Read NQAARIIT NE ROOG A lim ale 26 Bible Online

A lim ale 26 - NQAARIIT NE ROOG bible

A lim ale 26

¹o Yaal oxe a laya a Moyiis fa Eleyasaar fee o ƥiy Aaroon, o saasadax oxe yee:

²«Limyo Ii-isra’el we fop, ndeefandin no ƥasil den, nqotit no we njegna xa kiid qarɓeen ƭik a jof took, too a mbaag o ndet na xire.»

³Maaga, Moyiis fa Eleyasaar fee o saasadax oxe a laya fo Ii-isra’el we na xa saawit axaa Mowaab, farna fo batand naa Yordaan, jasnoorna fa Yeriko. A yegnayo a den ee:

⁴«O Yaal oxe kaa hebil a Moyiis, ndax goor we fop njegna xa kiid qarɓeen ƭik a jof took a limel.» Weeke ndefu Ii-isra’el we inoor’ina Misira:

⁵Eetu a jeg’a a carind ale Ruben fee refna taaw Yakoob. A qaw ake inoorna na xa ƥeem ndefu: Heehenok we ndefna xa taan Henok fo Paapalu we ndefna xa taan Palu

⁶fo Heehesron we ndefna xa taan Hesron fo Kaakarmi we ndefna xa taan Karmi.

⁷Keene ndefu a qaw ake mbaqaqoorna na Ruben. Ye da limeena, a ndeeƭa goor cuni qarɓeen nahik fo cuni tadik fo teemeed ɓetuu ƭik fo qarɓeen tadik.

⁸Palu rim’u a Eliyab,

⁹Eliyab a rim a Nemu’el fa Daatan fa Abiram. Daatan fa Abiram weene, ndeeƭna wiin maak no mbokatax ne, siiknoor’u fa Moyiis fa Aaroon, a yoon fo we mbogna na Koora, ye weene a inooxanna o Yaal oxe.

¹⁰Lanq ke kaa mbetoox’u, a ƭuud a den fa Koora itam, a koom alaa we mbogna na Koora fop a nqonna, ye fiɗel le a doxna goor teemeed ƭik fo qarɓeen ƥetik. Weene a lalgand a ndeeƭu no we yoq’ina na xeet fee.

¹¹Kaa koy, xa ƥiy axe Koora nqon’ee, ye keene a xewna.

¹²Keeke ndefu a qaw ake mbogna na carind ale Simewon: Neenemu’el we ndefna xa taan Nemu’el fo Yaayamin we ndefna xa taan Yamin fo Yaayakin we ndefna xa taan Yakin

¹³fo Seeserax we ndefna xa taan Serax fo Saasawul we ndefna xa taan Sawul.

¹⁴Weene ndefu a qaw ake mbaqaqoorna na Simewon, ndeeƭna goor cuni qarɓeen ƭik fo cuni ƭik fo teemeed ƭik.

¹⁵Keeke ndefu a qaw ake mbogna na carind ale Gaad: Siisifyon we ndefna xa taan Sifyon fo Haahagi we ndefna xa taan Hagi fo Suusuni we ndefna xa taan Suni

¹⁶fo Oo-osni we ndefna xa taan Osni[16] fo Ee-eri we ndefna xa taan Eri

¹⁷fo Aa-arodi we ndefna xa taan Arodi fo Aa-areli we ndefna xa taan Areli.

¹⁸Keene ndefu a qaw ake mbaqaqoorna na Gaad. Ye da limeena, a ndeeƭa goor cuni qarɓeen nahik fo teemeed ƥetik.

¹⁹Keeke ndefu a qaw ake mbogna na carind ale Yudaa: Seeseelax we ndefna xa taan Seelax fo Peeperes we ndefna xa taan Peres fo Seeserax we ndefna xa taan Serax fo Heehesron we ndefna xa taan Hesron. Xaaxamul we ndefna xa taan Xamul koy, na qaw ale Peres a mbog’u. Ɗik na xa ƥiy axe Yudaa, ndefna Eer fa Onan, kaa nqonit’u no saax laa Kanaan too njeg’ee xa ƥiy.

²⁰

²¹

²²Keene ndefu a qaw ake mbaqaqoorna na Yudaa. Ye da limeena, a ndeeƭa goor cuni qarɓeen ɓetuu ƭik fo cuni ɓetuu fa leng fo teemeed ƥetik.

²³Keeke ndefu a qaw ake mbogna na carind ale Isakaar: Tootoola we ndefna xa taan Toola fo Puupuuwa we ndefna xa taan Puuwa

²⁴fo Yaayasub we ndefna xa taan Yasub[17] fo Siisimron we ndefna xa taan Simron.

²⁵Keene ndefu a qaw ake mbaqaqoorna na Isakaar. Ye da limeena, a ndeeƭa goor cuni qarɓeen ɓetuu fa leng fo cuni nahik fo teemeed tadik.

²⁶Keeke ndefu a qaw ake mbogna na carind ale Sabulon: Seesered we ndefna xa taan Sered fo Ee-elon we ndefna xa taan Elon fo Yaayaaleel we ndefna xa taan Yaaleel.

²⁷Keene ndefu a qaw ake mbaqaqoorna na Sabulon. Ye da limeena, a ndeeƭa goor cuni qarɓeen ɓetuu fa leng fo teemeed ƥetik.

²⁸A carind ake Manaase fa Efrayim saq’u xa taan axe Yoseef.

²⁹Keeke refu a qaw ale na carind ale Manaase: Maamakiir we ndefna xa taan Makiir. Makiir rimu a Galaad. Galaad refu o taan no Gaagalaad we.

³⁰Weeke ndefu we mbaqaqoorna na Galaad: Yeeyeseer we ndefna xa taan Yeseer fo Heehelek we ndefna xa taan Helek

³¹fo Aa-asri’el we ndefna xa taan Asri’el fo Siisikeem we ndefna xa taan Sikeem

³²fo Seesemida we ndefna xa taan Semida fo Heehefeer we ndefna xa taan Hefeer.

³³Selofad fee o ƥiy Hefeer jeg’ee xa ƥiy xa koor, ndaa rew ɓor a jeg’u, da ne’el Maxla fa Nowa fa Hogla fa Milka fa Tirsa.

³⁴Weene ndeeƭu we mbaqaqoorna na Manaase. Ye da limeena, a ndeeƭa goor cuni qarɓeen ƥetik fo cuni ƭik fo teemeed ɓetuu ƭik.

³⁵Keeke ndefu a qaw ake mbogna na carind ale Efrayim: Suusutela we ndefna xa taan Sutela fo Beebeker we ndefna xa taan Beker fo Taatahan we ndefna xa taan Tahan.

³⁶Ee-eran we ndefu xa taan Eran fee o ƥiy Sutela.

³⁷Keene ndefu a qaw ake mbaqaqoorna na Efrayim. Ye da limeena, a ndeeƭa goor cuni qarɓeen tadik fo cuni ƭik fo teemeed ƥetik. A qaw ake na carind a ƭak akeene, xa taan Yoseef a ndeeƭu, den fop.

³⁸Keeke ndefu a qaw ake mbogna na carind ale Bensame: Beebela we ndefna xa taan Bela fo Aa-asbel we ndefna xa taan Asbel fo Aa-ahiram we ndefna xa taan Ahiram

³⁹fo Suusufam we ndefna xa taan Sufam[18] fo Huuhufam we ndefna xa taan Hufam.

⁴⁰Aa-ardi we ndefna xa taan Ardi fo Naanaaman we ndefna xa taan Naaman na qaw ale Bela a mbog’u.

⁴¹Keene ndefu a qaw ake mbaqaqoorna na carind ale Bensame. Ye da limeena, a ndeeƭa goor cuni qarɓeen nahik fo cuni ƥetik fo teemeed ɓetuu fa leng.

⁴²A carind ale Dan a qaw a leng kut a reeƭu, ta ref ale no Suusuham we ndefna xa taan Suham.

⁴³A qaw aleene a reeƭa goor cuni qarɓeen ɓetuu fa leng fo cuni nahik fo teemeed nahik.

⁴⁴Keeke ndefu a qaw ake mbogna na carind ale Aseer: Yiiyimna we ndefna xa taan Yimna fo Yiiyiswi we ndefna xa taan Yiswi fo Beeberiya we ndefna xa taan Beriya.

⁴⁵Heeheber we ndefna xa taan Heber fo Maamalki’el we ndefna xa taan Malki’el na qaw ale no Beeberiya we a mbog’u.

⁴⁶Aseer a jeg’a o ƥiy o ndew o ne’e Sera.

⁴⁷Keene ndefu a qaw ake mbaqaqoorna na carind ale Aseer. Ye da limeena, a ndeeƭa goor cuni qarɓeen ƥetik fo cuni tadik fo teemeed nahik.

⁴⁸Keeke ndefu a qaw ake mbogna na carind ale Neftali: Yaayaseel we ndefna xa taan Yaseel fo Guuguni we ndefna xa taan Guni

⁴⁹fo Yeeyeceer we ndefna xa taan Yeceer fo Siisileem we ndefna xa taan Sileem.

⁵⁰Keene ndefu a qaw ake mbaqaqoorna na carind ale Neftali. Ye da limeena, a ndeeƭa goor cuni qarɓeen nahik fo cuni ƥetik fo teemeed nahik.

⁵¹Neene, goor Ii-isra’el we mbind’eena a ndeeƭa fop oo fop cuni teemeed ɓetuu fa leng fo juni fa leng fo teemeed ɓetuu ƭik fo qarɓeen tadik.

⁵²O Yaal oxe a laya a Moyiis ee:

⁵³«Fat o las a carind akeene saax le, reefandin no ne wiin den a mbodna.

⁵⁴Fat o las a carind ake moƴna o may wiin xa piisel xa yaaju soo ake mayeerna wiin, o las a den xa piisel xa teɓ.

⁵⁵Fat saax le a lasritel mbanjang, a reefandel no ne wiin we na carind ake a mbodna.

⁵⁶Na carind aluu refna, ta may wiin mbaat ta ñak o may wiin, mbanjang ne na laykaa ke refna a las um no saax le.»

⁵⁷Weeke ndefu Leelewi we lim’eena a reefandel na qaw den: Geegeerson we ndefna xa taan Geerson fo Keekehat we ndefna xa taan Kehat fo Meemerari we ndefna xa taan Merari.

⁵⁸A jeg’a ƥasil kaa mbaqaqoorna na Lewi too a nqoyeel: Liilibni we fo Heehebron we fo Maamaxli we fo Muumuusi we fo Kookoora we. Kehat rimu a Amram.

⁵⁹O tew Amram Yokebed a ne’’e, a ref o ƥiy Lewi, ta rimit’un Misira. A jeg’a fa Amram a Aaroon fa Moyiis fa Miryam fee o cigeen den.

⁶⁰Aaroon fa xoox um a jeg’a xa ƥiy xa nahaq: Nadab fa Abiihu fa Eleyasaar fa Itamaar.

⁶¹Nadab fa Abiihu koy nqon’u, ye da ƥisiidna mbaambir no Yaal oxe fiɗel laa ta simit’eerna.

⁶²We lim’eena no goor we, a xotit no we njegna o nqool a jof took, a ndeeƭa cuni qarɓeen ƭik fo cuni tadik. Limandoor’aand fo Ii-isra’el lakas we, yaam mbar’ee o njeg lanq nen a den.

⁶³Weene ndefu we Moyiis fa Eleyasaar fee o saasadax oxe a lim’ina na xa saawit axaa Mowaab farna fo batand naa Yordaan, jasnoorna fa teeru fee Yeriko.

⁶⁴A ndeer no Ii-isra’el weene jeg’ee o leng no we Moyiis fa Aaroon fee o saasadax oxe a lim’ina na koƥ-a-ƥor alaa Sinayi,

⁶⁵yaam o Yaal oxe kaa lay’u yee: «Xan a nqon kam a koƥ-a-ƥor ale.» O leng na den koy yoq’ee, a refangeerna Kaleb fee o ƥiy Yefune fa Yosuwe fee o ƥiy Nun.