Read S'gaw Karen လံာ်ကွဲးနီၣ်တၢ်ခံဘ့ၣ်တဘ့ၣ် 14 Bible Online

လံာ်ကွဲးနီၣ်တၢ်ခံဘ့ၣ်တဘ့ၣ် 14 - S'gaw Karen bible

လံာ်ကွဲးနီၣ်တၢ်ခံဘ့ၣ်တဘ့ၣ် 14

¹စီၤပၤအဘံယၤသံဝဲဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ် သွၣ်ခိၣ်လၢစီၤဒၤဝံးအဝ့ၢ်ပူၤန့ၣ်လီၤ. အဝဲအဖိခွါစီၤအၤစါကဲထီၣ်စီၤပၤလၢအလီၢ်, ဒီးလၢစီၤအၤစါအတၢ်ပၢအဖီလာ်န့ၣ်ထံကီၢ်အိၣ်ဘၣ်ဝဲမုာ်မုာ် ခုၣ်ခုၣ်လၢဆံဆဲၣ်နံၣ်အတီၢ်ပူၤန့ၣ်လီၤ.

²စီၤအၤစါမၤမုာ်တ့ၢ်ယွၤ, အကစၢ်ယွၤအသးခီဖျိမၤတၢ်လၢအဘၣ် ဒီးဂ့ၤဝဲအဃိန့ၣ်လီၤ.

³အဝဲသုးကွံာ်ပှၤတခီဘီမုၢ်ဖိအတၢ်လုၢ်လီၢ်တဖၣ်ဒီးပှၤဘါတၢ် ဂီၤတၢ်ဖီၣ်အတၢ်ဘူၣ်ထီၣ်ဘါထီၣ်အလီၢ်တဖၣ်, မၤလီၤကလဲကွံာ်ပှၤဘါတၢ်ဂီၤတၢ်ဖီၣ်အလၢၢ်ထူၣ်စီၤဆှံတဖၣ်, ဒီးကူာ်လီၤကွံာ်ကစၢ်မုၣ်အၡ့ရၤအတၢ်ပနီၣ်တဖၣ်န့ၣ်လီၤ.

⁴အဝဲဟ့ၣ်လီၤအကလုၢ်လၢကီၢ်ယူဒၤအပှၤဂီၢ်မုၢ်ကဘၣ်မၤဒ်ယွၤ, မိၢ်ပၢ်ဖံဖုလၢပျၢၤတဖၣ်အကစၢ်ယွၤအတၢ်ဘၣ်အသး, ဒီးကဘၣ်စူၢ်အဝဲအတၢ်သိၣ်လိတဖၣ်ဒီးအတၢ်မၤလိာ်တဖၣ်န့ၣ်လီၤ.

⁵မ့ၢ်လၢအဝဲမၤဟးဂီၤလၢာ်ကွံာ်ပှၤဘါတၢ်ဂီၤတၢ်ဖီၣ်အတၢ်ဘူၣ်တၢ် ဘါထီၣ်ယွၤအလီၢ်တဖၣ်ဒီးတၢ်ဆူးကဲၤတၢ်နၢမူအတၢ်လုၢ်လီၢ်တ ဖၣ်, လၢကယဲၢ်ကီၢ်ယူဒၤအဝ့ၢ်ခဲလၢာ်အပူၤအဃိအဘီမုၢ်အိၣ်မုာ်အိၣ် ခုၣ်ဝဲလၢအဝဲအတၢ်ပၢအဖီလာ်န့ၣ်လီၤ.

⁶လၢဆၢကတီၢ်တဖၣ်အံၤအပူၤန့ၣ်အဝဲသူၣ်ထီၣ်ဘှီထီၣ်တိာ်ဧိၤတာ် ဧိၤတဖၣ်လၢကီၢ်ယူဒၤအဝ့ၢ်တဖၣ်အဂီၢ်ဒီးလၢတဘျုးနံၣ်အတီၢ်ပူၤ န့ၣ်, တၢ်ဒုးတၢ်ယၤတအိၣ်ဝဲဘၣ်မ့ၢ်လၢယွၤဟ့ၣ်အီၤတၢ်ဃူတၢ်မုာ်အဃိ န့ၣ်လီၤ.

⁷အဝဲတဲဘၣ်ကီၢ်ယူဒၤအပှၤဂီၢ်မုၢ်, “မ်ပမၤဂၢၢ်ထီၣ်ကျၢၤထီၣ် ပဝ့ၢ်တဖၣ်ခီဖျိတၢ်သူၣ်ထီၣ်တၢ်ဒူၣ်တဖၣ်ဒီးတၢးခီခၢၣ်သနၢၣ်တ ဖၣ်, တြဲၤဖးဒိၣ်တဖၣ်လၢဘၣ်တၢ်ကးတံၢ်အီၤဒီးဂိာ်တံၢ်ဃာ်အီၤလၢထး ဖျၢၣ်သ့ဝဲန့ၣ်တက့ၢ်. ပမၤန့ၢ်လံထံဧိၤကီၢ်ဧိၤမ့ၢ်လၢပမၤတ့ၢ်ယွၤ, ပကစၢ်ယွၤအတၢ်ဘၣ်အသးအဃိန့ၣ်လီၤ. အဝဲဒီဒၣ်အိၣ်ပှိၤပှၤဒီး ဟ့ၣ်ပှၤတၢ်ဘံၣ်တၢ်ဘၢလၢတၢ်ကိးကပၤဒဲးအပူၤန့ၣ်လီၤ.” ဒီးလၢတၢ်န့ၣ်အဃိအဝဲသ့ၣ်သူၣ်ထီၣ်ဘှီထီၣ်တၢ်ဒီးဘီၣ်ထီၣ်ညီ ထီၣ်ဝဲဒၣ်န့ၣ်လီၤ.

⁸စီၤပၤအၤစါအိၣ်ဒီးသုးမုၢ်တဖုလၢအပှၤသုးဖိအိၣ်ဝဲ သၢကလီၢ် ဂၤလၢယူဒၤအဒူၣ်, အိၣ်ကံာ်တူာ်ထီၣ်အသးဒီးကတီၤဒီး ဘီတဖၣ်ဒီး, ပှၤ ခံကလီၢ်ဃိးကလးဂၤလၢဘံၣ်ယၤမံၣ်အဒူၣ်, အိၣ်ကံာ်တူာ်အသးဒီးကတီၤဒီးချံၣ်တဖၣ်န့ၣ်လီၤ. အဝဲသ့ၣ်ခဲလၢာ်မ့ၢ်ပှၤဒူပှၤဃိၤဒီးဘၣ်တၢ်သိၣ်လိတ့ၢ်အီၤဂ့ၤ ဂ့ၤဘၣ်ဘၣ်န့ၣ်လီၤ.

⁹ပှၤကူၤၡးဖိလၢအမံၤမ့ၢ်စီၤစ့ရၤဟဲနုာ်လီၤဒုးကီၢ်ယူဒၤ လၢသုးမုၢ်တဖုလၢအပှၤသုးဖိအိၣ်ဝဲ အကလီၢ်တကယၤ ဂၤဒီးအလ့ၣ်ကဟၣ်ဒုးသုးအိၣ်ဝဲအဆိ သၢကယၤ ဒီးလဲၤထီၣ်ဝဲယံၤတုၤဆူဝ့ၢ်မရ့ၡၤန့ၣ်လီၤ.

¹⁰စီၤအၤစါဟးထီၣ်လၢကလဲၤဒုးအီၤအဂီၢ်, ဒီးပှၤခံခီလိာ်ဟံး န့ၢ်အတၢ်လီၢ်ဖဲကစၢၢ်ကဆူးစဖၤသး, ဘူးဒီးဝ့ၢ်မရ့ၡၤန့ၣ်လီၤ.

¹¹စီၤအၤစါဃ့ဘါထုကဖၣ်ဆူယွၤ, အကစၢ်ယွၤအအိၣ်စံးဝဲ, “ယွၤဧၢ, နမၤစၢၤသုးမုၢ်လၢအဂံၢ်အဘါစၢ်ဝဲတဖုသ့ဝဲ ညီကဒၣ်ဒ်ပှၤတဖုလၢအဂံၢ်ဆူၣ်ဘါဆူၣ်အသိးန့ၣ်လီၤ. ယွၤ, ပကစၢ်ယွၤဧၢ, မၤစၢၤပှၤခဲအံၤန့ၣ်တက့ၢ်. အဂ့ၢ်ဒ်အံၤ, ပသန့ၤပသးလၢနၤဒီးလၢနမံၤအပူၤန့ၣ်, ပဟဲထီၣ်လၢပကဒုးတၢ်ထီဒါသုးမုၢ်ဖးဒိၣ်အံၤန့ၣ်လီၤ. ယွၤဧၢ, နမ့ၢ်ပကစၢ်ယွၤလီၤ. ပှၤမုၢ်လၢ်လၢအကမၤနၢၤကွံာ်နၤ တသ့နီတဂၤဘၣ်.”

¹²ယွၤမၤနၢၤကွံာ်ပှၤကူၤၡးဖိအသုးမုၢ်, ဖဲစီၤအၤစါဒီးပှၤ ယူဒၤသုးမုၢ်ဟဲထီၣ်ဒုးအဝဲသ့ၣ်န့ၣ်လီၤ. အဝဲသ့ၣ်ထွးထီၣ်ဃ့ၢ်ကွံာ်ဝဲ,

¹³ဒီးစီၤအၤစါဒီးအဝဲအသုးဖိတဖၣ်လူၤထွဲအဝဲသ့ၣ်ယံၤတုၤလၢ ဝ့ၢ်ကရၢ်န့ၣ်လီၤ. ပှၤကူၤၡးဖိအါအါဂီၢ်ဂီၢ်ဘၣ်တၢ်မၤသံကွံာ်အီၤတုၤဒၣ်လဲာ် သုးမုၢ်ကရၢကရိထီၣ်က့ၤအသးဒီးဒုးတၢ်တသ့လၢၤဘၣ်န့ၣ်လီၤ. အဝဲသ့ၣ်ဘၣ်တၢ်မၤနၢၤကွံာ်အီၤလၢယွၤဒီးအသုးမုၢ်, ဒီးသုးမုၢ်ဟံးထီၣ်ကွံာ်တၢ်ဂုာ်န့ၢ်အါအါကလဲာ်န့ၣ်လီၤ.

¹⁴တုၤနုၤတစု, အဝဲသ့ၣ်မၤဟးဂီၤကွံာ်ဝ့ၢ်တဖၣ်လၢအအိၣ်ဝးတရံး ဝ့ၢ်ကရၢ်သ့ဝဲ, မ့ၢ်လၢပှၤဂီၢ်မုၢ်ဖဲန့ၣ်တဖၣ်ဘၣ်တၢ်မၤပျံၤမၤဖုးအီၤလၢယွၤ အဃိန့ၣ်လီၤ. သုးမုၢ်ဂုာ်ဆူၣ်ပျိဆူၣ်ကွံာ်ကယဲၢ်ဝ့ၢ်ဒီးမၤန့ၢ်ဘၣ်တၢ်ဂုာ် န့ၢ်အါအါကလဲာ်န့ၣ်လီၤ.

¹⁵အဝဲသ့ၣ်လဲၤထီၣ်ဒုးစ့ၢ်ကီးပှၤကွၢ်သိတနီၤအသူၣ်ဒဲအလီၢ်တ ဖၣ်, မၤန့ၢ်သိဒီးကီၤလၤအူးအါအါဂီၢ်ဂီၢ်န့ၣ်လီၤ. ဝံၤဒီးအဝဲသ့ၣ်က့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ.