Read NQAARIIT NE ROOG A lim ale 33 Bible Online

A lim ale 33 - NQAARIIT NE ROOG bible

A lim ale 33

¹Keeke ndefu fo mbiñ ne Ii-isra’el we a ndalna, ye da sutoorna Misira, a mbi o xod, soo Moyiis fa Aaroon a adooxan a den.

²O Yaal oxe a hebla a Moyiis ta bind fo mbiñ ne da inoortoogna, yaa da ndetaa. Fo mbiñ neene ndefu weeke:

³No ñaal xarɓaxay fo ñaal ƥetkandeer ne no nqool o eetaand onqe no hiid ole, no feet olaa na Colandax a eetaand ale, Ii-isra’el we a inoora Ramses na kid no Miimisira we, yaam o Yaal oxe a farit’a a den.

⁴Miimisira we koy kaa ngasoogu taaw ke den. O Yaal oxe war’u taaw ke den fop, ndax ta hate roog tefee ndigil ke Misira.

⁵Ii-isra’el we a inoora Ramses, a ndalik Sukot.

⁶A inoora Sukot soo a ndalik Eetam, no ndokand naa na koƥ-a-ƥor alaa.

⁷A inoora Eetam, a nomtooxiid boo Pii-Haxirot, jasnoorna fa Baal-Sefon soo a ndal no mbaambrand naa Migdol.

⁸A inoora Pii-Haxirot, a nqaañ o maag ole soo a njagin farna fa koƥ-a-ƥor alaa. A ñaaƴa ñaal tadik kam a koƥ-a-ƥor ale Eetam soo a ndalik Maara.

⁹A inoora Maara, a mbadiid Eliim, maa jeg’ina a cur xarɓaxay fo a cur ƭak fo keec qarɓeen ɓetuu ƭik, soo a ndal maaga.

¹⁰A inoora Eliim soo a ndalik paam a Kal alaa no xeet laa.

¹¹A inoora na Kal alaa no xeet laa, a ndalik na koƥ-a-ƥor alaa Sin.

¹²A inoora na koƥ-a-ƥor alaa Sin, a ndalik Dofka.

¹³A inoora Dofka, a ndalik Alus.

¹⁴A inoora Alus, a ndalik Refidiim, maa xeet fee a nga’it’eerna o mboofi nqaa da yerna.

¹⁵A inoora Refidiim, a ndalik na koƥ-a-ƥor alaa Sinayi.

¹⁶A inoora na koƥ-a-ƥor alaa Sinayi, a ndalik Qibroot-Hatawa.

¹⁷A inoora Qibroot-Hatawa, a ndalik Haseroot.

¹⁸A inoora Haseroot, a ndalik Ritma.

¹⁹A inoora Ritma, a ndalik Rimon-Peres.

²⁰A inoora Rimon-Peres, a ndalik Libna.

²¹A inoora Libna, a ndalik Riisa.

²²A inoora Riisa, a ndalik Kehelata.

²³A inoora Kehelata, a ndalik na caf alaa no joong olaa Sefeer.

²⁴A inoora no joong olaa Sefeer, a ndalik Harada.

²⁵A inoora Harada, a ndalik Makelot.

²⁶A inoora Makelot, a ndalik Tahat.

²⁷A inoora Tahat, a ndalik Teerax.

²⁸A inoora Teerax, a ndalik Mitka.

²⁹A inoora Mitka, a ndalik Hasmona.

³⁰A inoora Hasmona, a ndalik Moserot.

³¹A inoora Moserot, a ndalik Bene-Yakan.

³²A inoora Bene-Yakan, a ndalik Hoor-Gidgad.

³³A inoora Hoor-Gidgad, a ndalik Yotbata.

³⁴A inoora Yotbata, a ndalik Abroona.

³⁵A inoora Abroona, a ndalik Esiyon-Gebeer.

³⁶A inoora Esiyon-Gebeer, a ndalik Kades na koƥ-a-ƥor alaa Sin.

³⁷A inoora Kades, a ndalik na caf alaa no joong olaa Hoor, refna no ŋat olaa Edoom.

³⁸Aaroon fee o saasadax oxe a ŋaaya took o joong olaa Hoor, ne o Yaal oxe a heblit’uuna. A xonta maaga no ñaal eetaand ne no nqool o ƥetkandeer onqe, no hiid qarɓeen nahkandeer ole a cinj a sutax ale no Ii-isra’el we no saax laa Misira.

³⁹Aaroon a jeg’a xa kiid teemeed fo xa kiid qarɓeen ƭik fo xa kiid xa tadaq, ye ta xonitna took o joong olaa Hoor.

⁴⁰Maaga, o maad oxe Araad, refna o Kaakanaan too a genoogu no ɓemb-roog o ñamaak ole no saax le Kanaan, a yega yee Ii-isra’el we owe mbadiidaa.

⁴¹Ii-isra’el we a inoora no joong olaa Hoor, a ndalik Salmona.

⁴²A inoora Salmona, a ndalik Punon.

⁴³A inoora Punon, a ndalik Obot.

⁴⁴A inoora Obot, a ndalik na pec Abarim, no ŋat olaa Mowaab.

⁴⁵A inoora na pec Abarim, a ndalik Diibon-Gad.

⁴⁶A inoora Diibon-Gad, a ndalik Almon-Diblatayma.

⁴⁷A inoora Almon-Diblatayma, a ndalik na xa coong axaa Abarim, njasnoorna fa Nebo.

⁴⁸A inoora na xa coong axaa Abarim, a ndalik na xa saawit axaa Mowaab, paam Yordaan, a njasnoor fa Yeriko.

⁴⁹Maaga na xa saawit axaa Mowaab paam Yordaan, a ndala a ndeer Bet-Yesimot fa Abel-Sitiim.

⁵⁰Na xa saawit axaa Mowaab paam Yordaan, njasnoorna fa Yeriko, o Yaal oxe a hebla a Moyiis

⁵¹ta lay Ii-isra’el we kene: «Yaa nu njootkaa a Yordaan boo ndok no saax le Kanaan,

⁵²fat nu ndax we ngenna no saax le fop, yaq pangool ke den mbi’teena a kac fop mbaat celem kaa njaweena, da mbi’na roog den, soo ngirid a ñaang a sadaxand ake den fop.

⁵³Fat nu njaɓ saax le soo ngen teen, yaam ci’aanum a nuun, ndax nu njegkin.

⁵⁴Fat saax le a lasritel mbanjang, a reefandel na carind ake nuun fo na qaw ake nuun. A qaw ale moƴna o may wiin, fat nu lasin xa saawit xa yaaju, soo a qaw ale mayeerna wiin, nu lasin xa saawit xa teɓ. A qaw aluu refna mbanjang ne na laykaa ke refna a las um.

⁵⁵Kaa koy, boo nu ndaxeerna we ngenna no saax le fop, we nu nqaƴkaa na den xan a ƥek a nuun coono no saax le nu ngenkaa sax, a ndef na nuun nen a sel kam a ngid mbaat nen a bej no saax.

⁵⁶Maaga, ke bug’uuma o fi a den, nuun o mat um fi’katan.»