Read S'gaw Karen လံာ်စီၤပၤအခီၣ်ထံးတဘ့ၣ် 19 Bible Online

လံာ်စီၤပၤအခီၣ်ထံးတဘ့ၣ် 19 - S'gaw Karen bible

လံာ်စီၤပၤအခီၣ်ထံးတဘ့ၣ် 19

¹စီၤပၤအၤဃာ်စံးဘၣ်အမါနီၢ်အံၤစ့ဘ့ၤလးလၢကယဲၢ်တၢ်လၢစီၤ အ့ၤလံယၤမၤတ့ၢ်ဝဲဒီးအဝဲမၤသံကွံာ်ကယဲၢ်ဘဧၤလးအဝံခဲ လၢာ်ဒ်လဲၣ်န့ၣ်လီၤ.

²နီၢ်အံၤစ့ဘ့ၤလးဆှၢဃီၤတၢ်ကစီၣ်တမံၤဆူစီၤအ့ၤလံယၤအအိၣ် ဒီးစံးဝဲ, “ယမ့ၢ်တမၤဘၣ်တၢ်တမံၤဃီဆူနၤဒ်နမၤတ့ၢ်ဘဧၤလးအဝံတဖၣ်အသိး န့ၣ်ဘၣ်ဒီးခဲမုၢ်ဆ့ၣ်တုၤတၢ်ဆၢကတီၢ်ဒ်အံၤန့ၣ်မ်ကစၢ်တဖၣ်မၤ သံကွံာ်ယၤန့ၣ်တက့ၢ်.”

³စီၤအ့ၤလံယၤပျံၤတၢ်ဒီးဃ့ၢ်ပူၤဖျဲးလၢအသးသမူအဂီၢ်လီၤ. အဝဲကိးထီၣ်အခ့အပှၤဒီးလဲၤဝဲဆူဝ့ၢ်ဘ့ၢ်ၡဘၤလၢကီၢ်ယူဒၤ အပူၤန့ၣ်လီၤ. အဝဲပာ်တီၢ်အခ့အပှၤဖဲန့ၣ်,

⁴ဒီးစီၤအ့ၤလံယၤလဲၤတၢ်သ့တနံၤကျၢၤဆူပှၢ်လၢ်ကျါန့ၣ်လီၤ. အဝဲအိၣ်ကတီၢ်ဒီးဆ့ၣ်နီၤဝဲလၢသ့ၣ်တထံးအကဒုအဖီလာ်ဒီးဆၢ ဝဲလၢကသံန့ၣ်လီၤ. အဝဲဘါထုကဖၣ်စံးဝဲ, “ယွၤဧၢ, တၢ်အံၤနးဒိၣ်မးလီၤ. ဟံးထီၣ်ကွံာ်ယသးသမူတက့ၢ်. အဂ့ၢ်ဒ်အံၤ, ယတဂ့ၤအါန့ၢ်စ့ၢ်ကီးယမိၢ်ပၢ်ဖံဖုလၢပျၢၤတဖၣ်ဘၣ်.”

⁵အဝဲမံလီၤလၢသ့ၣ်တထံးအဖီလာ်ဒီးမံဘၣ်အသးန့ၣ်လီၤ. သတူၢ်ကလာ်ကလူးတဂၤကိးထီၣ်အီၤဒီးစံးဝဲ, “မံပၢၢ်ထီၣ်ဒီးအီၣ်တၢ်တက့ၢ်.”

⁶အဝဲကွၢ်ဝးတရံးတၢ်ဒီးထံၣ်ဘၣ်ကိၣ်တလိၣ်ဒီးထံတကိအိၣ်ဘူး ဒီးအခိၣ်န့ၣ်လီၤ. အဝဲအီၣ်တၢ်ဒီးအီထံဒီးမံလီၤကဒီးဝဲန့ၣ်လီၤ.

⁷ယွၤအကလူးန့ၣ်ဟဲက့ၤကဒါက့ၤဒီးထိၣ်ဂဲၤထၢၣ်အီၤခံဘျီတ ဘျီဒီးစံးဝဲ, “မံပၢၢ်ထီၣ်ဒီးအီၣ်တၢ်တက့ၢ်. အဂ့ၢ်ဒ်အံၤ, နတၢ်လဲၤကယံၤလၢနဂီၢ်ဒိၣ်မးလီၤ.”

⁸စီၤအ့ၤလံယၤဂဲၤဆၢထၢၣ်, အီၣ်တၢ်အီတၢ်, ဒီးတၢ်အီၣ်တၢ်အီ ဟ့ၣ်ဂံၢ်ဟ့ၣ်ဘါအီၤလၢဝဲလၢကလဲၤတၢ်အသီလွံၢ်ဆံဆူကစၢၢ်စီ ဆှံစံၤနါန့ၣ်လီၤ.

⁹ဖဲန့ၣ်အဝဲလဲၤနုာ်ဆူလၢၢ်ကအိတခါအပူၤလၢကမံဝဲလၢတနၤအဂီၢ် လီၤ. သတူၢ်ကလာ်ယွၤကတိၤဃီၤတၢ်ဒီးအီၤစံးဝဲ, “စီၤအ့ၤလံယၤဧၢ, နမၤတၢ်မနုၤဖဲအံၤန့ၣ်လဲၣ်.”

¹⁰အဝဲစံးဆၢဝဲ, “ယွၤ, သ့တၢ်လၢာ်ကစၢ်ယွၤဧၢ, ထီဘိယမၤတ့ၢ်နတၢ်မၤဒီးမၤဒၣ်ထဲတဂၤဧိၤအတၢ်မၤန့ၣ်လီၤ. မ့မ့ၢ်ကီၢ်အံၣ်စရ့လးအပှၤဂီၢ်မုၢ်မၤဟးဂီၤကွံာ်အတၢ်အၢၣ်လီၤ ဒီးနၤ, မၤလီၤပှီၢ်ကွံာ်နတၢ်လုၢ်လီၢ်တဖၣ်ဒီးမၤသံကွံာ်လံနဝံခဲလၢာ် န့ၣ်လီၤ. ယမ့ၢ်ပှၤထဲတဂၤဧိၤလၢအအိၣ်လီၤတဲာ်, ဒီးအဝဲသ့ၣ်ကျဲးစၢးမၤ သံယၤန့ၣ်လီၤ.”

¹¹ယွၤစံးဘၣ်အီၤ, “ဟးထီၣ်ကွံာ်ဒီးဆၢထၢၣ်လၢယမဲာ်ညါလၢကစၢၢ် ဒီခိၣ်န့ၣ်တက့ၢ်.” ဝံၤဒီးယွၤလဲၤခီဂာ်တၢ်ဒီးဆှၢလီၤကလံၤမုၢ်ဆူၣ်တခါလၢအမၤ သ့ၣ်ဖးတၢ်လူၢ်တၢ်တြီၤဒီးမၤလီၤကလဲလၢၢ်တဖၣ်န့ၣ်လီၤ. ဘၣ်ဆၣ်ယွၤတအိၣ်ဘၣ်လၢကလံၤအူတၢ်အပူၤန့ၣ်ဘၣ်. ကလံၤအူတၢ်ဆိကတီၢ်ကွံာ်အသးဝံၤဟီၣ်ခိၣ်ဟူးဝးဝဲဒၣ်န့ၣ်လီၤ. ဘၣ်ဆၣ်ယွၤတအိၣ်ဘၣ်လၢဟီၣ်ခိၣ်ဟူးဝးဝဲအပူၤန့ၣ်ဘၣ်.

¹²ဖဲဟီၣ်ခိၣ်ဟူးဝးဝံၤအလီၢ်ခံန့ၣ်မ့ၣ်အူအီၣ်တၢ်မၤအသးန့ၣ် လီၤ. ဘၣ်ဆၣ်ယွၤတအိၣ်ဘၣ်လၢမ့ၣ်အူအီၣ်တၢ်အပူၤန့ၣ်ဘၣ်. ဒီးဖဲမ့ၣ်အူအီၣ်တၢ်ဝံၤအလီၢ်ခံန့ၣ်တၢ်ကလုၢ်ကပုာ်လုးတထံၣ် သီၣ်ထီၣ်ဝဲဒၣ်န့ၣ်လီၤ.

¹³တုၤစီၤအ့ၤလံယၤနၢ်ဟူဃီၤတၢ်န့ၣ်ဒီး, အဝဲမၤဘၢအမဲာ်လၢ အဆ့ကၤဖးဒိၣ်ဒီးဟးထီၣ်ဝဲဒီးဆၢထၢၣ်ဖဲလ့ကအိအကျဲစၢၤ န့ၣ်လီၤ. တၢ်ကလုၢ်တထံၣ်စံးဘၣ်အီၤ, “စီၤအ့ၤလံယၤဧၢ, နမၤတၢ်မနုၤဖဲအံၤန့ၣ်လဲၣ်.”

¹⁴အဝဲစံးဆၢဝဲ, “ယွၤ, သ့တၢ်လၢာ်ကစၢ်ယွၤဧၢ, ထီဘိယမၤဒီးမၤဒၣ်တ့ၢ်နတၢ်မၤထဲနၤတဂၤဧိၤအတၢ်မၤန့ၣ်လီၤ. မ့မ့ၢ်ကီၢ်အံၣ်စရ့လးအပှၤဂီၢ်မုၢ်မၤဟးဂီၤကွံာ်အတၢ်အၢၣ်လီၤ ဒီးနၤ, မၤလီၤပှီၢ်ကွံာ်နတၢ်လုၢ်လီၢ်တဖၣ်, ဒီးမၤသံကွံာ်နဝံခဲလၢာ် န့ၣ်လီၤ. ယမ့ၢ်ပှၤထဲတဂၤဧိၤလၢအအိၣ်လီၤတဲာ်, ဒီးအဝဲသ့ၣ်ကျဲးစၢးမၤသံယၤန့ၣ်လီၤ.”

¹⁵ယွၤစံးဘၣ်အီၤ, “က့ၤကဒါက့ၤဆူပှၢ်မုၢ်ကနၢဘူးဒီးဝ့ၢ်ဒၤ မ့းစ့း, ဝံၤဒီးလဲၤနုာ်ဆူဝ့ၢ်ပူၤဒီးဖှူစီၤဃစ့လးဒ်ကီၢ်စူၤရံအစီၤပၤ,

¹⁶ဖှူစီၤနံၣ်ၡံၤအဖိခွါစီၤယ့ၤဟူဒ်ကီၢ်အံၣ်စရ့လးအစီၤပၤ ဒီးစီၤၡၤဖးလၢဝ့ၢ်အၤဘ့လးမဃိလံၤအဖိခွါစီၤအလံၤၡါဒ် သိးကကဲထီၣ်ဝံတဂၤလၢနလီၢ်တက့ၢ်.

¹⁷ပှၤတဂၤလၢ်လၢ်လၢအပူၤဖျဲးဒီးစီၤဃစ့လးအတၢ်မၤသံန့ၣ်စီၤ ယ့ၤဟူကမၤသံအီၤ, ဒီးပှၤတဂၤလၢ်လၢ်လၢအပူၤဖျဲးဒီးစီၤယ့ၤဟူအတၢ်မၤသံန့ၣ်, စီၤအလံၤၡါကမၤသံအီၤန့ၣ်လီၤ.

¹⁸အန့ၣ်ဒၣ်လဲာ်, ယကပာ်မူဒံးပှၤဂီၢ်မုၢ်နွံကထိဂၤလၢကီၢ်အံၣ် စရ့လးအပူၤ, ကယဲၢ်ပှၤတဖၣ်လၢအသးတီဒီးယၤ, ဒီးတတီၤလီၤလၢဘဧၤလးအမဲာ်ညါမ့ၢ်ဂ့ၤ, နၢမူအတၢ်ဂီၤတၢ်ဖီၣ်မ့ၢ်ဂ့ၤဘၣ်န့ၣ်လီၤ.

¹⁹စီၤအ့ၤလံယၤဟးထီၣ်ဝဲဒီးထံၣ်ဘၣ်စီၤအလံၤၡါထဲၣ်တၢ်ဒီး ဂီၤဖံးဖါတဖုလီၤ. လၢအဝဲအမဲာ်ညါန့ၣ်ဂီၤဖံးဖါအိၣ်ဝဲတဆံတဆိ ဒီးအဝဲနီၣ်ဂီၤဖံးဖါလၢခံကတၢၢ်တဆိန့ၣ်လီၤ. စီၤအ့ၤလံယၤဘ့ၣ်လီၤကွံာ်အဆ့ကၤဖးထီဒီးပာ်ထီၣ်ဝဲလၢစီၤ အလံၤၡါအလိၤန့ၣ်လီၤ.

²⁰အန့ၣ်ဒီး, စီၤအလံၤၡါပာ်တီၢ်အဂီၤဖံးဖါတဖၣ်, ဃ့ၢ်ပိာ်ထွဲစီၤအ့ၤလံယၤအခံဒီးစံးဝဲ, “ပျဲယက့ၤနၢမူယမိၢ်ဒီးယပၢ် တက့ၢ်. ဝံၤဒီးယကပိာ်နခံလီၤ.” စီၤအ့ၤလံယၤစံးဆၢအီၤ, “ဂ့ၤလံ, က့ၤကဒါက့ၤတက့ၢ်. ယတတြီနၤဘၣ်.”

²¹အန့ၣ်ဝံၤဒီး, စီၤအလံၤၡါလဲၤဆူအဂီၤဖံးဖါတဖုအအိၣ်, မၤသံကွံာ်ဝဲဒီးဖီထီၣ်တၢ်ညၣ်, သူနီၣ်ယိးဘိဒ်သ့ၣ်မုၣ်အသိး လၢမ့ၣ်အူအဂီၢ်န့ၣ်လီၤ. အဝဲဒုးအီၣ်ပှၤဂီၢ်မုၢ်လၢတၢ်ညၣ်ဒီးအဝဲသ့ၣ်အီၣ်ဝဲလီၤ. ဝံၤဒီးအဝဲလဲၤဒီးပိာ်ထီၣ်စီၤအ့ၤလံယၤအခံဒ်အဝဲအပှၤမၤ စၢၤအီၤအသိးန့ၣ်လီၤ.