Read NQAARIIT NE ROOG Yosuwe 12 Bible Online

Yosuwe 12 - NQAARIIT NE ROOG bible

Yosuwe 12

¹Ii-isra’el we a nqaw’a boo a ƈut maad ɗik no batand ne Yordaan soo a njang xa piisel axe den, ke xottoonga no xuluɓ olaa Arnon boo no joong olaa Hermon fo na xa saawit axaa Yordaan farna fo batand:

²o eetaand oxe reeƭu Siihon fee o maad no Aa-amori we gen’ina Hesebon. Ten maadooxoogu no ke xotitna Aroweer fee refna na coonand ale no xuluɓ ole Arnon fo denda fa ndeendeer ale na ƈufnand ale fo na genwal fee Galaad boo na ƈufnand alaa Yabok refna o ŋat ole no Aa-amon waa.

³Ten jeg’u itam o saax ole na xa saawit axe no batand ne Yordaan fo ole no maag o maas ole Genesaret, no ɓemb-roog o janoon boo no maag o Xanju laa paam Bet-Yesimot, a sag no ɓemb-roog o ñamaak boo no jegel olaa refna na caf alaa no joong olaa Pisga.

⁴O maad o lakas oxe reeƭu Oog, a ref o leng no yoqatin we no Reerefa we too a maadooxanoogu a Basan soo a gen’u Astarot fa Edari.

⁵Ten maadooxoogu no joong olaa Hermon, na teeru fee Salka, no jegel ole Basan fop boo no ŋat olaa no Geegesuur we, Maamaaka we fo na genwal fee no jegel ole Galaad boo no maat naa Siihon fee o maad Hesebon.

⁶Moyiis fo Ii-isra’el we kaa nqaw’u maad ɗik weene, soo Moyiis fee o tag no Yaal oxe a coox xa piisel axe den a carind ale Ruben fo ale Gaad fa genwal fee na carind ale Manaase.

⁷Cinj kaaga, Yosuwe fo Ii-isra’el we a nqawa maad we ngen’ina no mudand ne Yordaan, too xa piisel axe den a nqotit Baal-Gad kam a yulanq ale Libaŋ no ɓemb-roog o janoon boo no joong olaa naagna halit paam Seyiir no ɓemb-roog o ñamaak. Yosuwe a lasa Ii-isra’el we xa piisel axeene, a reefandin na carind ake Isra’el.

⁸Xa piisel axeene owe ndeeƭa no jegel ole na xa coong axe, no le na yulanq ake mbarna no mudand, no le na xa saawit axaa Yordaan, no le na pudnand ake mbarna no batand, no le na koƥ-a-ƥor ale fo no le no ɓemb-roog o ñamaak, too Heeheet we, Aa-amori we, Kaakanaan we, Peeperisi we, Hiihiwi we fo Yeeyebus we a ngenoogu teen.

⁹Weeke ndefu maad we nqaw’eena: o maad oxe Yeriko, oxe Ay fee refna paam Betel,

¹⁰oxe Yeerusaleem, oxe Hebron,

¹¹oxe Yarmut, oxe Lakiis,

¹²oxe Eglon, oxe Geseer,

¹³oxe Debir, oxe Gedeer,

¹⁴oxe Horma, oxe Araad,

¹⁵oxe Libna, oxe Adulaam,

¹⁶oxe Makeda, oxe Betel,

¹⁷oxe Tapuwa, oxe Hefeer,

¹⁸oxe Afeq, oxe Lasaron,

¹⁹oxe Madon, oxe Hasoor,

²⁰oxe Simron-Meron, oxe Akesaf,

²¹oxe Tanak, oxe Megido,

²²oxe Qedes, oxe Yoqne’aam kam Karmel,

²³oxe Door fee na ƥeeraamb ale, oxe Goyiim fee fogna Galile

²⁴fo xe Tirsa. Fop oo fop a reeƭa maad qarɓeen tadik fo o maad o leng.