Read NQAARIIT NE ROOG Yosuwe 15 Bible Online

Yosuwe 15 - NQAARIIT NE ROOG bible

Yosuwe 15

¹No ɓemb-roog o ñamaak, o fiisel ole laseena a qaw ake na carind ale Yudaa na pexey mbanjang ne, oxe day’a no ŋat olaa Edoom fo na koƥ-a-ƥor alaa Sin.

²O ŋat ole no ɓemb-roog o ñamaak a xotit’a farna fo cat kaa no ɓemb-roog o ñamaak ole no maag o Xanju le,

³a reef no ɓemb-roog o ñamaak ole no Ñaang laa na beex ake fa Sin, a jof no ɓemb-roog o ñamaak olaa Kades-Barneya, a reef Hesron, a sag Adar soo a puloox, a xot Karka.

⁴A suura boo Asmon, a xetik fo a ƈufnand alaa Misira soo a saltik no maag olaa Mediterane. Keene refu me o ŋat ole na carind ale Yudaa a reefna no ɓemb-roog o ñamaak.

⁵No batand koy, o maag o Xanju le refu o ŋat ole boo maa Yordaan a fokatooritna fo ten. No mbiñ o leng kut onqaaga o ŋat ole no ɓemb-roog o janoon a fertu,

⁶a suur boo Bet-Hogla, a reef no ɓemb-roog o janoon olaa Bet-Araba soo a gar boo no ɓil laa ne’teena a Bohan fee o leng na xa ƥiy axe Ruben.

⁷O ŋat olaa a reefa na yulanq alaa Akoor, a gar Debir soo a puloox no ɓemb-roog o janoon farna fa Gilgal jasnoorna fo Ñaang laa Adumim refna no ɓemb-roog o ñamaak na ƈufnand ale. A inoora maaga, a reef paam poofi ke na cur ale Semes, a saltik na cur alaa Rogel.

⁸A xotta maaga, a sag na yulanq alaa Ben-Hinom farna no ɓemb-roog o ñamaak olaa no ƴoong laa no Yeeyebus we, me Yeerusaleem a refna. Cinj kaaga, a suura farna fo jul olaa no joong olaa refna no mudand naa na yulanq alaa Hinom fo no ɓemb-roog o janoon olaa no cat kaa na yulanq alaa no Reerefa we.

⁹A inoora maaga, a puloox farna fo a cur akaa Neftowa soo a waaƭik kefatin kaa no teeru ke ndefna no joong olaa Efron, a sogkaa o sag farna fa Baala fee na xoyeel a xoy Kiryat-Ye’arim.

¹⁰O ŋat ole a puloorta Baala no mudand, a sag farna fo xa coong axe Seyiir, a reef na pudnand alaa no ɓemb-roog o janoon ole no joong olaa Ye’arim refna ref o joong ole Kesalon. Cinj kaaga, a fudooxiida Bet-Semes, a gar Timna.

¹¹A suurahina boo no ƴoong laa Ekron no ɓemb-roog o janoon, a puloox farna fa Sikaron soo a reef no joong olaa Baala, a sag farna fa Yabneel soo a saltik no maag olaa Mediterane.

¹²No mudand koy, o maag ole Mediterane refu o ŋat ole. Keene ndefu xa ŋat axe ndeerna o fiisel ole las’eena a qaw ake na carind ale Yudaa.

¹³Kaleb fee o ƥiy Yefune a cooxe a qaaj no fiisel ole Yudaa, ne o Yaal oxe a heblit’uuna a Yosuwe. A daawa a Kiryat-Arba, teeru fee ne’it’eena a Arba fee o taan no Aa-anak we. Teeru feene kaa ne’el ndiiki Hebron.

¹⁴Kaleb a raxta maaga a qaw a tadak ake no Aa-anak we ndefna a qaw ale Sesay, ale Ahiman fo ale Talmay.

¹⁵A inoora Hebron, a songik wiin we ngen’ina Debir ne’’eena yaaga Kiryat-Sefeer.

¹⁶Kaleb a laya yee: «Oxe na jaɓkaa teeru fee Kiryat-Sefeer, xam ci’in a Aksa fee o ƥees o ndew ta dolooxankin.»

¹⁷Otni’el fee o ƥiy Kenaas fee o ndeɓ Kaleb a jaɓa teeru faa, soo Kaleb a ci’in a Aksa ta dolooxankin.

¹⁸Na bes faa no ngulook naa, Otni’el a laya a Aksa, ndax ta xeɗ a faap um Kaleb o qol. Aksa a fudooxa o faam um, a soƥik a faap um, soo oxeene a laamtin ee: «Xar oo?»

¹⁹A doonaan ee: «Saɗgaam, ci’aam maa jegna foofi, yaam o jegel ole o ɓisaxam no ɓemb-roog o ñamaak kaa weer koroŋ.» Maaga, Kaleb a cooxaan peel ke took fo ke a lanq.

²⁰Keene ndefu xa piisel axe a qaw ake na carind ale Yudaa a ndaawna no lasir ne.

²¹Teeru ke no cat ke no fiisel ole na xa taan axe Yudaa farna fo ŋat olaa Edoom no ɓemb-roog o ñamaak a ndeeƭa: Qabse’el, Edeer, Yagur,

²²Kina, Dimona, Adada,

²³Qedes, Hasoor, Itnan,

²⁴Siif, Telem, Be’alot,

²⁵Hasoor-Hadata, Keriyot-Hesron fee na xoyeel itam Hasoor,

²⁶Amam, Sema, Molada,

²⁷Hasar-Gada, Hesemon, Bet-Pelet,

²⁸Hacar-Suwaal, Beer-Seeba fo caate ke da mbaxooxna,

²⁹Baala, Iyim, Esem,

³⁰Eltolad, Kesil, Horma,

³¹Siklag, Madmana, Sansana,

³²Lebawot, Silim, Ayin fa Rimon. A ndeeƭa fop oo fop teeru qarɓeen ƭik fo teeru ɓetuu nahik fo caate ke da mbaxooxna.

³³Teeru ke no jegel ole na yulanq ake a ndeeƭa: Estawol, Sora, Asna,

³⁴Sanowa, En-Ganim, Tapuwa, Enaam,

³⁵Yarmut, Adulaam, Sooko, Aseka,

³⁶Sarayiim, Aditayim, Gedera fa Gederotayim. A ndeeƭa teeru xarɓaxay fo teeru nahik fo caate ke da mbaxooxna.

³⁷A jeg’a itam a Senaan, Xadasa, Migdal-Gad,

³⁸Dilan, Mispe, Yoqteel,

³⁹Lakiis, Boskat, Eglon,

⁴⁰Kabon, Lahmas, Kitlis,

⁴¹Gederot, Bet-Dagon, Naama fa Makeda. A ndeeƭa teeru xarɓaxay fo teeru ɓetuu fa leng fo caate ke da mbaxooxna.

⁴²A jeg’ahina Libna, Eteer, Asan,

⁴³Yifta, Asna, Nesiib,

⁴⁴Keyla, Aksib fa Maresa. A ndeeƭa teeru ɓetuu nahik fo caate ke da mbaxooxna.

⁴⁵A jeg’ahina Ekron fo caate ke ta waxooxna,

⁴⁶teeru ke fo caate ke mbidna a Asdod fop, ndeer Ekron fo o maag ole Mediterane,

⁴⁷Asdod fo Gaasa fo ke widna a den fo caate ke da mbaxooxna boo na ƈufnand alaa Misira fo na ƥeeraamb alaa no maag olaa Mediterane.

⁴⁸Teeru ke kam o jegel ole na xa coong axe a ndeeƭa: Samiir, Yaatir, Sooko,

⁴⁹Dana, Kiryat-Sana too a xoyeel itam Debir,

⁵⁰Anab, Estemo, Anim,

⁵¹Goseen, Holon fa Gilo. A ndeeƭa teeru xarɓaxay fo teeru fa leng fo caate ke da mbaxooxna.

⁵²A jeg’a itam a Arab, Duma, Esan,

⁵³Yanum, Bet-Tapuwa, Afeqa,

⁵⁴Humta, Kiryat-Arba fee na xoyeel itam Hebron fa Si’oor. A ndeeƭa teeru ɓetuu nahik fo caate ke da mbaxooxna.

⁵⁵A jeg’ahina Mawon, Karmel, Siif, Yuta,

⁵⁶Yisre’el, Yoqde’aam, Sanowah,

⁵⁷Qayin, Gibe’a fa Timna. A ndeeƭa teeru xarɓaxay fo caate ke da mbaxooxna.

⁵⁸A jeg’ahina Halhul, Bet-Suur, Gedoor,

⁵⁹Maarat, Bet-Anot fa Eltekon. A ndeeƭa teeru ɓetuu fa leng fo caate ke da mbaxooxna.

⁶⁰A jeg’ahina Kiryat-Baal too a xoyeel itam Kiryat-Ye’arim fa Raba. A ndeeƭa teeru ƭik fo caate ke da mbaxooxna.

⁶¹Teeru ke kam a koƥ-a-ƥor alaa a ndeeƭa: Bet-Araba, Midin, Sekaka,

⁶²Nibsan, Iir-Hamelah fa En-Gedi. A ndeeƭa teeru ɓetuu fa leng fo caate ke da mbaxooxna.

⁶³Xa taan axe Yudaa koy, mbaag’ee o ndax Yeeyebus we ngenoogna Yeerusaleem, too boo ndiik weene a maada o ñoowaa a ndeer xa taan axe Yudaa kam Yeerusaleem.