Read S'gaw Karen လံာ်တၢ်ကဲထီၣ်အခီၣ်ထံး 48 Bible Online

လံာ်တၢ်ကဲထီၣ်အခီၣ်ထံး 48 - S'gaw Karen bible

လံာ်တၢ်ကဲထီၣ်အခီၣ်ထံး 48

¹လၢခံတယံာ်ဘၣ်န့ၣ်, စီၤယိၤသးဘၣ်တၢ်တဲဘၣ်အီၤလၢအပၢ်ဘၣ်ဆူး ဘၣ်ဆါဝဲဒၣ်န့ၣ်လီၤ. အဃိအဝဲ, ကိးထီၣ်အဖိခွါခံဂၤလၢအမ့ၢ်စီၤမနၤ ၡ့ၤဒီးစီၤအ့ဖရဲၣ်, ဒီးလဲၤထံၣ်စီၤယၤကိာ်န့ၣ်လီၤ.

²ဖဲစီၤယိၤကိာ်ဘၣ်တၢ်တဲဘၣ်အီၤလၢအဖိခွါစီၤယိၤသးဟဲထံၣ် အီၤန့ၣ်, ပာ်ဆူၣ်ထီၣ်အသးဒီးဆ့ၣ်နီၤဝဲလၢလီၢ်မံပူၤန့ၣ်လီၤ.

³စီၤယၤကိာ်စံးဘၣ်စီၤယိၤသး, “သ့တၢ်လၢာ်ကစၢ်ယွၤလီၣ်ဖျါ ထီၣ်အသးလၢယၤဖဲဝ့ၢ်လူးစလၢကီၢ်ကနၤဧၣ်အပူၤဒီးဆိၣ်ဂ့ၤ ယၤလီၤ.

⁴အဝဲစံးဘၣ်ယၤ, ‘ယကဟ့ၣ်နၤလၢနဖိအါအါဂီၢ်ဂီၢ်, ဒ်သိးနစၢၤနသွဲၣ်တဖၣ်ကကဲထီၣ်ပှၤအါကလုာ်န့ၣ်လီၤ. ယကဟ့ၣ်လီၤနစၢၤနသွဲၣ်တဖၣ်လၢကီၢ်အံၤဒ်အဝဲသ့ၣ်အတၢ်န့ၢ်သါ အစိၤစိၤအဃၣ်ဃၣ်န့ၣ်လီၤ.”

⁵စီၤယၤကိာ်စံးကဒီးဝဲ, “စီၤယိၤသးဧၢ, နဖိခွါခံဂၤလၢအအိၣ်ဖျဲၣ်ထီၣ်လၢနဂီၢ်လၢကီၢ်အဲၤကူပတူးအ ပူၤ, တချုးယဟဲဒံးဘၣ်ဖဲအံၤန့ၣ်ဘၣ်ဃးဒီးယၤလီၤ. စီၤအ့ဖရဲၣ်ဒီးစီၤမနၤၡ့ၤတဖၣ်န့ၣ်, မ့ၢ်စ့ၢ်ကီးယဖိခွါတဖၣ် ဒ်စီၤရူၤဘ့ၣ်ဒီးစီၤစူၤမ့းအိၣ်အသိးန့ၣ်လီၤ.

⁶နဖိခွါမ့ၢ်အိၣ်အါထီၣ်န့ၣ်, ယတပာ်အီၤဒ်အဘၣ်ဃးဒီးယၤလၢၤဘၣ်. တၢ်န့ၢ်သါလၢအဝဲသ့ၣ်ကမၤန့ၢ်ဝဲန့ၣ်, ကဟဲခီဖျိဒၣ်လၢစီၤအ့ဖရဲၣ်ဒီးစီၤမနၤၡ့ၤန့ၣ်လီၤ.

⁷ယမၤတၢ်အံၤမ့ၢ်ဒၣ်လၢနမိၢ်နီၢ်ရၤဃ့လးအဃိန့ၣ်လီၤ. ဖဲယဟဲက့ၤကဒါက့ၤလၢကီၢ်မ့းစပတၤမံန့ၣ်, အဝဲသံလၢကီၢ်ကနၤဧၣ်, တယံၤဒီးတၢ်လီၢ်ဖဲဝ့ၢ်အ့ဖရးသးအါအါ ဘၣ်, ဒီးမ့ၢ်တၢ်သးအုးဖးဒိၣ်လၢယဂီၢ်လီၤ. ယခူၣ်လီၤကွံာ်အီၤဖဲန့ၣ်, လၢကျဲဆူဝ့ၢ်အ့ဖရးသးအကပၤန့ၣ် လီၤ.” (အ့ဖရးသး, ခဲအံၤဘၣ်တၢ်သ့ၣ်ညါအီၤဒ်ဝ့ၢ်ဘ့ၤသလ့ဃ့ၣ်န့ၣ် လီၤ.)

⁸ဖဲစီၤယၤကိာ်ထံၣ်ဘၣ်စီၤယိၤသးအဖိခွါတဖၣ်န့ၣ်အဝဲသံကွၢ် ဝဲ, “ပိာ်ခွါဖိသၣ်တဖၣ်အံၤမ့ၢ်မတၤလဲၣ်.”

⁹စီၤယိၤသးစံးဆၢဝဲ, “အဝဲသ့ၣ်မ့ၢ်ယဖိခွါတဖၣ်လၢကစၢ်ယွၤ ဟ့ၣ်လီၤတ့ၢ်ယၤဖဲအံၤလၢကီၢ်အဲၤကူပတူးအပူၤန့ၣ်လီၤ.” ဒီးစီၤယၤကိာ်စံးဝဲ, “ဟဲကိးအီၤဆူယအိၣ်ဒ်သိးယကဆိၣ်ဂ့ၤ အဝဲသ့ၣ်န့ၣ်တက့ၢ်.”

¹⁰စီၤယၤကိာ်အမဲာ်ချံခံးလီၤလၢအသးပှၢ်တ့ၢ်အဃိ, ဒီးအဝဲထံၣ်တၢ်တသ့ဂ့ၤဂ့ၤလၢၤဘၣ်. စီၤယိၤသးဟဲကိးဖိသၣ်ပိာ်ခွါတဖၣ်ဆူအအိၣ်, ဒီးအဝဲဖိးဟုဃာ်ဒီးနၢမူအဝဲသ့ၣ်န့ၣ်လီၤ.

¹¹စီၤယၤကိာ်စံးဘၣ်စီၤယိၤသး, “ယတမုၢ်လၢ်တ့ၢ်လၢယကထံၣ်ဘၣ် ကဒီးနၤနီတစုလၢၤဘၣ်. ဘၣ်ဆၣ်ခဲအံၤ, ကစၢ်ယွၤပျဲယထံၣ်ဘၣ်ဒၣ်လဲာ်နဖိတဖၣ်န့ၣ်လီၤ.”

¹²အန့ၣ်ဒီး, စီၤယိၤသးဟံးန့ၢ်အဝဲသ့ၣ်လၢစီၤယၤကိာ်အဟုးလာ် ဒီးသကူးလီၤအသးလၢအမဲာ်ညါ, တုၤအဝဲအမဲာ်သၣ်ကျးလီၤအသးလၢဟီၣ်ခိၣ်လိၤန့ၣ်လီၤ.

¹³စီၤယိၤသးပာ်စီၤအ့ဖရဲၣ်လၢစီၤယၤကိာ်အစုစ့ၣ်ဒီးစီၤမနၤ ၡ့ၤလၢအစုထွဲတကပၤန့ၣ်လီၤ.

¹⁴ဘၣ်ဆၣ်စီၤယၤကိာ်ပာ်အစုထွဲလၢစီၤအ့ဖရဲၣ်, လၢအမ့ၢ်ပှၤအဆံးအခိၣ်အဖီခိၣ်, ဒီးပာ်ခီပတာ်အစုစ့ၣ်လၢစီၤ မနၤၡ့ၤလၢအမ့ၢ်ပှၤအဒိၣ်အခိၣ်အဖီခိၣ်န့ၣ်လီၤ.

¹⁵ဝံၤဒီး, အဝဲဆိၣ်ဂ့ၤစီၤယိၤသးဒီးစံးဝဲ, “မ်ကစၢ်ယွၤလၢယပၢ် စီၤအၤဘြၤဟၣ်ဒီးစီၤအံၤစဲးမၤအတၢ်, ဆိၣ်ဂ့ၤပိာ်ခွါဖိသၣ် တဖၣ်အံၤတက့ၢ်. မ်ကစၢ်ယွၤလၢအဆှၢတ့ၢ်ယၤတုၤမုၢ်တနံၤအံၤန့ၣ်, ဆိၣ်ဂ့ၤအဝဲသ့ၣ်တက့ၢ်.

¹⁶မ်ကလူးလၢအမၤပူၤဖျဲးယၤ လၢကယဲၢ်တၢ်ဘၣ်ဒိဘၣ်ထံးန့ၣ်, ဆိၣ်ဂ့ၤအဝဲသ့ၣ်တက့ၢ်. မ်ယၤဒီးယပၢ်တဖၣ်လၢအမ့ၢ်, စီၤအၤဘြၤဟၣ်ဒီးစီၤအံၤစဲးအ မံၤ, မူဝဲလၢခီဖျိပိာ်ခွါဖိသ့ၣ်တဖၣ်အံၤတက့ၢ်. မ်အဝဲသ့ၣ်ကအိၣ်ဒီးအဖိအါအါဂီၢ်ဂီၢ်, ဒီးအစၢၤအသွဲၣ်အါအါ ဂီၢ်ဂီၢ်န့ၣ်တက့ၢ်.”

¹⁷စီၤယိၤသးအသးဘၣ်တံာ်တာ်ဖဲအထံၣ်ဝဲလၢအပၢ်ပာ်အစုထွဲ လၢစီၤအ့ဖရဲၣ်အခိၣ်လိၤအဃိ, အဝဲဖီၣ်ထီၣ်အပၢ်အစုဒ်သိးကသုး က့ၤဝဲလၢစီၤအ့ဖရဲၣ်အခိၣ်လိၤဆူစီၤမနၤၡ့ၤအခိၣ်လိၤအဂီၢ် န့ၣ်လီၤ.

¹⁸အဝဲစံးဘၣ်အပၢ်, “တမ့ၢ်ဒ်န့ၣ်ဘၣ်ပၢ်ဧၢ, အအံၤမ့ၢ်ပှၤအဒိၣ်တဂၤအဃိပာ်နစုထွဲလၢအဝဲအခိၣ်လိၤတက့ၢ်.”

¹⁹အပၢ်စီၤယၤကိာ်ဂ့ၢ်လိာ်တၢ်ဒီးစံးဝဲ, “ယသ့ၣ်ညါ, ယဖိခွါဧၢ, ယသ့ၣ်ညါကစီဒီလီၤ. စီၤမနၤၡ့ၤအစၢၤအသွဲၣ်တဖၣ်ကကဲထီၣ်စ့ၢ်ကီးပှၤဂီၢ်မုၢ်ဖးဒိၣ် တဖုန့ၣ်လီၤ. ဘၣ်ဆၣ်ဒီး, အပုၢ်ပိာ်ခွါကဒိၣ်ထီၣ်အါထီၣ်န့ၢ်ဒံးအီၤ, ဒီးအစၢၤအသွဲၣ်တဖၣ်ကကဲထီၣ်ပှၤကလုာ်ဖးဒိၣ်တဖၣ်န့ၣ်လီၤ.”

²⁰လၢတၢ်န့ၣ်အဃိ, အဝဲဒၣ်ဆိၣ်ဂ့ၤအဝဲသ့ၣ်လၢမုၢ်တနံၤန့ၣ်ဒီး စံးဝဲ, “ဖဲပှၤအံၣ်စရ့လးဖိတဖၣ်ဆိၣ်ဂ့ၤတၢ်န့ၣ်, ကသူသုမံၤတဖၣ်လီၤ. အဝဲသ့ၣ်ကစံးဝဲ, မ်ကစၢ်ယွၤဒုးလီၤဂာ် သုဒ်စီၤအ့ဖရဲၣ်ဒီးစီၤမနၤၡ့ၤအသိးန့ၣ်တက့ၢ်. လၢကျဲဒ်အံၤန့ၣ်, စီၤယၤကိာ်ပာ်ဒိၣ်ပာ်ကဲစီၤအ့ဖရဲၣ်အါန့ၢ် ဒံးစီၤမနၤၡ့ၤတက့ၢ်လီၤ.”

²¹အန့ၣ်ဒီး, စီၤယၤကိာ်စံးဘၣ်စီၤယိၤသး, “ဒ်နထံၣ်အသိး, ယကသံဘူးထီၣ်လံ. ဘၣ်ဆၣ်ဒီး, ကစၢ်ယွၤကအိၣ်ဒီးနၤ, ဒီးကဆှၢကဒါက့ၤနၤဆူနမိၢ်ပၢ်ဖံဖုလၢပျၢၤတဖၣ်အကီၢ်န့ၣ် လီၤ.

²²ဒီးယဟ့ၣ်လီၤနၤလၢကီၢ်ၡက့ၣ်, ဟီၣ်ခိၣ်ညၣ်ထ့ၣ်အလီၢ်ကဝီၤလၢ ယမၤန့ၢ်လၢပှၤအမိၢ်ဖိအစုပူၤလၢယနးဒီးယချံၣ်လီၤ. ယတဟ့ၣ်လီၤဘၣ်နဒီပုၢ်ဝဲၢ်ခွါတဖၣ်လၢတၢ်လီၢ်န့ၣ်ဘၣ်.