Read S'gaw Karen လံာ်တၢ်ကဲထီၣ်အခီၣ်ထံး 23 Bible Online

လံာ်တၢ်ကဲထီၣ်အခီၣ်ထံး 23 - S'gaw Karen bible

လံာ်တၢ်ကဲထီၣ်အခီၣ်ထံး 23

¹နီၢ်စၤရါအိၣ်မူတ့ၢ်ဝဲတကယၤခံဆံနွံနံၣ်လီၤ. ဒီးနီၢ်စၤရါသံလၢဝ့ၢ်ဃ့ဘြိၣ်လၢအအိၣ်လၢကီၢ်ကနၤဧၣ်အပူၤ န့ၣ်လီၤ. ဒီးစီၤအၤဘြၤဟၣ်လဲၤဒီးပာ်ဖျါထီၣ်အ တၢ်သူၣ်အုးသးအုးလၢအတၢ်သံအဃိန့ၣ်လီၤ.

³ဒီးစီၤအၤဘြၤဟၣ်ဟးထီၣ်ကွံာ်လၢတၢ်လီၢ်ဖဲအမါအစိၣ်အိၣ်မံ နီၤဝဲ, ဒီးလဲၤဝဲဆူပှၤဃ့ၤသးဖိတဖၣ်အအိၣ်ဒီးစံးဝဲဒၣ်,

⁴“ယဲဒၣ်အံၤယမ့ၢ်ပှၤတခီဘီမုၢ်ဖိတဂၤလၢအအိၣ်ဆိးဖဲအံၤလၢ သုကျါလီၤ. ဆါန့ၢ်ယၤတၢ်လီၢ်တနီၤဒ်သိးယ ခူၣ်လီၤယမါကသ့အဂီၢ်န့ၣ်တက့ၢ်.”

⁵ဒီးအဝဲသ့ၣ်စံးဆၢဝဲ, “တၢ်ဒိၣ်ဧၢ, ကနၣ်ပှၤတက့ၢ်.

⁶ပပာ်ကဲနၤဒ်ခိၣ်နၢ်တဂၤလၢအစိဒိၣ်ကမီၤထီလီၤ. ခူၣ်လီၤနမါလၢတၢ်သွၣ်ခိၣ်အဂ့ၤကတၢၢ်လၢအအိၣ်ဒီးပှၤန့ၣ်တ က့ၢ်. ပဝဲဒၣ်အကျါတဂၤလၢ်လၢ်ကသးခုဟ့ၣ်နၤတၢ်သွၣ်ခိၣ်တခါလၢနခူၣ် လီၤအီၤကသ့အဂီၢ်လီၤ.”

⁷တုၤနုၤတစု, စီၤအၤဘြၤဟၣ်သကူးလီၤအသးလၢအဝဲသ့ၣ်အမဲာ်ညါ,

⁸ဒီးစံးဝဲဒၣ်, “သုမ့ၢ်သးအိၣ်လၢယကခူၣ်လီၤယမါဖဲအံၤဒီး ဝံသးစူၤသံကွၢ်စီၤစိၤဃၢ်အဖိခွါစီၤဧ့ၤဖရိၣ်,

⁹လၢကဆါန့ၢ်ယၤမးကပ့လးအလၢၢ်ကအိလၢအအိၣ်ဘူးဒီးအပျီအကနူၤ ထံးတက့ၢ်. သံကွၢ်န့ၢ်ယၤလၢစ့ဒ်အပှ့ၤကြၢးအသိးလၢသုမဲာ်ညါဒ်သိးယကဒိး န့ၢ်ဘၣ်အီၤဒ်တၢ်ခူၣ်လီၤဘျၢလီၤအလီၢ်တတီၤအသိးန့ၣ်တက့ၢ်.”

¹⁰စီၤဧ့ၤဖရိၣ်အနီၢ်ကစၢ်ဒၣ်ဝဲဆ့ၣ်နီၤဃုာ်ဒီးပှၤဃ့ၤသးဖိအဂၤ တဖၣ်ဖဲတၢ်အိၣ်ဖှိၣ်အလီၢ်လၢဝ့ၢ်အတြဲၤန့ၣ်လီၤ. အဝဲစံးဆၢတၢ်လၢကယဲၢ်ပှၤအိၣ်ဝဲဖဲန့ၣ်ခဲလၢာ်နၢ်ဟူဝဲသ့အ လီၢ်,

¹¹“တၢ်ဒိၣ်ဧၢ, ဒိကနၣ်တက့ၢ်. ယကဟ့ၣ်နၤပျီဒီဘ့ၣ်ညါန့ၣ်, ဒီးလၢၢ်ကအိလၢအအိၣ်ဝဲလၢအပူၤန့ၣ်လီၤ. ဖဲအံၤ, လၢယပှၤဂီၢ်မုၢ်ဒၣ်ယဲအမဲာ်ညါန့ၣ်, ယကဟ့ၣ်လီၤနၤတၢ်အံၤဒ်သိးနခူၣ်လီၤဘျၢလီၤနမါကသ့ အဂီၢ်န့ၣ်လီၤ.”

¹²ဘၣ်ဆၣ်ဒီး, စီၤအၤဘြၤဟၣ်သကူးလီၤအသးလၢပှၤဃ့ၤသးဖိ တဖၣ်အမဲာ်ညါ,

¹³ဒီးဒ်သိးပှၤကိးဂၤနၢ်ဟူဝဲကသ့အဂီၢ်န့ၣ်, စံးဘၣ်စီၤဧ့ၤဖရိၣ်, “ပျဲယဃ့ကညးနၤ, ဝံသးစူၤဒိကနၣ်တ က့ၢ်. ယကပှ့ၤပျီဒီတဘ့ၣ်လီၤ. တူၢ်လိာ်ယတၢ်ဟ့ၣ်တၢ်အပှ့ၤဒီးယကခူၣ်လီၤ ဘျၢလီၤယမါဖဲန့ၣ်လီၤ.”

¹⁴ဒီးစီၤဧ့ၤဖရိၣ်စံးဆၢဝဲ, “တၢ်ဒိၣ်ဧၢ, ဟီၣ်ခိၣ်ကဝီၤအံၤအပှ့ၤကၢကီၣ်ဒၣ်စ့ညၣ်နီၢ်နီၢ် လွံၢ်ကယၤဧိၤလီၤ. လၢနၤဒီးယၤအဘၢၣ်စၢၤန့ၣ်တၢ်အံၤမ့ၢ်တၢ်မနုၤလဲၣ်. ခူၣ်လီၤဘျၢလီၤနမါဖဲန့ၣ်တက့ၢ်.”

¹⁶စီၤအၤဘြၤဟၣ်ဘၣ်သူၣ်ဘၣ်သးဒီးစီၤဝဲစ့ညၣ်အတယၢၢ်လၢစီၤဧ့ၤဖရိၣ် ယၢၤထီၣ်တ့ၢ်ဝဲဒ်ပှၤဂီၢ်မုၢ်နၢ်ဟူတ့ၢ်, စ့ညၣ်နီၢ်နီၢ်လွံၢ်ကယၤဒ်ပှၤကူၣ်တၢ်ကၤတၢ်တဖၣ်ပာ်ဝဲနီၣ်ထိၣ် နီၣ်တယၢၢ်အတီၤလၢအဝဲသ့ၣ်သူဝဲဒၣ်အသိးန့ၣ်လီၤ.

¹⁷တၢ်န့ၣ်မ့ၢ်တၢ်စုလီၢ်ခီၣ်ခိၣ်လၢအဘၣ်ထွဲတ့ၢ်ဒီးစီၤဧ့ၤဖရိၣ် ဖဲမးကပ့လးလၢဝ့ၢ်မးမရ့အမုၢ်ထီၣ်ကဲထီၣ်က့ၤစီၤအၤဘြၤဟၣ် အတၢ်ဒ်လဲၣ်န့ၣ်လီၤ. တၢ်လီၢ်အံၤအိၣ်ဒီးပျီ, လၢၢ်ကအိလၢအပူၤ, ဒီးကယဲၢ်သ့ၣ်ခဲလၢာ်လၢအအိၣ်လၢပျီပူၤတုၤဃီၤဆူတၢ်စုလီၢ် ခီၣ်ခိၣ်အကနူၤထံးတၢ်လီၢ်အခိၣ်ထိးန့ၣ်လီၤ.

¹⁸တၢ်အံၤ, ဘၣ်တၢ်သ့ၣ်ညါကွၢ်နီၣ်အီၤဒ်စီၤအၤဘြၤဟၣ်အတၢ်စုလီၢ် ခီၣ်ခိၣ်အသိးလၢကယဲၢ်ပှၤဃ့ၤသးဖိတဖၣ်လၢအအိၣ်ဖဲ တၢ်အိၣ်ဖှိၣ်အကတီၢ်ဖဲန့ၣ်အပူၤန့ၣ်လီၤ.

¹⁹တုၤနုၤတစုစီၤအၤဘြၤဟၣ်ခူၣ်လီၤဘျၢလီၤအမါနီၢ်စၤရါလၢ လၢၢ်ကအိအဝဲန့ၣ်အပူၤလၢကီၢ်ကနၤဧၣ်အပူၤန့ၣ်လီၤ.

²⁰လၢတၢ်န့ၣ်အဃိပျီလၢအမ့ၢ်တ့ၢ်ပှၤဃ့ၤသးဖိအတၢ်ဒီးလၢၢ်ကအိ လၢအအိၣ်လၢအပူၤန့ၣ်ကဲထီၣ်စီၤအၤဘြၤဟၣ်အတၢ်စုလီၢ်ခီၣ်ခိၣ် လၢတၢ်ခူၣ်လီၤဘျၢလီၤတၢ်အလီၢ်တတီၤအဂီၢ်လီၤ.