Read S'gaw Karen လံာ်စီၤပၤခံဘ့ၣ်တဘ့ၣ် 8 Bible Online

လံာ်စီၤပၤခံဘ့ၣ်တဘ့ၣ် 8 - S'gaw Karen bible

လံာ်စီၤပၤခံဘ့ၣ်တဘ့ၣ် 8

¹ဒီးခဲအံၤစီၤအလံၤၡါတဲဘၣ်ပိာ်မုၣ်လၢအအိၣ်ဆိးလၢဝ့ၢ်ၡူ န့ၣ်, လၢအဝဲမၤမူထီၣ်န့ၢ်က့ၤအဖိခွါလၢ, ယွၤကဒုးလီၤဘၣ်တၢ်သၣ် ဝံၤလီၤဒိတမံၤလၢကီၢ်န့ၣ်, လၢကယံာ်ဝဲနွံနံၣ်, ဒီးလၢအဝဲကဘၣ်ဟးထီၣ်ဃုာ်ဒီးအပှၤဟံၣ်ဖိဃီဖိ, ဒီးလဲၤဒီးအိၣ်ဆိးလၢတၢ်လီၢ်အဂၤတတီၤတီၤန့ၣ်လီၤ.

²ပိာ်မုၣ်န့ၣ်ပိာ်ထွဲစီၤအလံၤၡါအတၢ်သိၣ်လိနဲၣ်ယုၤဒီးလဲၤ ဝဲဒီးအပှၤဟံၣ်ဖိဃီဖိလၢကလဲၤအိၣ်ဆိးဝဲဖဲကီၢ်ဖလ့ၡသးအ ပူၤ, လၢနွံနံၣ်အတီၢ်ပူၤန့ၣ်လီၤ.

³ဖဲနွံနံၣ်အကတၢၢ်န့ၣ်အဝဲက့ၤကဒါက့ၤဝဲဆူကီၢ်အံၣ်စရ့လး, ဒီးလဲၤဝဲဆူစီၤပၤအအိၣ်, ဒ်သိးကဃ့က့ၤအဟံၣ်ဒီးအဟီၣ်ခိၣ် လၢကဘၣ်တၢ်ဟ့ၣ်က့ၤကဒါက့ၤအီၤအဂီၢ်န့ၣ်လီၤ.

⁴အဝဲထံၣ်ဘၣ်စီၤပၤကတိၤတၢ်ဒီးစီၤအလံၤၡါအခ့အပှၤစီၤက့ၤဃ စံန့ၣ်လီၤ. စီၤပၤသးအိၣ်သ့ၣ်ညါဘၣ်တၢ်လီၤလးတဖၣ်လၢစီၤအလံၤ ၡါမၤဝဲအဂ့ၢ်န့ၣ်လီၤ.

⁵ဖဲစီၤက့ၤဃစံတဲဘၣ်စီၤပၤလၢစီၤအလံၤၡါဒုးမူထီၣ်က့ၤပှၤ သံတဂၤဒ်လဲၣ်အဂ့ၢ်အခါန့ၣ်, ပိာ်မုၣ်န့ၣ်, သံကွၢ်ကညးထီၣ်အတၢ်ဂ့ၢ်ဆူစီၤပၤအအိၣ်န့ၣ်လီၤ. ဒီးစီၤက့ၤဃစံစံးဘၣ်စီၤပၤ, “တၢ်ဒိၣ်ကစၢ်စီၤပၤဧၢ, ကွၢ်ကွၢ်အအံၤမ့ၢ်ပိာ်မုၣ်ဒီးအအံၤမ့ၢ်အဝဲအဖိခွါလၢစီၤ အလံၤၡါမၤမူထီၣ်က့ၤအီၤန့ၣ်လီၤ.”

⁶လၢတၢ်စံးဆၢက့ၤစီၤပၤအတၢ်သံကွၢ်အဂီၢ်န့ၣ်, ပိာ်မုၣ်န့ၣ်ပာ်ဂၢၢ်ပာ်ကျၢၤတၢ်လၢစီၤက့ၤဃစံတဲဝဲ, ဒီးလၢတၢ်န့ၣ်အဃိ စီၤပၤကိးဃီၤဝဲပဒိၣ်တဂၤဒီးတဲအီၤလၢကဟ့ၣ်ကဒါက့ၤပိာ် မုၣ်န့ၣ်လၢ, ကယဲၢ်တၢ်ခဲလၢာ်လၢအဘၣ်ဃးဒီးအီၤ, ဃုာ်ဒီးတၢ်အလုၢ်အပှ့ၤလၢကယဲၢ်တၢ်မုၢ်တၢ်ဘိလၢစံာ်ပျီ တဖၣ်ဟ့ၣ်ထီၣ်ဝဲလၢနွံနံၣ်အတီၢ်ပူၤဖဲအဝဲဟးယံၤဝဲအဆၢကတီၢ် န့ၣ်လီၤ.

⁷စီၤအလံၤၡါလဲၤဝဲဆူဝ့ၢ်ဒၤမ့းစ့းဖဲကီၢ်စူၤရံအစီၤပၤ ဘ့ၣ်ဟဒးဘၣ်ဆူးဘၣ်ဆါဝဲအခါန့ၣ်လီၤ. ဒီးဖဲစီၤပၤဘၣ်တၢ်တဲဘၣ်အီၤလၢစီၤအလံၤၡါအိၣ်ဝဲဖဲန့ၣ်န့ၣ်,

⁸စီၤပၤစံးဘၣ်စီၤဃစ့လးလၢအမ့ၢ်အဝဲအပဒိၣ်အကျါတဂၤဒ်အံၤ, “လဲၤစိာ်တၢ်ဟ့ၣ်တမံၤဆူဝံအအိၣ်, ဒီးမၢအသံကွၢ်ယွၤလၢတၢ် ကသ့ၣ်ညါဘၣ်လၢယကဘျါက့ၤဧါမ့တမ့ၢ်တဘျါက့ၤဘၣ်လဲၣ်အဂ့ၢ်န့ၣ် တက့ၢ်.”

⁹လၢတၢ်န့ၣ်အဃိစီၤဃစ့လးဂီၤကၢ်ထီၣ်ကီၤလၤအူးအဒုလွံၢ်ဆံ ဒီးကယဲၢ်တၢ်ဟ့ၣ်အဂ့ၤကတၢၢ်အကလုာ်ကလုာ်လၢဝ့ၢ်ဒၤမ့ၤစ့းဒီး လဲၤဝဲဆူစီၤအလံၤၡါအအိၣ်န့ၣ်လီၤ. တုၤစီၤဃစ့လးထံၣ်စီၤအလံၤၡါန့ၣ်စံးဝဲဒၣ်, “နခ့နပှၤစီၤပၤဘ့ၣ်ဟဒးဆှၢလီၤယၤဒ်သိးယကသံကွၢ်နၤလၢမ့ၢ် အဝဲကဘျါက့ၤဧါမ့တမ့ၢ်တဘျါက့ၤလၢၤဘၣ်လဲၣ်အဂ့ၢ်န့ၣ်လီၤ.”

¹⁰စီၤအလံၤၡါစံးဆၢဝဲဒၣ်, “ယွၤလီၣ်ဖျါထီၣ်န့ၢ်ယၤလၢအဝဲ ဒၣ်ကသံဝဲလီၤ. ဘၣ်ဆၣ်က့ၤဆူအအိၣ်ဒီးတဲဘၣ်အီၤလၢအဝဲ ကဘျါက့ၤန့ၣ်တက့ၢ်.”

¹¹အန့ၣ်ဝံၤဒီးစီၤအလံၤၡါကွၢ်စူၣ်အီၤလၢမဲာ်သၣ်လၢအလီၤပျံၤ လီၤဖုးတုၤစီၤဃစ့လးအသူၣ်ကိၢ်သးဂီၤဝဲန့ၣ်လီၤ. သတူာ်ကလာ်စီၤအလံၤၡါအမဲာ်ထံပုာ်ထီၣ်ယွၤလီၤဝဲန့ၣ်လီၤ.

¹²စီၤဃစ့လးသံကွၢ်အီၤ, “တၢ်ဒိၣ်ဧၢ, ဘၣ်မနုၤအဃိလၢနမဲာ်ထံလီၤန့ၣ်လဲၣ်.” စီၤအလံၤၡါစံးဆၢဝဲ, “မ့ၢ်လၢယသ့ၣ်ညါတၢ်လီၤပျံၤလီၤဖုးတဖၣ်လၢနကမၤအီၤထီဒါ ကီၢ်အံၣ်စရ့လးအပှၤဂီၢ်မုၢ်အဃိန့ၣ်လီၤ. နကဒွဲၣ်ကွံာ်အဝဲသ့ၣ်အတိာ်ဧိၤတာ်ဧိၤတဖၣ်လၢမ့ၣ်အူ, မၤသံကွံာ်အပှၤသးစၢ်တဖၣ်, ကီၢ်အဖိတဖၣ်ဒီးဖှဲးသ့ၣ်ဖးကွံာ် ပိာ်မုၣ်လၢအဒၢတဖၣ်အဟၢဖၢန့ၣ်လီၤ.”

¹³စီၤဃစ့လးသံကွၢ်ဝဲ, “ယအိၣ်ဒီးတၢ်စိတၢ်ကမီၤထဲထဲန့ၣ် ကသ့တဘျီဘျီဧါ. ယတမ့ၢ်တၢ်နီတမံၤဘၣ်.” စီၤအလံၤၡါစံးဆၢဝဲ, “ယွၤဒုးနဲၣ်တ့ၢ်ယၤလၢနကကဲထီၣ်ကီၢ် စူၤရံအစီၤပၤန့ၣ်လီၤ.”

¹⁴စီၤဃစ့လးက့ၤကဒါက့ၤဆူစီၤဘ့ၣ်ဟဒးအအိၣ်ဒီးစီၤဘ့ၣ်ဟဒး သံကွၢ်အီၤ, “စီၤအလံၤၡါစံးတၢ်မနုၤလဲၣ်.” စီၤဃစ့လးစံးဆၢဝဲ, “စီၤအလံၤၡါစံးဘၣ်ယၤလၢနကဘျါက့ၤ သပှၢ်ကတၢၢ်န့ၣ်လီၤ.”

¹⁵ဘၣ်ဆၣ်လၢခံတနံၤန့ၣ်, စီၤဃစ့လးဟံးန့ၢ်ယၣ်လုးတဘ့ၣ်, စုၣ်ဝဲလၢထံကျါဒီးပအၢသံကွံာ်စီၤပၤန့ၣ်လီၤ. ဒီးစီၤဃစ့လးကဲထီၣ်ကီၢ်စူၤရံအစီၤပၤလၢစီၤဘ့ၣ်ဟဒးအလီၢ် န့ၣ်လီၤ.

¹⁶လၢစီၤအၤဃာ်အဖိခွါကီၢ်အံၣ်စရ့လးအစီၤပၤစီၤယဟိရၣ်ပၢတၢ် ယဲၢ်နံၣ်တနံၣ်န့ၣ်စီၤယဟိၡၤဖးအဖိခွါစီၤယဟိရၣ်ကဲထီၣ်ကီၢ် ယူဒၤအစီၤပၤ,

¹⁷ဖဲအသးအိၣ်ဝဲသၢဆံခံနံၣ်, ဒီးအဝဲပၢတၢ်လၢဝ့ၢ်ယရူၤၡလ့ၣ် အပူၤဃိးနံၣ်န့ၣ်လီၤ.

¹⁸အဝဲအမါမ့ၢ်စီၤအၤဃာ်အဖိမုၣ်, ဒီးဒ်စီၤအၤဃာ်အဟံၣ်ဖိဃီဖိ အသိးန့ၣ်အဝဲပိာ်ထွဲကျဲအၢကျဲသီတဖၣ်လၢကီၢ်အံၣ်စရ့လး အစီၤပၤတဖၣ်ပိာ်တ့ၢ်ဝဲန့ၣ်လီၤ. အဝဲမၤတ့ၢ်တၢ်ဒဲးဘးထီဒါယွၤ,

¹⁹ဘၣ်ဆၣ်ယွၤတသးအိၣ်လၢကမၤဟးဂီၤကီၢ်ယူဒၤဘၣ်. အဂ့ၢ်ဒ်အံၤ, ယွၤအၢၣ်လီၤတ့ၢ်အခ့အပှၤစီၤဒၤဝံးလၢအဝဲ အစၢၤအသွဲၣ်တဖၣ်ကပၢထွဲဒံးတၢ်ဆူညါထီဘိန့ၣ်လီၤ.

²⁰ဖဲစီၤယဟိရၣ်ပၢတၢ်အခါန့ၣ်, ကီၢ်အဒိၣ်ပူထီၣ်တၢ်ထီဒါကီၢ်ယူ ဒၤဒီးကဲထီၣ်ထံကီၢ်လၢအအိၣ်သဘျ့တဘ့ၣ်န့ၣ်လီၤ.

²¹လၢတၢ်န့ၣ်အဃိ, စီၤယဟိရၣ်ဟးထီၣ်ဝဲဒီးကယဲၢ်အလ့ၣ်ကဟၣ်ခဲ လၢာ်ဒီးလဲၤဆူစၤဧံရၤ, ဒီးဖဲန့ၣ်ပှၤအဒိၣ်အသုးမုၢ်ကဝီၤဃးအဝဲသ့ၣ်န့ၣ်လီၤ. လၢမုၢ်နၤအကတီၢ်န့ၣ်အဝဲဒီးအလ့ၣ်ကဟၣ်သုးခိၣ်တဖၣ်ဟးထီၣ်ဒီး ဃ့ၢ်ပူၤဖျဲးအသးန့ၢ်ဝဲ, ဒီးအပှၤသုးဖိတဖၣ်ဃ့ၢ်ပြံပြါကွံာ်ဆူအဝဲသ့ၣ်အဟံၣ်ဒၣ်ဝဲန့ၣ်လီၤ.

²²စးထီၣ်လၢန့ၣ်လံၤလံၤကီၢ်အဒိၣ်သဘျ့ထီၣ်ကွံာ်လၢယူဒၤအဖီလာ် န့ၣ်လီၤ. ဖဲတကတီၢ်ဃီအပူၤအတ့ၤန့ၣ်, ဝ့ၢ်လံးဘနၤပူထီၣ်စ့ၢ်ကီးတၢ်န့ၣ် လီၤ.

²³ကယဲၢ်တၢ်အဂၤခဲလၢာ်လၢစီၤယဟိရၣ်မၤဝဲန့ၣ်ဘၣ်တၢ်ကွဲးနီၣ် အီၤလၢကီၢ်ယူဒၤအစီၤပၤအလံာ်တၢ်စံၣ်စိၤတဲစိၤအပူၤန့ၣ်လီၤ.

²⁴စီၤယဟိရၣ်သံဝဲ, ဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ် သွၣ်ခိၣ်တဖၣ်လၢအအိၣ်လၢစီၤဒၤဝံးအဝ့ၢ်ပူၤဒီးအဖိခွါစီၤအဃၤစယၤ ကဲထီၣ်စီၤပၤလၢအလီၢ်န့ၣ်လီၤ.

²⁵လၢစီၤအၤဃာ်အဖိခွါကီၢ်အံၣ်စရ့လးအစီၤပၤစီၤယဟိရၣ်ပၢတၢ် တဆံခံနံၣ်တနံၣ်အပူၤန့ၣ်, စီၤယဟိရၣ်အဖိခွါစီၤအဃၤစယၤကဲထီၣ်ကီၢ်ယူဒၤအစီၤပၤ,

²⁶ဖဲအသးအိၣ်ခံဆံခံနံၣ်, ဒီးအဝဲပၢတၢ်ဖဲဝ့ၢ်ယရူၤၡလ့ၣ်အပူၤ တနံၣ်န့ၣ်လီၤ. အဝဲအမိၢ်မ့ၢ်နီၢ်ဧသါလယၤလၢအမ့ၢ်ကီၢ်အံၣ်စရ့လးစီၤပၤအၤဃာ် အဖိမုၣ်ဒီးစီၤပၤဧိၣ်ရံၤအလံၤမုၣ်န့ၣ်လီၤ.

²⁷မ့ၢ်လၢစီၤအဃၤစယၤဒီဘူးဒီတံၢ်ဒီးစီၤပၤအၤဃာ်ခီဖျိတၢ် တ့တၢ်ဖျီအဃိန့ၣ်, အဝဲမၤတ့ၢ်တၢ်ဒဲးဘးထီဒါယွၤဒ်သိးဒၣ်စီၤ အၤဃာ်အဒူၣ်ဖိထၢဖိမၤတ့ၢ်ဝဲန့ၣ်လီၤ.

²⁸စီၤပၤအဃၤစယၤလဲၤပာ်ဖှိၣ်အသးဒီးကီၢ်အံၣ်စရ့လးအစီၤပၤ ယဟိရၣ်လၢတၢ်ဒုးတၢ်အပူၤထီဒါကီၢ်စူၤရံအစီၤပၤဃစ့လးန့ၣ် လီၤ. သုးမုၢ်တဖၣ်ဒုးလိာ်အသးဖဲဝ့ၢ်ရၤမိးလၢကီၢ်ကံးလဧးအပူၤ ဒီးစီၤယဟိရၣ်ဘၣ်ဒိဘၣ်ထံးလၢတၢ်ဒုးပျီပူၤန့ၣ်လီၤ.

²⁹အဝဲဟဲက့ၤကဒါက့ၤဆူဝ့ၢ်ယံးစရ့လးဒ်သိးအတၢ်ပူၤလီၢ်ပူၤ ကျဲတဖၣ်ကဘျါက့ၤဝဲအဂီၢ်, ဒီးစီၤပၤအဃၤစယၤလဲၤအိၣ်သကိးအီၤ ဖဲန့ၣ်လီၤ.