Read NQAARIIT NE ROOG A lim ale 29 Bible Online

A lim ale 29 - NQAARIIT NE ROOG bible

A lim ale 29

¹«No ñaal eetaand ne no nqool o ɓetuu ƭikandeer onqe, fat nu njeg o xet o tedu. Nu njalkee teen dara, yaam bes a luuƥ oo.

²Fat nu ƥoxot o Yaal oxe nen sadax fa ndoxel faa feluuna tuñ bo: nqoox ndeɓ fo suk mbaal fo fo njuk fo mbaal ɓetuu ƭik naa onquu refna na den a jegna o hiid. Cegel keene fop koy, baa njeg sik.

³Njegel nuu refna teen fat a yoonandtel sadax mbiɗel qiiwte diwliin: nqoox ne ngap kilo ɓetuu nahik, suk mbaal le ngap kilo ɓetuu fa leng,

⁴soo o njuk mbaal onquu refna ngap kilo tadik.

⁵Fat nu sadaxit itam suk fambe nen sadax fa mbaasnoor pakaad. Neene, xan nu njofoorandel fo o Yaal oxe.

⁶Sadax keene fop mbogirkee fa sadax fa ndoxel fee na fi’eel bes fuu refna fo sadax toxel ke na mbi’eel na bat ale no nqool onquu refna, a yoonandteel sadax tuufe-duufe ke fa fee na biiñ fee. Sadax toxel keene xan a mbel tuñ bo no Yaal oxe.»

⁷«No ñaal xarɓaxayandeer ne no nqool o ɓetuu ƭikandeer onqe, fat nu njeg o xet o tedu. Fat nu ngoor, too nu njalkee dara.

⁸Fat nu ƥoxot o Yaal oxe nen sadax fa ndoxel faa feluuna tuñ bo: nqoox ndeɓ fo suk mbaal fo fo njuk fo mbaal ɓetuu ƭik naa onquu refna na den a jegna o hiid. Cegel keene fop koy, baa njeg sik.

⁹Njegel nuu refna teen fat a yoonandtel sadax mbiɗel qiiwte diwliin: nqoox ne ngap kilo ɓetuu nahik, suk mbaal le ngap kilo ɓetuu fa leng,

¹⁰soo o njuk mbaal onquu refna ngap kilo tadik.

¹¹Fat nu sadaxit itam suk fambe nen sadax fa mbaasnoor pakaad, fogreerna fa sadax fee nu njofoorandteel fo o Yaal oxe fa sadax fa ndoxel fee na fi’eel bes fuu refna, a yoonandteel sadax tuufe-duufe ke fa fee na biiñ fee.»

¹²«No ñaal xarɓaxay fo ñaal ƥetkandeer ne no nqool o ɓetuu ƭikandeer onqe, fat nu njeg o xet o tedu, too nu njalkee teen dara. No ke xotitna no ñaal neene, fat nu ndoofandanaa o Yaal oxe xew boo ñaal ɓetuu ƭik.

¹³No ñaal eetaand ne, fat nu ƥoxot o Yaal oxe nen sadax fa ndoxel faa feluuna tuñ bo: qoox teɓ xarɓaxay fo tadik fo a suk paal a ƭak fo fo njuk fo mbaal xarɓaxay fo fo nahuk naa onquu refna na den a jegna o hiid. Cegel keene fop koy, baa njeg sik.

¹⁴Njegel nuu refna teen fat a yoonandtel sadax mbiɗel qiiwte diwliin: nqoox nuu refna ngap kilo ɓetuu nahik, suk mbaal luu refna ngap kilo ɓetuu fa leng,

¹⁵soo o njuk mbaal onquu refna ngap kilo tadik.

¹⁶Fat nu sadaxit itam suk fambe nen sadax fa mbaasnoor pakaad. Sadax keene fop koy, mbogirkee fa sadax fa ndoxel fee na fi’eel bes fuu refna, a yoonandteel sadax tuufe-duufe ke fa fee na biiñ fee.

¹⁷No ke xotitna no ñaal ƭikandeer ne boo no ñaal ɓetuu ƭikandeer ne, fat nu sadaxit cegel kaa njegeerna sik fa leng, too fogirkee fa sadax fa ndoxel fee na fi’eel bes fuu refna, a yoonandteel sadax ke ngebleena. Neeke a refitkaa: No ñaal ƭikandeer ne: qoox teɓ xarɓaxay fo ƭik fo a suk paal a ƭak fo fo njuk fo mbaal xarɓaxay fo fo nahuk naa onquu refna na den a jegna o hiid fo suk fambe itam. No ñaal ndadkandeer ne: qoox teɓ xarɓaxay fo leng fo a suk paal a ƭak fo fo njuk fo mbaal xarɓaxay fo fo nahuk naa onquu refna na den a jegna o hiid fo suk fambe itam. No ñaal nahkandeer ne: qoox teɓ xarɓaxay fo a suk paal a ƭak fo fo njuk fo mbaal xarɓaxay fo fo nahuk naa onquu refna na den a jegna o hiid fo suk fambe itam. No ñaal ƥetkandeer ne: qoox teɓ ɓetuu nahik fo a suk paal a ƭak fo fo njuk fo mbaal xarɓaxay fo fo nahuk naa onquu refna na den a jegna o hiid fo suk fambe itam. No ñaal ɓetuu fa lengandeer ne: qoox teɓ ɓetuu tadik fo a suk paal a ƭak fo fo njuk fo mbaal xarɓaxay fo fo nahu(...)

³⁵No ñaal ɓetuu ndadkandeer ne, fat nu njeg o xet o falakaand, too nu njalkee teen dara.

³⁶Fat nu ƥoxot o Yaal oxe nen sadax fa ndoxel faa feluuna tuñ bo: nqoox ndeɓ fo suk mbaal fo fo njuk fo mbaal ɓetuu ƭik naa onquu refna na den a jegna o hiid. Cegel keene fop koy, baa njeg sik.

³⁷Njegel nuu refna teen fat a yoonandtel sadax tuufe-duufe ke fa fee na biiñ fee ngebleena.

³⁸Fat nu sadaxit itam suk fambe nen sadax fa mbaasnoor pakaad, fogirkeerna fa sadax fa ndoxel fee na fi’eel bes fuu refna, a yoonandteel sadax tuufe-duufe ke fa fee na biiñ fee.

³⁹Keene refu sadax ke nu mbarna o ƥoxot o Yaal oxe, yaa xew a jegna, fogreerna koy fo sadax toxel ke fo sadax tuufe-duufe ke fa fee na biiñ fee fo sadax camsa’oor ke, ta ref ee kaa nu mbadnitan a tegit mbaat nu mbi’an no fud o letu.»