Read S'gaw Karen လံာ်စီၤပၤအခီၣ်ထံးတဘ့ၣ် 20 Bible Online

လံာ်စီၤပၤအခီၣ်ထံးတဘ့ၣ် 20 - S'gaw Karen bible

လံာ်စီၤပၤအခီၣ်ထံးတဘ့ၣ် 20

¹ကီၢ်စူၤရံအစီၤပၤဘ့ၤဟဒးပာ်ဖှိၣ်ထီၣ်ကယဲၢ်အပှၤသုးဖိခဲ လၢာ်, ဒီးဘၣ်တၢ်မၤစၢၤအီၤလၢပှၤပၢတၢ်အဂၤသၢဆံဂၤဃုာ်ဒီးအဝဲ သ့ၣ်အကသ့ၣ်တဖၣ်ဒီးအလ့ၣ်ကဟၣ်တဖၣ်, န့ၣ်လီၤ. အဝဲလဲၤထီၣ်ကဝီၤဃးဝ့ၢ်ၡၤမရံဒီးဒုးထီဒါအီၤန့ၣ်လီၤ.

²အဝဲဆှၢလီၤပှၤစိာ်တၢ်ကစီၣ်တဖၣ်ဆူဝ့ၢ်ပူၤ, ဆူကီၢ်အံၣ်စရ့လးအစီၤပၤအၤဃာ်အအိၣ်လၢကစံးဘၣ်အီၤ, “စီၤပၤဘ့ၣ်ဟဒးဟ့ၣ်လီၤအကလုၢ်လၢ,

³နကဟ့ၣ်လီၤအးလီၤနစ့ဒီးထူ, နမါလၢအဃံလၤကတၢၢ်တဖၣ်ဒီးနဖိ တဖၣ်အကျါပှၤလၢအဂံၢ်ဆူၣ်ဘါဆူၣ်ကတၢၢ်တဖၣ်န့ၣ်လီၤ.”

⁴စီၤအၤဃာ်စံးဆၢဝဲ, “တဲဘၣ်ယကစၢ်, စီၤပၤဘ့ၣ်ဟဒးလၢ, ယဘၣ်သူၣ်ဘၣ်သးယဲလီၤ. အဝဲဟံးန့ၢ်ယၤဒီးကယဲၢ်တၢ်အိၣ်ဒီးယၤခဲလၢာ်သ့ဝဲန့ၣ်လီၤ.”

⁵လၢခံန့ၣ်, ပှၤစိာ်တၢ်ကစီၣ်တဖၣ်ဟဲကဒါက့ၤဆူစီၤအၤဃာ်အအိၣ်, အိၣ်ဒီးစီၤပၤဘ့ၣ်ဟဒးအတၢ်ဃ့အဂၤတမံၤလၢအစံးဝဲ, “ယမၢလီၤတၢ်ဆူနအိၣ်ဒီးစံးလၢနကဘၣ်ဟ့ၣ်လီၤယၤနစ့, နထူ, နမါတဖၣ်ဒီးနဖိတဖၣ်န့ၣ်လီၤ.

⁶ခဲကနံၣ်အံၤ, ဒ်လဲၣ်ဂ့ၤန့ၣ်, ယကဆှၢလီၤယပဒိၣ်တဖၣ်လၢကကွၢ်ဃု တၢ်လၢနနီဒီးနပဒိၣ်ပပှၢ်တဖၣ်အဟံၣ်ပူၤဒီးကဟံးန့ၢ်ကယဲၢ်တၢ်လၢ အဆိကမိၣ်ဝဲလၢအအိၣ်ဒီးအလုၢ်အပှ့ၤတဖၣ်န့ၣ်လီၤ. အဝဲသ့ၣ်ကလဲၤတုၤဖဲန့ၣ်ခဲမုၢ်ဂီၤလၢအကတီၢ်ဒ်သိးအံၤန့ၣ် လီၤ.”

⁷စီၤပၤအၤဃာ်ကိးန့ၢ်ကယဲၢ်ထံကီၢ်အပှၤခိၣ်ပှၤနၢ်တဖၣ်ဒီးစံး ဝဲ, “သုထံၣ်လၢပှၤတဂၤအံၤအဲၣ်ဒိးမၤဟးဂီၤပှၤလီၤ. အဝဲဆှၢလီၤန့ၢ်ယၤတၢ်ကစီၣ်တမံၤ, ဃ့ဆူၣ်ယမါတဖၣ်ဒီးယဖိတ ဖၣ်, ယစ့ဒီးယထူ, ဒီးယဘၣ်သူၣ်ဘၣ်သးတ့ၢ်ယဲလီၤ.”

⁸ပှၤခိၣ်ပှၤနၢ်တဖၣ်, ဒီးပှၤဂီၢ်မုၢ်တဖၣ်စံးဆၢအီၤ, “ကနၣ်ဃုာ်အီၤနီတစဲးတဂ့ၤ. ခီၣ်ဃၣ်ကွံာ်နသးတဂ့ၤ.”

⁹လၢတၢ်န့ၣ်အဃိစီၤအၤဃာ်စံးဆၢက့ၤစီၤပၤဘ့ၣ်ဟဒးအပှၤစိာ်တၢ် ကစီၣ်တဖၣ်စံးဝဲ, “တဲဘၣ်ယကစၢ်, စီၤပၤန့ၣ်လၢယဘၣ်သူၣ်ဘၣ်သးအဝဲအတၢ်ဃ့ဆူၣ်အခီၣ်ထံးတမံၤကစီ ဒီလီၤ. မ့မ့ၢ်အတၢ်ဃ့ဆူၣ်ခံမံၤတမံၤန့ၣ်ယအၢၣ်လီၤတသ့ဘၣ်.” ပှၤစိာ်တၢ်ကစီၣ်တဖၣ်ဟးထီၣ်ကွံာ်ဝံၤဟဲက့ၤကဒါက့ၤဒီးတၢ် ကစီၣ်အဂၤတမံၤ,

¹⁰လၢစီၤပၤဘ့ၣ်ဟဒးအအိၣ်စံးဝဲ, “ယကဟဲကိးပှၤလၢလၢလီၣ်လီၣ် လၢကမၤဟးဂီၤသုဝ့ၢ်အံၤတုၤအစိာ်ထီၣ်ကွံာ်ဒၣ်လဲာ်လၢၢ်အက့ အခီတဖၣ်လၢအစုပူၤန့ၣ်လီၤ. ယမ့ၢ်တမၤဒ်န့ၣ်ဘၣ်ဒီးမ်ကစၢ်တဖၣ်တီၢ်ယၤလၢတၢ်သံတက့ၢ်.”

¹¹စီၤပၤအၤဃာ်စံးဆၢဝဲ, “တဲဘၣ်စီၤပၤဘ့ၣ်ဟဒးလၢပှၤသုးဖိ နီၢ်နီၢ်တဂၤန့ၣ်, ကတိၤပာ်ကဖၢလၢလီၤဒၣ်အသးလၢတၢ်ဒုးတဘျီ ဝံၤအလီၢ်ခံဒီးတမ့ၢ်ဘၣ်တချုးလၢဒုးတၢ်န့ၣ်ဘၣ်.”

¹²စီၤပၤဘ့ၣ်ဟဒးဒိးန့ၢ်ဘၣ်စီၤအၤဃာ်အတၢ်စံးဆၢဖဲအဝဲဒီး အသိၣ်အမှံၤတဖၣ်, ပှၤပၢတၢ်အဂၤတဖၣ်, အီသကိးတၢ်လၢအဒဲတဖၣ်အပူၤအခါန့ၣ်လီၤ. အဝဲဟ့ၣ်လီၤအကလုၢ်လၢအပှၤတဖၣ်ကကတဲာ်ကတီၤထီၣ်အသးလၢကလဲၤထီၣ် ဒုးဝ့ၢ်န့ၣ်, သတးဒီးအဝဲသ့ၣ်ဟံးန့ၢ်အလီၢ်လၢကဒုးတၢ်အဂီၢ်န့ၣ်လီၤ.

¹³အကတီၢ်ဖဲန့ၣ်ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “ယွၤစံးဝဲဒၣ်, ပျံၤသုးမုၢ်ဖးဒိၣ်န့ၣ်တဂ့ၤ. ယကဟ့ၣ်နၤတၢ်မၤနၢၤအီၤလၢမုၢ်မဆါတနံၤအံၤန့ၣ်လီၤ. ဒီးနကသ့ၣ်ညါလၢယမ့ၢ်ယွၤလီၤ.”

¹⁴စီၤအၤဃာ်သံကွၢ်အီၤ, “မတၤကကဲခိၣ်ကဲနၢ်လၢတၢ်လဲၤထီၣ်ဒုး တၢ်အဂီၢ်န့ၣ်လဲၣ်.” အဝဲစံးဆၢဝဲ, “ယွၤစံးဝဲဒၣ်, ပှၤသုးခိၣ်သးစၢ်တဖၣ်လၢ အအိၣ်လၢကီၢ်ဆၣ်အပဒိၣ်ဖးဒိၣ်တဖၣ်အတၢ်ပၢအဖီလာ်ကမၤတၢ်န့ၣ် လီၤ.” စီၤပၤသံကွၢ်ဝဲ, “မတၤကမၢသုးမုၢ်ဖးဒိၣ်စးထီၣ်ဒုးတၢ် န့ၣ်လဲၣ်.” ဝံစံးဆၢဝဲ, “မ့ၢ်နၤလီၤ.”

¹⁵လၢတၢ်န့ၣ်အဃိ, စီၤပၤကိးထီၣ်ပှၤသုးခိၣ်သးစၢ်တဖၣ်လၢအအိၣ် လၢကီၢ်ဆၣ်အသုးခိၣ်ဖးဒိၣ်တဖၣ်အတၢ်ပၢအဖီလာ်ဒီးပှၤခဲလၢာ် အိၣ်ဝဲခံကယၤသၢဆံဂၤန့ၣ်လီၤ. အန့ၣ်ဝံၤအဝဲကိးထီၣ်ဝဲကီၢ်အံၣ်စရ့လးအသုးမုၢ်ဒီးပှၤခဲ လၢာ်အိၣ်ဝဲနွံကထိဂၤန့ၣ်လီၤ.

¹⁶တၢ်ဒုးစးထီၣ်မၤအသးဖဲမုၢ်ထူၣ်အကတီၢ်ဖဲစီၤဘ့ၣ်ဟဒးဒီး အသိၣ်အမှံၤသၢဆံဂၤအီမူၤအသးလၢဒဲတဖၣ်အပူၤအခါန့ၣ်လီၤ.

¹⁷ပှၤသုးဖိသးစၢ်တဖၣ်လဲၤထီၣ်ဆိဝဲန့ၣ်လီၤ. ပှၤကွၢ်ဟုၣ်ကွၢ်စူးတၢ်ဖိတဖၣ်လၢအဘၣ်တၢ်ဆှၢလီၤအီၤလၢစီၤ ဘ့ၣ်ဟဒးက့ၤစံးဘၣ်အီၤလၢပှၤသုးဖိတဖုဟဲထီၣ်ဝဲလၢကီၢ်ၡၤ မရံအပူၤန့ၣ်လီၤ.

¹⁸အဝဲဟ့ၣ်လီၤအကလုၢ်စံးဝဲ, “အဝဲသ့ၣ်မ့ၢ်ဟဲထီၣ်လၢကဒုးတၢ် အဂီၢ်မ့ၢ်ဂ့ၤ, ကဃ့တၢ်မၤဃူမၤဖိးအဂီၢ်မ့ၢ်ဂ့ၤန့ၣ်ဖီၣ်န့ၢ်မူဒံးအဝဲ သ့ၣ်တက့ၢ်.”

¹⁹ပှၤသုးဖိသးစၢ်သ့ၣ်တဖၣ်စးထီၣ်ဒုးတၢ်ဒီးအံၣ်စရ့လးအသုး မုၢ်အတၢ်ပိာ်ထွဲထီၣ်အခံ,

²⁰ဒီးပှၤတဂၤဘၣ်တဂၤစုာ်စုာ်မၤသံကွံာ်ပှၤလၢအဒုးဝဲန့ၣ်လီၤ. ပှၤစူၤရံဖိတဖၣ်ဃ့ၢ်ပူၤဖျဲးကွံာ်အသးအိၣ်ဒီးပှၤအံၣ်စရ့လး ဖိအတၢ်လူၤထွဲအခံဆူၣ်ဆူၣ်န့ၣ်လီၤ. မ့မ့ၢ်စီၤဘ့ၣ်ဟဒးဃ့ၢ်ပူၤဖျဲးကွံာ်လၢကသ့ၣ်အလိၤဃုာ်ဒီးပှၤ ဒိးကသ့ၣ်သုးဖိတနီၤန့ၣ်လီၤ.

²¹စီၤပၤအၤဃာ်လဲၤထီၣ်ဆူတၢ်ဒုးအပျီပူၤဒီးမၤန့ၢ်ကွံာ်ကသ့ၣ် တဖၣ်ဒီးလ့ၣ်ကဟၣ်တဖၣ်ဒီးဒုးတူၢ်ဘၣ်ပှၤစူၤရံဖိတဖၣ်လၢတၢ်ဃၣ် ကွံာ်လၢအနးဒိၣ်မးတမံၤန့ၣ်လီၤ.

²²အန့ၣ်ဝံၤဒီး, ဝံန့ၣ်, လဲၤဆူစီၤပၤအၤဃာ်အအိၣ်ဒီးစံးဝဲ, “က့ၤကဒါက့ၤဒီးဒုးဆူၣ်ထီၣ်နသုးမုၢ်အဂံၢ်အဘါ, ဒီးမၤထီၣ်တၢ်ကူၣ်ကျဲၤအဂ့ၤတဖၣ်တက့ၢ်. အဂ့ၢ်ဒ်အံၤ, တၢ်မဲထီၣ်အကတီၢ်ခဲကိာ်တဘျီန့ၣ်, ကီၢ်စူၤရံအစီၤပၤကဟဲထီၣ်ဒုးကဒီးတၢ်န့ၣ်လီၤ.”

²³စီၤပၤဘ့ၣ်ဟဒးအပဒိၣ်ပပှၢ်တဖၣ်စံးဘၣ်အီၤ, “ကီၢ်အံၣ်စရ့လးအကစၢ်တဖၣ်မ့ၢ်ကစၢၢ်ကလိအကစၢ်တဖၣ်, ဒီးလၢတၢ်န့ၣ်အဃိပှၤအံၣ်စရ့လးဖိတဖၣ်မၤနၢၤပှၤန့ၣ်လီၤ. ဘၣ်ဆၣ်ပမ့ၢ်ဒုးအဝဲသ့ၣ်လၢတၢ်ပၢၤခိၣ်တဖၣ်န့ၣ်, ပကနၢၤအဝဲသ့ၣ်သပှၢ်ကတၢၢ်န့ၣ်လီၤ.

²⁴ခဲအံၤသုးကွံာ်ပှၤပၢတၢ်သၢဆံခံဂၤလၢအတၢ်ကဲခိၣ်ကဲနၢ် အလီၢ်တဖၣ်ဒီးပာ်က့ၤသုးခိၣ်ဖးဒိၣ်တဖၣ်လၢအဝဲသ့ၣ်အလီၢ်န့ၣ်တ က့ၢ်.

²⁵ဝံၤဒီး, ဃုထၢပာ်ဖှိၣ်သုးမုၢ်တဖုလၢအဒိၣ်ထဲသိးဒီးသုး မုၢ်တဖုလၢအဃ့ၢ်သဒၣ်ကွံာ်တ့ၢ်နၤ, အိၣ်ဒီးကသ့ၣ်တဖၣ်ဒီးလ့ၣ်ကဟၣ်တဖၣ်အနီၣ်ဂံၢ်တမံၤဃီဒ်လၢညါ အသိးတက့ၢ်. ပကဒုးပှၤအံၣ်စရ့လးဖိတဖၣ်လၢတၢ်ပၢၤခိၣ်တဖၣ်ဒီးတဘျီညါအံၤ ပကနၢၤကွံာ်အဝဲသ့ၣ်န့ၣ်လီၤ.” စီၤပၤဘ့ၣ်ဟဒးအၢၣ်လီၤအီၤဒီးမၤထွဲဝဲအဝဲသ့ၣ်အတၢ်ဟ့ၣ်ကူၣ် န့ၣ်လီၤ.

²⁶တုၤတၢ်မဲထီၣ်အကတီၢ်တုၤဝဲန့ၣ်, အဝဲကိးထီၣ်အပှၤတဖၣ်ဒီးလဲၤ တၢ်ဃုာ်ဒီးအဝဲသ့ၣ်ဆူဝ့ၢ်အဖ့းလၢတၢ်လဲၤထီၣ်ဒုးပှၤအံၣ်စရ့ လးဖိတဖၣ်အဂီၢ်န့ၣ်လီၤ.

²⁷ပှၤအံၣ်စရ့လးဖိတဖၣ်ဘၣ်တၢ်ကိးထီၣ်အီၤဒီးဒုးသိးထီၣ်အီၤ တၢ်စုကဝဲၤန့ၣ်လီၤ. အဝဲသ့ၣ်လဲၤထီၣ်ဝဲဒီးသူၣ်အဒဲ ခံဖုအိၣ်ကွၢ်ဆၢညါပှၤစူၤရံဖိတဖၣ်န့ၣ်လီၤ. ပှၤအံၣ်စရ့လးဖိတဖၣ်လီၤဂာ်ဒီးမဲာ်တဲးလဲးအဖုအဆံးဖိခံ ဖု, ဖဲတၢ်ထိၣ်သတြီၤအီၤဒီးပှၤစူၤရံဖိတဖၣ်လၢအရၤလီၤအသးပှဲၤ ဒၣ်တၢ်ပျီပူၤန့ၣ်လီၤ.

²⁸ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “အအံၤမ့ၢ်တၢ်လၢယွၤစံးဝဲန့ၣ်လီၤ. မ့ၢ်လၢပှၤစူၤရံဖိ သ့ၣ်တဖၣ်စံးဝဲလၢယမ့ၢ်ကစၢၢ်ကလိအကစၢ်တဂၤဒီးတမ့ၢ်ဘၣ်တၢ်ပၢၤ ခိၣ်အကစၢ်ဘၣ်အဃိယကဟ့ၣ်နၤတၢ်မၤနၢၤလၢအဝဲသ့ၣ်အသုးမုၢ်ဖး ဒိၣ်အဖီခိၣ်ဒီး, နၤဒီးနပှၤဂီၢ်မုၢ်ကသ့ၣ်ညါလၢယမ့ၢ်ယွၤန့ၣ်လီၤ.”

²⁹လၢနွံသီအတီၢ်ပူၤန့ၣ်, ပှၤစူၤရံဖိတဖၣ်ဒီးပှၤအံၣ်စရ့လး ဖိတဖၣ်အိၣ်ဒၣ်လၢအသူၣ်ဒဲအလီၢ်တဖၣ်, ကွၢ်ဆၢညါလိာ်အသးန့ၣ်လီၤ. လၢနွံနံၤတနံၤန့ၣ်အဝဲသ့ၣ်စးထီၣ်ဒုးလိာ်အသးဒီးပှၤအံၣ် စရ့လးဖိမၤသံကွံာ်ပှၤစူၤရံဖိအဂၤတကလီၢ်န့ၣ်လီၤ.

³⁰ပှၤအိၣ်မူလီၤတဲာ်ဒံးတဖၣ်ဃ့ၢ်ပူၤဖျဲးဝဲဆူဝ့ၢ်အဖ့းအပူၤ ဒီးဖဲန့ၣ်ဝ့ၢ်ခိၣ်ဒူတဖၣ်လီၤပှီၢ်ဝဲလၢပှၤခံကလးနွံကထိဂၤ အလိၤန့ၣ်လီၤ. စီၤဘ့ၣ်ဟဒးစ့ၢ်ကီးဃ့ၢ်ပူၤဖျဲးဝဲဆူဝ့ၢ်ပူၤဒီးလဲၤအိၣ် သဒၢအသးဖဲဟံၣ်တဟံၣ်အဒၢးလၢတၢ်သးကံၢ်ပူၤန့ၣ်လီၤ.

³¹အဝဲအပဒိၣ်ပပှၢ်တဖၣ်လဲၤဆူအအိၣ်ဒီးစံးဘၣ်အီၤ, “ပနၢ်ဟူတ့ၢ်လၢကီၢ်အံၣ်စရ့လးအစီၤပၤတဖၣ်သးကညီၤတၢ်သ့ လီၤ. ဟ့ၣ်ပှၤတၢ်ပျဲလၢပကလဲၤဆူကီၢ်အံၣ်စရ့လးအစီၤပၤအအိၣ်, အိၣ်ဒီးဆ့ကၤထၢၣ်တၢ်ကံးယာ်လၢပယီၢ်ဒ့တဖၣ်အလိၤဒီးပျံၤတဖၣ် လၢပကိာ်တဖၣ်အလိၤဒီးဘၣ်သ့ၣ်သ့ၣ်အဝဲကပျဲပူၤဖျဲးနသးသမူ န့ၣ်လီၤ.”

³²လၢတၢ်န့ၣ်အဃိအဝဲသ့ၣ်စၢထီၣ်ထၢၣ်တၢ်ကံးယာ်လၢအယီၢ်ဒ့တဖၣ် အလိၤဒီးပျံၤလၢအကိာ်တဖၣ်အလိၤ, လဲၤဝဲဆူစီၤပၤအၤဃာ်အအိၣ်ဒီးစံးဝဲ, “နခ့နပှၤစီၤဘ့ၣ်ဟဒးဃ့ကညးနၤလၢအသးသမူအဂီၢ်န့ၣ်လီၤ.” စီၤအၤဃာ်စံးဆၢဝဲ, “မ့ၢ်အဝဲအိၣ်မူဒံးဧါ. ဂ့ၤလီၤ. အဝဲလီၤဂာ်ဒ်သိးဒီပုၢ်ဝဲၢ်ခွါတဂၤလၢယဂီၢ်န့ၣ်လီၤ.”

³³စီၤဘ့ၣ်ဟဒးအပဒိၣ်ပပှၢ်တဖၣ်ခိးကွၢ်တၢ်ပနီၣ်အဂ့ၤတမံၤ, ဒီးဖဲစီၤအၤဃာ်စံးဝဲ, “ဒီပုၢ်ဝဲၢ်ခွါ” န့ၣ်, အဝဲသ့ၣ်ဟံးန့ၢ်တၢ်ခွဲးတၢ်ယာ်တဘျီဃီဒီးစံးဝဲ, “ဒ်နစံးအသိး, စီၤဘ့ၣ်ဟဒးမ့ၢ်နဒီပုၢ်ဝဲၢ်ခွါလီၤ.” စီၤအၤဃာ်မၤလိာ်ဝဲ, “ဟဲကိးအီၤဆူယအိၣ်တက့ၢ်.” တုၤစီၤဘ့ၣ်ဟဒးဟဲတုၤဝဲန့ၣ်စီၤအၤဃာ်ကွဲဃီၤအီၤလၢကဒိး ထီၣ်လ့ၣ်ကဟၣ်ဃုာ်ဒီးအီၤန့ၣ်လီၤ.

³⁴စီၤဘ့ၣ်ဟဒးစံးဘၣ်အီၤ, “ယကဟ့ၣ်ကဒါက့ၤနၤဝ့ၢ်တဖၣ်လၢယပၢ်မၤန့ၢ်ကွံာ်လၢနပၢ်အအိၣ်, ဒီးနကပာ်လီၤတၢ်ကူၣ်တၢ်ကၤအလီၢ်ခၢၣ်သးတတီၤလၢနဂီၢ်ဒၣ်နဲလၢ ဝ့ၢ်ဒၤမ့းစ့းအပူၤ, ဒ်ယပၢ်မၤတ့ၢ်ဝဲလၢဝ့ၢ်ၡၤမရံအပူၤအသိးန့ၣ်လီၤ.” စီၤအၤဃာ်စံးဆၢဝဲ, “လၢတၢ်အၢၣ်လီၤလိာ်သကိးသးတဖၣ်အံၤ အဃိယကပျၢ်ပူၤဖျဲးနၤလီၤ.” အဝဲမၤတၢ်အၢၣ်လီၤလိာ်သးဒီးအီၤဒီးပျၢ်ကွံာ်အီၤန့ၣ်လီၤ.

³⁵ဒ်ယွၤဟ့ၣ်လီၤတၢ်ကလုၢ်အသိးန့ၣ်ဝံတဖၣ်အကရၢတကရၢ, အကရၢဖိတဂၤမၢအဝံကဒဲကဒဲဒီးအီၤတဂၤတီၢ်အီၤန့ၣ်လီၤ. ဘၣ်ဆၣ်အဝဲဂ့ၢ်လိာ်ဝဲ,

³⁶အဃိ, အဝဲဒၣ်စံးဘၣ်အီၤ, “မ့ၢ်လၢနတစူၢ်ဘၣ်ယွၤအတၢ်မၤလိာ်ဘၣ်အဃိ, တုၤနဟးထီၣ်ကွံာ်လၢယအိၣ်တဘျီဃီန့ၣ်ခ့ယုၢ်တဒုကမၤသံနၤ န့ၣ်လီၤ.” တုၤအဝဲဟးထီၣ်တဘျီဃီန့ၣ်ခ့ယုၢ်တဒုဟဲထီၣ်ဒီးမၤသံကွံာ် အီၤန့ၣ်လီၤ.

³⁷အန့ၣ်ဝံၤဒီးဝံတဂၤဃီအံၤလဲၤဝဲဆူပှၤအဂၤတဂၤအအိၣ်ဒီးစံး ဝဲ, “တီၢ်ယၤတက့ၢ်.” ပှၤတဂၤန့ၣ်မၤဝဲဒ်န့ၣ်လီၤ. အဝဲတီၢ်အီၤလၢတၢ်တီၢ်လၢအဆါမးတမံၤဒီးမၤဆါအီၤလီၤ.

³⁸ဝံန့ၣ်ဘိၣ်ထီၣ်အမဲာ်ဒီးတၢ်ကံးယာ်တဘ့ၣ်လၢကပျိာ်လီၤဆီ အသးအဂီၢ်ဒီးလဲၤဃီၤဒီးဂဲၤဆၢထၢၣ်ဝဲလၢကျဲကပၤခိးဝဲလၢ ကီၢ်အံၣ်စရ့လးအစီၤပၤကလဲၤခီဂာ်တၢ်အဂီၢ်န့ၣ်လီၤ.

³⁹ဖဲစီၤပၤလဲၤခီဂာ်တၢ်န့ၣ်, ဝံန့ၣ်ကိးဃီၤအီၤဒီးစံးဝဲ, “တၢ်ဒိၣ်ကစၢ်စီၤပၤဧၢ, ယဒုးတၢ်လၢတၢ်ဒုးအပူၤ, ဖဲပှၤသုးဖိတဂၤဟဲစိာ်ဒုၣ်ဒါလၢအဖီၣ်န့ၢ်ဝဲတဂၤဆူယအိၣ် ဒီးစံးဝဲ, ကွၢ်ဟုၣ်ပှၤတဂၤအံၤတက့ၢ်. အဝဲမ့ၢ်ထူၣ်ဖျဲးကွံာ်န့ၣ်, နကဘၣ်ဟ့ၣ်တၢ်အပှ့ၤလၢနသးသမူဒၣ်နဲမ့တမ့ၢ်, နကဘၣ်ဟ့ၣ်စ့အဘ့ၣ်သၢကထိဒ်တၢ်အပှ့ၤအသိးန့ၣ်လီၤ.

⁴⁰ဘၣ်ဆၣ်လၢယတၢ်မၤအါတ့ၢ်လၢတၢ်အဂၤတဖၣ်အဃိဒီးပှၤတဂၤ န့ၣ်ထူၣ်ဖျဲးကွံာ်ဝဲန့ၣ်လီၤ.” စီၤပၤစံးဆၢအီၤ, “နစံၣ်ညီၣ်လီၤနသးဒၣ်နဲ, ဒီးနကဘၣ်ဟ့ၣ်နတၢ်ကမၣ်အပှ့ၤန့ၣ်လီၤ.”

⁴¹ဝံန့ၣ်ဖှီကွံာ်တၢ်ကံးယာ်လၢအမဲာ်သၣ်လိၤဒီးတဘျီဃီစီၤပၤ သ့ၣ်ညါနီၣ်အီၤဒ်ဝံတဖၣ်အကျါ, ဝံတဂၤအသိးန့ၣ်လီၤ.

⁴²အန့ၣ်ဒီး, ဝံန့ၣ်စံးဘၣ်စီၤပၤ, “အအံၤမ့ၢ်ယွၤအတၢ်ကတိၤန့ၣ် လီၤ. မ့ၢ်လၢနပျဲပူၤဖျဲးကွံာ်ပှၤတဂၤလၢယမၤလိာ်လၢကဘၣ်တၢ်မၤသံ ကွံာ်အီၤအသးသမူအဃိန့ၣ်, နကဘၣ်ဟ့ၣ်က့ၤတၢ်အံၤအပှ့ၤလၢနသးသမူဒၣ်နဲ, ဒီးနသုးမုၢ်ကဘၣ်တၢ်မၤဟးဂီၤကွံာ်အီၤလၢနပျဲအဝဲအသုးမုၢ် ပူၤဖျဲးကွံာ်အဃိန့ၣ်လီၤ.”

⁴³စီၤပၤက့ၤကဒါက့ၤဝဲဆူအဟံၣ်လၢကီၢ်ၡၤမရံဒီးတၢ်ကိၢ်တၢ် ဂီၤတၢ်သူၣ်လီၤဘှံးသးလီၤတီၤန့ၣ်လီၤ.