Read S'gaw Karen လံာ်ကွဲးနီၣ်တၢ်အခီၣ်ထံးတဘ့ၣ် 27 Bible Online

လံာ်ကွဲးနီၣ်တၢ်အခီၣ်ထံးတဘ့ၣ် 27 - S'gaw Karen bible

လံာ်ကွဲးနီၣ်တၢ်အခီၣ်ထံးတဘ့ၣ် 27

¹အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤအံၣ်စရ့လးဖိ, အဟံၣ်ဖိဃီဖိအခိၣ်တဖၣ်ဒီးဒူၣ်ထၢအခိၣ်အနၢ်တဖၣ်ဒီး အဝဲသ့ၣ်အပဒိၣ်ပပှၢ်တဖၣ်လၢအပၢဆှၢတ့ၢ်ဘီမုၢ်အတၢ်ဖံးတၢ်မၤန့ၣ်လီၤ. တလါစုာ်စုာ်လၢတနံၣ်အတီၢ်ပူၤန့ၣ်, ပှၤခံကလးလွံၢ်ကထိဂၤ တကရူၢ်စုာ်စုာ်လၢအလီၤဆီလိာ်အသးန့ၣ်, ဘၣ်ဟံးန့ၢ်မူဒါလၢအဝဲန့ၣ်အသုးခိၣ်ဖးဒိၣ်အတၢ်ပၢဆှၢအဖီ လာ်န့ၣ်လီၤ.

²သုးခိၣ်ဖးဒိၣ်တဖၣ်လၢတလါဘၣ်တလါအတၢ်ရဲၣ်တၢ်ကျဲၤမ့ၢ်ဒ်လာ် အံၤအသိးလီၤ. တၢတလါ, စီၤစးဘဒံၤအ့လးအဖိခွါစီၤယၤၡၤဘၣ်.

³(အဝဲမ့ၢ်ပှၤတဂၤလၢစီၤဖ့းရ့းအဒူၣ်ထၢပူၤ, ဘၣ်ထွဲဒီးယူဒၤအဒူၣ်န့ၣ်လီၤ.

⁴ခံလါတလါပှၤအဃိဃးဖိစီၤဒိဒဲၤ (စီၤမံးကလိးမ့ၢ်သုးခိၣ် ဖးဒိၣ်ခံဂၤတဂၤန့ၣ်လီၤ).

⁵သၢလါတလါပှၤလုၢ်တၢ်အခိၣ်စီၤယဟိယဒါအဖိခွါစီၤဘနါယၤ.

⁶အဝဲမ့ၢ် ပှၤသၢဆံ အခိၣ်တဂၤန့ၣ်လီၤ. (အဖိခွါစီၤဧၤမံစဘးထီၣ် က့ၤအလီၢ်ဒ်ကရူၢ်အသုးခိၣ်ဖးဒိၣ်န့ၣ်လီၤ).

⁷လွံၢ်လါတလါ. စီၤယိၤအာ်အဒီပုၢ်ဝဲၢ်ခွါစီၤဧစၤအ့လး. (အဖိခွါစီၤစဘၤဒယၤထီၣ်က့ၤအလီၢ်န့ၣ်လီၤ).

⁸ယဲၢ်လါတလါ. ပှၤယံးစရၤဖိစီၤၡၤမူဃူး. ဃုလါတလါ. စီၤဧံက့ၣ်အဖိခွါစီၤဧံရၤလၢဝ့ၢ်တကိၤ.

¹⁰နွံလါတလါ. ပှၤအ့ဖရဲၣ်ဖိလၢဝ့ၢ်ပလိၣ်စီၤဃ့လး.

¹¹ဃိးလါတလါ. စီၤစံးဘကဲလၢဝ့ၢ်ဃူၡသး. (အဝဲမ့ၢ်ပှၤတဂၤလၢစီၤ စၤရဃးအဒူၣ်ထၢပူၤ, ဘၣ်ဃးဒီးယူဒၤအဒူၣ်န့ၣ်လီၤ.)

¹²ခွံလါတလါ. စီၤအဘံၤဧ့စ့ၢ်, ပှၤဧၤနသိးဖိလၢဘံၣ်ယၤမံၣ် အဒူၣ်အလီၢ်ကဝီၤပူၤ.

¹³တဆံလါတလါ. စီၤမၤဟရဲၤလၢဝ့ၢ်နတိဖၤသး. (အဝဲမ့ၢ်ပှၤတဂၤလၢစီၤစၤရဃးအဒူၣ်ထၢပူၤန့ၣ်လီၤ).

¹⁴တဆံတၢလါတလါ. ပှၤပံးရသိၣ်ဖိစီၤဘနါယၤအိၣ်လၢအ့ဖရဲၣ် အဒူၣ်အလီၢ်ကဝီၤပူၤ.

¹⁵တဆံခံလါတလါ. ပှၤနတိဖၤသးဖိစီၤဃ့လဒဲၤ. (အဝဲမ့ၢ်ပှၤဟဲလီၤစၢၤလီၤသွဲၣ်လၢစီၤဧီၤသန့လးန့ၣ်လီၤ.)

¹⁶ပှၤပၢဆှၢတၢ်တဖၣ်လၢအံၣ်စရ့လးအဒူၣ်တဖၣ်အဖီခိၣ်မ့ၢ်ဒ်လၢလာ် အသိးအံၤလီၤ. စီၤစံးကရံအဖိခွါစီၤအလၤဧစၢ်, လၢပှၤရူၤဘ့ၣ်ဖိအဒူၣ်အဖီခိၣ်, စီၤမၤကၤအဖိခွါစီၤၡဖးတယၤ, လၢပှၤစူၤမ့းအိၣ်ဖိအဒူၣ်အဖီခိၣ်,

¹⁷စီၤကမူၤအ့လးအဖိခွါစီၤဃၡၤဘယၤ, လၢပှၤလ့ၤဝံဖိ အဒူၣ်အဖီခိၣ်, စီၤစၤဒိး, လၢပှၤအၤဟရိၣ်ဖိအဒူၣ်ထၢအဖီခိၣ်,

¹⁸စီၤဒၤဝံးအဒီပုၢ်ဝဲၢ်အကျါတဂၤစီၤအလံဟူၤ, လၢပှၤယူဒၤဖိ အဒူၣ်အဖီခိၣ်, စီၤမံၤက့လးအဖိခွါစီၤဧိၣ်ရံ, လၢယံးစၣ်ကၢ်ဖိ အဒူၣ်အဖီခိၣ်

¹⁹စီၤဧိၤဘါဒယၤအဖိခွါစီၤယံးၡမၤယၤ, လၢပှၤစဘူလိၣ်ဖိအဒူၣ် အဖီခိၣ်, စီၤဧၤစရံလးအဖိခွါစီၤယရံမိး, လၢပှၤနးသၤလံဖိ အဒူၣ်အဖီခိၣ်,

²⁰စီၤဧၤစါစယၤအဖိခွါစီၤဟိၤၡ့, လၢပှၤအ့ဖရဲၣ်ဖိအဒူၣ်အဖီ ခိၣ်, စီၤပဒါယၤအဖိခွါစီၤယိၤအ့လး, လၢမုၢ်နုာ်ပှၤမနၤၡ့ၣ်အဒူၣ် အဖီခိၣ်,

²¹စီၤစကၤရယၤအဖိခွါစီၤဧံးဒိၤ, လၢမုၢ်ထီၣ်မနၤၡ့ၣ်ဖိအဒူၣ်အဖီခိၣ်, လၢကီၢ်ကံးလဧးအပူၤ, စီၤအဘံန့ၢ်အဖိခွါစီၤယၤစံအ့လး, လၢပှၤဘံၣ်ယၤမံၣ်ဖိအဒူၣ်အဖီခိၣ်,

²²စီၤယရိဃၣ်အဖိခွါစီၤဧစၤရ့လး, လၢပှၤဒၣ်ဖိအဒူၣ်အဖီခိၣ် န့ၣ်လီၤ. အဝဲသ့ၣ်တဖၣ်အံၤမ့ၢ်ပှၤခိၣ်ပှၤနၢ်တဖၣ်လၢအံၣ်စရ့လးအဒူၣ်တဖၣ် အခိၣ်န့ၣ်လီၤ.

²³စီၤပၤစီၤဒၤဝံးတမၤဘၣ်တၢ်ဂံၢ်ဒီးဆဲးလီၤပှၤဂီၢ်မုၢ်အမံၤ တခါလၢပှၤလၢအသးအိၣ်အနံၣ်ခံဆံအဖီလာ်တဖၣ်အဂီၢ်ဘၣ်. အဂ့ၢ်ဒ်အံၤ, ယွၤအိၣ်ဒီးအတၢ်အၢၣ်လီၤလၢကမၤအါထီၣ်အံၣ်စရ့လး အပှၤဂီၢ်မုၢ်အါအါဂီၢ်ဂီၢ်ဒ်ဆၣ်တဖၣ်လၢမူကပိာ်လိၤအသိးန့ၣ်လီၤ.

²⁴နီၢ်စရူၤယၤအဖိခွါစီၤယိၤအာ်စးထီၣ်မၤတၢ်ဂံၢ်ဒီးဆဲးလီၤ မံၤတခါ, ဘၣ်ဆၣ်တမၤဘၣ်ဝဲတုၤအဝံၤဘၣ်. ကစၢ်ယွၤစံၣ်ညီၣ်အံၣ်စရ့လးလၢတၢ် ဂံၢ်ဒီးဆဲးလီၤမံၤအံၤအဃိ, သတးဒီးလၢစီၤပၤစီၤဒၤဝံးအလံာ်ကွဲးနီၣ်တၢ်တဖၣ်အပူၤန့ၣ်, နီၣ်ဂံၢ်လၢခံကတၢၢ်တဖၣ်တဘၣ်တၢ်ကွဲးနီၣ်ဘၣ်အီၤနီတစုဘၣ်.

²⁵အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤတဖၣ်လၢအပၢဆှၢစီၤပၤအတၢ် စုလီၢ်ခီၣ်ခိၣ်န့ၣ်လီၤ. စီၤဧဒံၤအ့လးအဖိခွါစီၤဧၤစမၤဝ့း, မ့ၢ်ပှၤအခိၣ်အဒိၣ်ကတၢၢ်လၢစီၤပၤအတၢ်ပာ်ဖှိၣ်အဟံၣ်တဖၣ်အဖီခိၣ် န့ၣ်လီၤ. စီၤဧူးစံယၤအဖိခွါစီၤယိနၤသၣ်မ့ၢ်ပှၤအခိၣ်အဒိၣ်ကတၢၢ်လၢ ထံကီၢ်အတၢ်ပာ်ဖှိၣ်အဟံၣ်တဖၣ်လၢအအိၣ်ဝဲလၢ, ကီၢ်ဆၣ်တဖၣ်, ဝ့ၢ်တဖၣ်, ဒူသဝီတဖၣ်ဒီးတိာ်တဖၣ်အဖီခိၣ်အဂီၢ်န့ၣ်လီၤ.

²⁶စီၤကလူာ်အဖိခွါစီၤဧ့စရံၤမ့ၢ်ပှၤအခိၣ်အဒိၣ်ကတၢၢ်လၢပှၤထူ စံာ်ဖိလၢအထူစံာ်ဧိၤပှဲၤဧိၤတဖၣ်အဖီခိၣ်န့ၣ်လီၤ.

²⁷စီၤၡံမံၤလၢဝ့ၢ်ရၤမါမ့ၢ်ပှၤအခိၣ်အဒိၣ်ကတၢၢ်, လၢစပံးလီၢ်တဖၣ်အဖီခိၣ်လီၤ. စီၤစးဘဒံၤလၢဝ့ၢ်ၡံးဖမးမ့ၢ် ပှၤအခိၣ်အဒိၣ်ကတၢၢ်လၢတၢ်ပၢၤစပံးသၣ်လၢတၢ်ကထုးထီၣ်စပံးထံ အလီၢ်အဖီခိၣ်န့ၣ်လီၤ.

²⁸စီၤဘဧၤလးဃနၣ်လၢဝ့ၢ်က့ဒ့ၢ်မ့ၢ်ပှၤအခိၣ်အဒိၣ်ကတၢၢ်လၢအကွၢ် ထွဲသ့ၣ်စၤယံးတဖၣ်, သ့ၣ်သိးဝံာ်ဒၢတဖၣ် (လၢအအိၣ်ဝဲ လၢကစၢၢ်မုၢ်နုာ်အခီၣ်ထံးန့ၣ်လီၤ.) စီၤယိၤအာ်မ့ၢ်ပှၤအခိၣ်အဒိၣ်ကတၢၢ်လၢအကွၢ်ထွဲတၢ်ထုးထီၣ်သ့ၣ် စၤယံးအသိန့ၣ်လီၤ.

²⁹စီၤၡံးတြဲၤလၢဝ့ၢ်ၡၤရိၣ်မ့ၢ်ပှၤအခိၣ်အဒိၣ်ကတၢၢ်လၢအကွၢ်ထွဲ ဂီၤဘုၣ်ဂီၤဖံးတဖၣ်လၢၡၤရိၣ်အအီၣ်ဆၣ်လီၢ်လါဟ့ပူၤန့ၣ်လီၤ. စီၤဧၤလဒဲအဖိခွါစီၤၡၤဖးမ့ၢ်ပှၤအခိၣ်အဒိၣ်ကတၢၢ်လၢအကွၢ် ထွဲဂီၤဘုၣ်ဂီၤဖံးတဖၣ်လၢကစၢၢ်ကဆူးပူၤန့ၣ်လီၤ.

³⁰စီၤအိၤဘံလၢအမ့ၢ်ပှၤယံးၡမၤဧ့လးဖိတဂၤ, မ့ၢ်ပှၤအခိၣ်အဒိၣ်ကတၢၢ်လၢအကွၢ်ထွဲကီၤလၤအူးတဖၣ်န့ၣ်လီၤ. စီၤယ့ဒယၤလၢဝ့ၢ်မၤရိနိၤမ့ၢ်ပှၤအခိၣ်အဒိၣ်ကတၢၢ်လၢအကွၢ် ထွဲကသ့ၣ်ယီၤတဖၣ်န့ၣ်လီၤ.

³¹စီၤယၤစံးလၢအမ့ၢ်ပှၤဃၤကၢ်ဖိတဂၤမ့ၢ်ပှၤအခိၣ်အဒိၣ်ကတၢၢ်လၢ အကွၢ်ထွဲသိတဖၣ်ဒီးမဲာ်တဲးလဲးတဖၣ်န့ၣ်လီၤ. အဝဲသ့ၣ်ခဲလၢာ်မ့ၢ်ပှၤအခိၣ်အဒိၣ်ကတၢၢ်တဖၣ်လၢစီၤပၤဒၤဝံး အတၢ်စုလီၢ်ခီၣ်ခိၣ်အဂီၢ်န့ၣ်လီၤ.

³²စီၤပၤစီၤဒၤဝံးအဖါတံၢ်စီၤယိၤနၤသၣ်မ့ၢ်တ့ၢ်ပှၤဟ့ၣ်ကူၣ် ဟ့ၣ်ဖးတၢ်သ့ဂ့ၤဒိၣ်မးတဂၤဒီးပှၤသ့လံာ်သ့လဲၢ်ဂ့ၤဂ့ၤ ကလဲာ်တဂၤန့ၣ်လီၤ. အဝဲဒီးစီၤဃၤကမိၣ်အဖိခွါစီၤယဃံအ့လးမ့ၢ်ပှၤအခိၣ်အဒိၣ် ကတၢၢ်လၢအကွၢ်ထွဲစီၤပၤအဖိခွါတဖၣ်အတၢ်မၤလိမၤဒိးန့ၣ်လီၤ.

³³စီၤအဃံအ့လးမ့ၢ်ပှၤဟ့ၣ်ကူၣ်ဟ့ၣ်ဖးစီၤပၤ, ဒီးပှၤအၢ်ကးဖိ စီၤဃူၡဲမ့ၢ်စီၤပၤအတံၤသကိးအပှၤကူၣ်လိာ်တၢ်န့ၣ်လီၤ.

³⁴ဖဲစီၤအဃံသဖ့ၤလးသံဝံၤအလီၢ်ခံန့ၣ်စီၤအ့ဘယၤသၢ်ဒီးစီၤ ဘနါယၤအဖိခွါစီၤယဟိယဒါကဲထီၣ်ပှၤဟ့ၣ်ကူၣ်ဟ့ၣ်ဖးတၢ်တဖၣ် န့ၣ်လီၤ. စီၤယိၤအာ်မ့ၢ်စီၤပၤအပှၤသုးမုၢ်, သုးခိၣ်ကျၢၢ်န့ၣ်လီၤ.