓetuu ƭik fo cuni nahik fo teemeed ɓetuu fa leng.

⁵Fat a carind ale Isakaar a dal a paam den. Netanel fee o ƥiy Suwar na adooxankaa a den.

⁶A yaj no xiixire um a refa goor cuni qarɓeen ƥetik fo cuni nahik fo teemeed nahik.

⁷Fat a carind ale Sabulon a dal no saax o lakas ole na le Yudaa. Eliyab fee o ƥiy Heelon na adooxankaa a den.

⁸A yaj no xiixire um a refa goor cuni qarɓeen ƥetik fo cuni ɓetuu ƭik fo teemeed nahik.

⁹We mbind’eena na carind ale Yudaa fo na carind ake ndal’ina fa den o mbiñ o leng, a ndefa fop oo fop goor cuni teemeed fo cuni qarɓeen ɓetuu tadik fo cuni ɓetuu fa leng fo teemeed nahik. Den na adooxankaa xeet fee Isra’el na ñaaƈ ale.

¹⁰We mbogna na carind ale Ruben, a laay a anddiloor den xan a ref farna fo ɓemb-roog o ñamaak, too fat a ndal maaga, a reefandel na qaw den. Elisuur fee o ƥiy Sede’uur na adooxankaa a den.

¹¹A yaj no xiixire um a refa goor cuni qarɓeen nahik fo cuni ɓetuu fa leng fo teemeed ƥetik.

¹²Fat a carind ale Simewon a dal a paam den. Selumi’el fee o ƥiy Surisaday na adooxankaa a den.

¹³A yaj no xiixire um a refa goor cuni qarɓeen ƥetik fo cuni ɓetuu nahik fo teemeed tadik.

¹⁴Fat a carind ale Gaad a dal no saax o lakas ole na le Ruben. Eliyasaf fee o ƥiy Rewel na adooxankaa a den.

¹⁵A yaj no xiixire um a refa goor cuni qarɓeen nahik fo cuni ƥetik fo teemeed ɓetuu fa leng fo qarɓeen ƥetik.

¹⁶We mbind’eena na carind ale Ruben fo na carind ake ndal’ina fa den o mbiñ o leng a ndefa fop oo fop goor cuni teemeed fo cuni qarɓeen ƥetik fo juni fa leng fo teemeed nahik fo qarɓeen ƥetik. Den na ndeefankaa we adooxna.

¹⁷Cinj kaaga, fat Leelewi we a ndet, a mbod a ndeer, a saq Ƭiif ne um xetteel, mi o Yaal oxe. Ne da ndalit’ina ndalit a ndetitkaa, oxuu refna a reef a laay a anddiloor ale na qaw um.

¹⁸We mbogna na carind ale Efrayim, a laay a anddiloor den xan a ref farna fo mudand, too fat a ndal maaga, a reefandel na qaw den. Elisama fee o ƥiy Amihud na adooxankaa a den.

¹⁹A yaj no xiixire um a refa goor cuni qarɓeen nahik fo teemeed ƥetik.

²⁰Fat a carind ale Manaase a dal a paam den, Gamali’el fee o ƥiy Pedasuur a adooxan a den.

²¹A yaj no xiixire um a refa goor cuni qarɓeen tadik fo cuni ƭik fo teemeed ƭik.

²²Cinj kaaga, fat a carind ale Bensame a dal no saax o lakas ole na le Efrayim, Abidan fee o ƥiy Gidoni a adooxan a den.

²³A yaj no xiixire um a refa goor cuni qarɓeen tadik fo cuni ƥetik fo teemeed nahik.

²⁴We mbind’eena na carind ale Efrayim fo na carind ake ndal’ina fa den o mbiñ o leng, a ndefa fop oo fop goor cuni teemeed fo cuni ɓetuu tadik fo teemeed. Den na ndefkaa a yaj a tadkandeer ale, a ndeefan Leelewi we.

²⁵We mbogna na carind ale Dan, a laay a anddiloor den xan a ref farna fo ɓemb-roog o janoon, too fat a ndal maaga, a reefandel na qaw den. Ahiyeseer fee o ƥiy Amisaday na adooxankaa a den.

²⁶A yaj no xiixire um a refa goor cuni qarɓeen ɓetuu fa leng fo cuni ƭik fo teemeed ɓetuu ƭik.

²⁷Fat a carind ale Aseer a dal paam den, Pagi’el fee o ƥiy Okran a adooxan a den.

²⁸A yaj no xiixire um a refa goor cuni qarɓeen nahik fa juni fa leng fo teemeed ƥetik.

²⁹Cinj kaaga, fat a carind ale Neftali a dal no saax o lakas ole na le Dan, Ahira fee o ƥiy Enaan a adooxan a den.

³⁰A yaj no xiixire um a refa goor cuni qarɓeen ƥetik fo cuni tadik fo teemeed nahik.

³¹We mbind’eena na carind ale Dan fo na carind ake ndal’ina fa den o mbiñ o leng, a ndefa fop oo fop goor cuni teemeed fo cuni qarɓeen ƥetik fo cuni ɓetuu ƭik fo teemeed ɓetuu fa leng. Den na mbalakkaa na ñaaƈ ale. Fat wuu ndefna a ndeef a laay a anddiloor den.»

³²Weene ndefu we mbind’eena no Ii-isra’el we, a reefandel no ƥasil ke. We mbind’eena na carind ake fop, a reefandel na qaw den, a ndeeƭa goor cuni teemeed ɓetuu fa leng fo cuni tadik fo teemeed ƥetik fo qarɓeen ƥetik.

³³Kaa koy, Leelewi we limandoor’aand fo Ii-isra’el lakas we, ne o Yaal oxe a heblit’uuna a Moyiis.

³⁴Ii-isra’el we a mbi’ooga deŋ ke o Yaal oxe a hebil’ina a Moyiis. Paam a laay den a ndaloogu, a ndettaa ne da layit’eena o ten, oxuu refna fo a qaw um, a yoon fo ƥasil um.