Read S'gaw Karen လံာ်တၢ်ကဲထီၣ်အခီၣ်ထံး 20 Bible Online

လံာ်တၢ်ကဲထီၣ်အခီၣ်ထံး 20 - S'gaw Karen bible

လံာ်တၢ်ကဲထီၣ်အခီၣ်ထံး 20

¹စီၤအၤဘြၤဟၣ်သုးအသးလၢဝ့ၢ်မးမရ့ဆူကီၢ်ကနၤဧၣ်အကလံၤထံး ဒီးအိၣ်ဝဲဆိးဝဲဖဲဝ့ၢ်ကၤဒ့ၣ်ဒီးဝ့ၢ်ၡူၢ်အဘၢၣ်စၢၤန့ၣ်လီၤ. ဒီးလၢခံဖဲအအိၣ်ဝဲဆိးဝဲလၢဝ့ၢ်ကရၢ်အပူၤန့ၣ်,

²အဝဲစံးလၢအမါနီၢ်စၤရါန့ၣ်မ့ၢ်အဒီပုၢ်ဝဲၢ်မုၣ်န့ၣ်လီၤ. လၢတၢ်န့ၣ်အဃိဝ့ၢ်ကရၢ်အစီၤပၤစီၤအဘံၤမလ့းမၢပှၤဟဲစိာ်န့ၢ် နီၢ်စၤရါဆူအအိၣ်န့ၣ်လီၤ.

³ဘၣ်မုၢ်တနၤကစၢ်ယွၤလီၣ်ဖျါထီၣ်အသးလၢအီၤလၢတၢ်မံမီၢ်အပူၤ ဒီးစံးဝဲ, “မ့ၢ်လၢနဟံးန့ၢ်ပိာ်မုၣ်လၢအဒိးတ့ဒိးဖျီ အသးအဃိနကသံလီၤ.”

⁴ဘၣ်ဆၣ်စီၤပၤအဘံၤမ့လ့းတလဲၤဘူးတ့ၢ်ဘၣ်ဒံးဒီးအီၤဘၣ်. ဒီးစံးဝဲ, “ယွၤဧၢ, ယမ့ၢ်ပှၤလၢအတၢ်ကမၣ်တအိၣ်ဘၣ်န့ၣ်လီၤ. မ့ၢ်နကမၤဟးဂီၤကွံာ်ယၤဒီးယပှၤဂီၢ်မုၢ်န့ၣ်ဧါ.

⁵ဒီးစီၤအၤဘြၤဟၣ်အနီၢ်ကစၢ်ဒၣ်ဝဲစံးလၢနီၢ်စၤရါမ့ၢ်အဒီ ပုၢ်ဝဲၢ်မုၣ်ဒီးပိာ်မုၣ်စ့ၢ်ကီးစံးဝဲဒ်န့ၣ်အသိးလီၤ. ယမၤတၢ်အံၤလၢတၢ်သးကဆှီအပူၤဒီးယတမၤကမၣ်တၢ်နီ တမံၤဘၣ်.”

⁶ကစၢ်ယွၤစံးဆၢက့ၤအီၤလၢတၢ်မံမီၢ်အပူၤ, “မ့ၢ်လီၤ. ယသ့ၣ်ညါလၢနမၤတ့ၢ်တၢ်အံၤလၢတၢ်သးကဆှီ အပူၤလီၤ. လၢတၢ်န့ၣ်အဃိယဟံးဃာ်နၤဒ်သိးနသုတမၤတၢ်ဒဲးဘး ထီဒါယၤဒီးယတပျဲနထိးဘၣ်စ့ၢ်ကီးအီၤဘၣ်.

⁷မ့မ့ၢ်, ခဲကနံၣ်အံၤဟ့ၣ်လီၤက့ၤပိာ်မုၣ်ဆူအဝၤအအိၣ်န့ၣ်တ က့ၢ်. အဝဲမ့ၢ်ဝံတဂၤဒီးကဘါထုကဖၣ်န့ၢ်တၢ်လၢနဂီၢ်ဒ်သိးနသုတသံ တဂ့ၤလီၤ. ဘၣ်ဆၣ်နမ့ၢ်တဟ့ၣ်က့ၤအီၤဘၣ်န့ၣ်ဒီးယဟ့ၣ်ပလီၢ်နၤလၢ နကသံ, နၤ, ဒီးနပှၤဂီၢ်မုၢ်ခဲလၢာ်ကသံဝဲဒၣ်န့ၣ်လီၤ.”

⁸ဒီးလၢခံတနံၤမုၢ်ဆ့ၣ်ထီၣ်ဂီၤဂီၤန့ၣ်စီၤအဘံၤမ့လ့းကိး န့ၢ်အပဒိၣ်ခဲလၢာ်ဒီးတဲဘၣ်တၢ်လၢအမၤတ့ၢ်အသးတဖၣ်န့ၣ်လီၤ. ဒီးအဝဲသ့ၣ်ပျံၤတၢ်ဖုးတၢ်န့ၣ်လီၤ.

⁹အန့ၣ်ဝံၤဒီး, စီၤအလံၤမ့လ့းကိးန့ၢ်စီၤအၤဘြၤဟၣ်ဒီးသံ ကွၢ်အီၤ, “နမၤဘၣ်တ့ၢ်ပှၤတၢ်မနုၤတမံၤလဲၣ်. မ့ၢ်ယမၤကမၣ်ဘၣ်တ့ၢ်နၤတၢ်မနုၤတမံၤလၢနကဟဲစိာ်န့ၢ်တၢ်တတၢး တနါလၢယၤဒီးယဘီယမုၢ်အဖီခိၣ်န့ၣ်လဲၣ်. တၢ်လၢနမၤတ့ၢ်ယၤန့ၣ်ပှၤတဂၤတကြၢးမၤဝဲနီတဘျီနီ တဂၤဘၣ်.

¹⁰ဘၣ်မနုၤလၢနမၤတၢ်အံၤန့ၣ်လဲၣ်.

¹¹စီၤအၤဘြၤဟၣ်စံးဆၢဝဲ, “ယဆိကမိၣ်တ့ၢ်လၢပှၤလၢအယူးယီၣ် ယွၤတအိၣ်ဘၣ်နီတဂၤလၢတၢ်လီၢ်ဖဲအံၤ, ဒီးကမၤသံကွံာ်ယၤဒီးဟံးန့ၢ်ယမါဘၣ်ဖုးန့ၣ်လီၤ.

¹²နီၢ်စၤရါမ့ၢ်ယဒီပုၢ်ဝဲၢ်မုၣ်နီၢ်နီၢ်လီၤ. အဝဲမ့ၢ်ယပၢ်အဖိမုၣ်ဘၣ်ဆၣ်တမ့ၢ်ယမိၢ်အဖိမုၣ်န့ၣ်ဘၣ်. ဒီးယဒိးတ့ဒိးဖျီယသးဒီးအီၤလီၤ.

¹³မၤသးဒ်န့ၣ်ဒီးဖဲကစၢ်ယွၤဆှၢယၤလၢယပၢ်အဟံၣ်ဆူတခီ ထံတခီကီၢ်အပူၤန့ၣ်ယစံးတ့ၢ်အီၤ, “နပာ်ဖျါထီၣ်နတၢ်သးတီ ဒီးယၤသ့ခီဖျိနတၢ်စံးဘၣ်တဲဘၣ်ပှၤကိးဂၤဒဲးလၢယမ့ၢ်နဒီ ပုၢ်ဝဲၢ်ခွါန့ၣ်လီၤ.”

¹⁴ဒီးစီၤအဘံၤမ့လ့းဟ့ၣ်က့ၤနီၢ်စၤရါဆူစီၤအၤဘြၤဟၣ်အအိၣ် ဒီးဟ့ၣ်စ့ၢ်ကီးဝဲသိ, ဂီၤဘုၣ်ဂီၤဖံးဒီးကုၢ်တဖၣ်န့ၣ်လီၤ.

¹⁵အဝဲစံးဘၣ်စီၤအၤဘြၤဟၣ်, “အအံၤမ့ၢ်ယထံယကီၢ်ဒီဘ့ၣ်လီၤ. အိၣ်နဲဆိးနဲလၢတၢ်လီၢ်လၢဘၣ်သူၣ်ဘၣ်သးနၤန့ၣ်တက့ၢ်.”

¹⁶အဝဲစံးဘၣ်နီၢ်စၤရါ, “ယဟ့ၣ်နဒီပုၢ်ဝဲၢ်ခွါလၢစ့ညၣ်အဘ့ၣ် တကထိဒ်အမ့ၢ်တၢ်အုၣ်သးလၢပှၤလၢအိၣ်ဒီးနၤသ့ၣ်တဖၣ်အကျါလၢ နမ့ၢ်ပှၤလၢအတၢ်ကမၣ်တအိၣ်ဘၣ်န့ၣ်လီၤ. ပှၤကိးဂၤဒဲးကသ့ၣ်ညါလၢနတမၤကမၣ်တၢ်နီတမံၤဘၣ်န့ၣ်လီၤ.”

¹⁷မ့ၢ်လၢတၢ်မၤတ့ၢ်အသးဒီးစီၤအၤဘြၤဟၣ်အမါ, နီၢ်စၤရါအဃိဒီး, ယွၤမၤတ့ၢ်ဝဲဒ်သိးပိာ်မုၣ်တဂၤလၢ်လၢ်လၢ စီၤအဘံၤမ့လ့းအနူၢ်ပူၤစီၤပူၤန့ၣ်အိၣ်ဒံၣ်အိၣ်ဖိသုတသ့ တဂ့ၤန့ၣ်လီၤ. လၢတၢ်န့ၣ်အဃိစီၤအၤဘြၤဟၣ်ဘါထုကဖၣ်တ့ၢ်တၢ်လၢစီၤအဘံၤမ့လ့းအဂီၢ်, ဒီးကစၢ်ယွၤမၤဘျါအီၤလီၤ. အဝဲမၤဘျါစ့ၢ်ကီးစီၤအဘံၤမ့လ့းအမါ, ဒီးအကုၢ်ပိာ်မုၣ်တဖၣ်ဒ်သိးအိၣ်ဒံၣ်အိၣ်ဖိကသ့အဂီၢ်လီၤ.