Read S'gaw Karen လံာ်စီၤဧ့စြၤ 7 Bible Online

လံာ်စီၤဧ့စြၤ 7 - S'gaw Karen bible

လံာ်စီၤဧ့စြၤ 7

¹တဘျုးနံၣ်ဝံၤအလီၢ်ခံ, ဖဲကီၢ်ပၤရၣ်အစီၤပၤဖးဒိၣ်စီၤအၢ်တၤ ၡါၡတၤကဲစီၤပၤအကတီၢ်န့ၣ်, ပှၤအမံၤစီၤဧ့စြၤအိၣ်ဝဲတဂၤန့ၣ်လီၤ. အဝဲဒွးကဒါက့ၤအမိၢ်ပၢ်ဖံဖုလၢပျၢၤအတၢ်လီၤစၢၤစးထီၣ်လၢ ပှၤလုၢ်တၢ်အခိၣ်အဒိၣ်ကတၢၢ်စီၤအၤဟရိၣ်ဒ်လာ်အံၤလီၤ. စီၤဧ့စြၤမ့ၢ်စီၤစရါယၤအဖိခွါ, စီၤဧစၤရယၤအဖိခွါ, စီၤဃံးစကံယၤအဖိခွါ,

²စီၤၡၤလူၣ်အဖိခွါ, စီၤစၤဒိးအဖိခွါ, စီၤအဃံးတူာ်အဖိခွါ,

³စီၤအမၤရယၤအဖိခွါ, စီၤဧစၤရယၤအဖိခွါ, စီၤမရၤယိးအဖိခွါ,

⁴စီၤစရၤဃယၤအဖိခွါ, စီၤဧူးစံအဖိခွါ, စီၤဘူးကံၤအဖိခွါ,

⁵စီၤအဘံၤၡူအဖိခွါ, စီၤဖံၤနဃၣ်အဖိခွါ, စီၤအလၤဧစၢ်အဖိခွါ, စီၤအၤဟရိၣ်အဖိခွါန့ၣ်လီၤ.

⁶စီၤဧ့စြၤမ့ၢ်ပှၤကူၣ်သ့ကူၣ်ဘၣ်တဂၤလၢအအိၣ်ဒီးတၢ်သ့ၣ်ညါနၢ် ပၢၢ်ဂ့ၤဂ့ၤကလဲာ်ဖဲအဘၣ်ထွဲဒီးပှၤယူဒၤဖိအတၢ်သိၣ်တၢ်သီ လၢယွၤ, အံၣ်စရ့လးအကစၢ်ယွၤဟ့ၣ်တ့ၢ်စီၤမိၤၡ့န့ၣ်လီၤ. မ့ၢ်လၢစီၤဧ့စြၤဒိးန့ၢ်ကစၢ်, အဝဲအကစၢ်ယွၤအတၢ်ဆိၣ်ဂ့ၤအဃိ, စီၤပၤဖးဒိၣ်ဟ့ၣ်အီၤတၢ်လၢအဃ့ဝဲတမံၤလၢ်လၢ်န့ၣ်လီၤ. လၢစီၤအၢ်တၤၡါၡတၤပၢတၢ်နွံနံၣ်တနံၣ်န့ၣ်စီၤဧ့စြၤဟးထီၣ် လၢကီၢ်ဘၤဘူၤလိၣ်ဒ်သိးကလဲၤဆူဝ့ၢ်ယရူၤၡလ့ၣ်ဃုာ်ဒီးပှၤအံၣ် စရ့လးဖိတဖုလၢအအိၣ်ဝဲဒီးပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, တၢ်လုၢ်ဟံၣ်အပှၤသးဝံၣ်တၢ်ဖိတဖၣ်, တၢ်လုၢ်ဟံၣ်အပှၤပၢၤတၢ်တဖၣ် ဒီးပှၤမၤတၢ်လၢတၢ်လုၢ်ဟံၣ်အပူၤတဖၣ်န့ၣ်လီၤ.

⁷

⁸အဝဲသ့ၣ်ဟးထီၣ်ဝဲလၢကီၢ်ဘၤဘူၤလိၣ်ဖဲလါအခီၣ်ထံးတလါထီၣ် တသီအနံၤ, ဒီးလၢကစၢ်ယွၤအတၢ်မၤစၢၤန့ၣ်အဝဲသ့ၣ်လဲၤတုၤဃီၤဆူ ဝ့ၢ်ယရူၤၡလ့ၣ်အပူၤ, ဖဲလါယဲၢ်လါတလါထီၣ်တသီအနံၤန့ၣ်လီၤ.

⁹

¹⁰စီၤဧ့စြၤမ့ၢ်ပှၤဟ့ၣ်လီၤအးလီၤတ့ၢ်အသးဒ်သိးကမၤလိယွၤအတၢ် သိၣ်တၢ်သီလၢပှၤယူဒၤဖိအဂီၢ်, ဒ်သိးကမၤထွဲအီၤဒီးဒ်သိးကသိၣ်လိန့ၢ်အံၣ်စရ့လးအပှၤဂီၢ် မုၢ်လၢကယဲၢ်တၢ်စူၢ်တၢ်နာ်အတၢ်သိၣ်တၢ်သီတဖၣ်ဒီးအတၢ်ဘျၢတဖၣ် န့ၣ်လီၤ.

¹¹စီၤပၤဖးဒိၣ်အၢ်တၤၡါၡတၤဟ့ၣ်ဃီၤလံာ်ကွဲးနီၣ်ဟ့ၣ်စိဟ့ၣ် ကမီၤဒ်လာ်အံၤဆူစီၤဧ့စြၤအစုပူၤ, ပှၤတဂၤလၢအမ့ၢ်ပှၤလုၢ်တၢ်အခိၣ်ဒီးပှၤကူၣ်ဘၣ်ဘၣ်ကူၣ်သ့, ပှၤလၢအအိၣ်ဒီးတၢ်သ့ၣ်ညါနၢ်ပၢၢ်ဂ့ၤဂ့ၤကလဲာ်ဘၣ်ထွဲဒီးတၢ် စူၢ်တၢ်နာ်အတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်လၢယွၤဟ့ၣ်လီၤ တ့ၢ်ပှၤအံၣ်စရ့လးဖိတဖၣ်န့ၣ်လီၤ.

¹²“လၢစီၤပၤဖးဒိၣ်အၢ်တၤၡါၡတၤဆူပှၤလုၢ်တၢ်အခိၣ်စီၤဧ့ စြၤ, ပှၤကူၣ်သ့ကူၣ်ဘၣ်လၢယူဒၤအတၢ်သိၣ်တၢ်သီလၢမူခိၣ်အကစၢ်ယွၤ ဟ့ၣ်လီၤဝဲအပူၤ.

¹³“ယမၤလိာ်လၢကယဲၢ်အံၣ်စရ့လးအပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ်လၢအအိၣ်လၢယဘီ ယမုၢ်ဒီဘ့ၣ်အပူၤ, လၢအသးအိၣ်ဒိၣ်မးဒ်သိးကလဲၤဆူ ဝ့ၢ်ယရူၤၡလ့ၣ်ဃုာ်ဒီးနၤန့ၣ်ကဘၣ်တၢ်ပျဲအီၤလီၤ.

¹⁴ယၤ, ဃုာ်ဒီးယပှၤကူၣ်လိာ်တၢ်နွံဂၤ, ဆှၢလီၤနၤလၢနကလဲၤဃု ထံၣ်သ့ၣ်ညါတၢ်မၤအသးအဂ့ၢ်အခၢးလၢဝ့ၢ်ယရူၤၡလ့ၣ်ဒီးကီၢ်ယူ ဒၤအပူၤဒ်သိးတၢ်ကထံၣ်ဘၣ်လၢနကစၢ်ယွၤအတၢ်သိၣ်တၢ်သီလၢပှၤယူ ဒၤဖိအဂီၢ်လၢအဘၣ်တၢ်ဟ့ၣ်လီၤအးလီၤတ့ၢ်နၤန့ၣ်, ဘၣ်တၢ်စူၢ်အီၤဂ့ၤဂ့ၤထဲလဲၣ်န့ၣ်လီၤ.

¹⁵နကဘၣ်လဲၤစိာ်ဃုာ်တၢ်မၤဘူၣ်လၢထူဒီးစ့တဖၣ်လၢယၤဒီးယပှၤ ကူၣ်လိာ်တၢ်တဖၣ်သးအိၣ်ဟ့ၣ်ဆူပှၤအံၣ်စရ့လးဖိအကစၢ်ယွၤ, လၢအတၢ်လုၢ်ဟံၣ်အိၣ်လၢဝ့ၢ်ယရူၤၡလ့ၣ်အပူၤအဂီၢ်န့ၣ်လီၤ.

¹⁶နကဘၣ်လဲၤစိာ်ဃုာ်စ့ၢ်ကီးကယဲၢ်စ့ဒီးထူလၢနထၢဖှိၣ်လၢကီၢ် ဘၤဘူၤလိၣ်ဒီဘ့ၣ်ညါဒီးတၢ်မၤဘူၣ်တဖၣ်လၢအံၣ်စရ့လးအပှၤဂီၢ် မုၢ်ဒီးအဝဲသ့ၣ်အပှၤလုၢ်တၢ်အခိၣ်တဖၣ်ဟ့ၣ်လီၤဝဲလၢအကစၢ်ယွၤ အတၢ်လုၢ်ဟံၣ်လၢအအိၣ်လၢဝ့ၢ်ယရူၤၡလ့ၣ်အပူၤအဂီၢ်န့ၣ်လီၤ.

¹⁷နကဘၣ်သူကျိၣ်ဧိၤစ့ဧိၤအံၤလၢတၢ်ပလီၢ်ပဒီသးအပူၤဒီးပှ့ၤ ကျီၢ်ဖါတဖၣ်, သိဖါတဖၣ်, သိဖိတဖၣ်, ဘုဧိၤဟုဧိၤဒီးစပံးထံဒီးလုၢ် ထီၣ်အီၤလၢတၢ်လုၢ်လီၢ်အဖီခိၣ်လၢတၢ်လုၢ်ဟံၣ်လၢဝ့ၢ်ယရူၤၡလ့ၣ် အပူၤန့ၣ်လီၤ.

¹⁸နကသူဘၣ်စ့ဒီးထူလၢအအိၣ်လီၤတဲာ်တဖၣ်, ဖဲနၤဒီးနပှၤထံဖိ ကီၢ်ဖိကဒဲကဒဲအဲၣ်ဒိးဝဲ, ဒ်အလီၤပလိာ်ဝဲဒီးသုကစၢ်ယွၤအတၢ်ဘၣ်အသးအသိးန့ၣ်လီၤ.

¹⁹နကဘၣ်ဟ့ၣ်ကယဲၢ်တၢ်အဃၢၤအဃိၢ်လၢတၢ်ဟ့ၣ်လီၤနၤဆူကစၢ် ယွၤဒ်သိးကဘၣ်တၢ်သူအီၤလၢတၢ်လုၢ်ဟံၣ်အတၢ်ဖံးတၢ်မၤတဖၣ် အဂီၢ်လၢဝ့ၢ်ယရူၤၡလ့ၣ်အပူၤန့ၣ်လီၤ.

²⁰ဒီးကယဲၢ်တၢ်အဂုၤအဂၤလၢနလိၣ်ဘၣ်ခဲလၢာ်လၢတၢ်လုၢ်ဟံၣ်အဂီၢ် န့ၣ်နကဒိးန့ၢ်အီၤလၢစီၤပၤအစ့ပာ်ဖှိၣ်အလီၢ်န့ၣ်လီၤ.

²¹ယမၤလိာ်ကယဲၢ်တၢ်ပာ်ဖှိၣ်အလီၢ်အပဒိၣ်ပပှၢ်လၢကီၢ်ဖရၤသးအမုၢ် နုာ်အပူၤ, လၢအကဟ့ၣ်တၢ်လၢအဃ့ဝဲတမံၤလၢ်လၢ်ဘၣ်ဆၢဘၣ်ကတီၢ်ဆူစီၤဧ့စြၤ လၢအမ့ၢ်ပှၤလုၢ်တၢ်အခိၣ်ဒီးပှၤကူၣ်သ့ကူၣ်ဘၣ်လၢယူဒၤအတၢ်သိၣ် တၢ်သီလၢမူခိၣ်အကစၢ်ယွၤဟ့ၣ်လီၤဝဲအပူၤတဂၤအအိၣ်, လၢအဃ့ဝဲ

²²အအါကတၢၢ်တုၤလၢစ့လီၤတယၢၢ်အကံကၢ်တကယၤ, ဘုကၠူၣ်အကိၢ်ယဲၢ်ကယၤ, စပံးထံအဘၤသၤတကယၤ, သ့ၣ်စၤယံးအသိအဘၤသၤတကယၤဒီးအံသၣ်ဒ်အလိၣ်ဘၣ်ဝဲအသိးလီၤ.

²³သုကဘၣ်ပာ်သူၣ်ပာ်သးသပှၢ်ပှၢ်လၢသုကဟ့ၣ်တၢ်လိၣ်တမံၤလၢ်လၢ်လၢ မူခိၣ်အကစၢ်ယွၤလိၣ်ဘၣ်ဝဲလၢအတၢ်လုၢ်ဟံၣ်အဂီၢ်, ဒီးမၤလီၤတံၢ်လၢအဝဲတသးထီၣ်ယၤမ့ၢ်ဂ့ၤ, ပှၤပၢတၢ်လၢယလီၢ်ခံတဖၣ်မ့ၢ်ဂ့ၤနီတစုဘၣ်တက့ၢ်.

²⁴သုတဘၣ်ထၢစ့ၢ်ကီးတၢ်ခိတၢ်သွဲတဖၣ်လၢပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, ပှၤသးဝံၣ်တၢ်ဖိတဖၣ်, ပှၤပၢၤတၢ်လုၢ်ဟံၣ်တ ဖၣ်, ဒီးကယဲၢ်ပှၤတဂၤလၢ်လၢ်လၢအဘၣ်ထွဲဒီးတၢ်လုၢ်ဟံၣ်အံၤအအိၣ် န့ၣ်ဘၣ်.

²⁵စီၤဧ့စြၤဧၢ, သူတၢ်ကူၣ်သ့လၢနကစၢ်ယွၤဟ့ၣ်လီၤတ့ၢ်လံနၤ ဒီးဃုထၢပာ်လီၤပှၤပၢဆှၢတၢ်တဖၣ်ဒီးစံၣ်ညီၣ်ကွီၢ်တဖၣ်လၢ ကပၢကယဲၢ်ပှၤဂီၢ်မုၢ်လၢကီၢ်ဖရၤသးအမုၢ်နုာ်လၢအအိၣ်မူဝဲဒ် ယူဒၤအတၢ်သိၣ်တၢ်သီလၢနကစၢ်ယွၤဟ့ၣ်လီၤဝဲတက့ၢ်. နကဘၣ်သိၣ်လိယူဒၤအတၢ်သိၣ်တၢ်သီန့ၣ်ဆူပှၤတဂၤ လၢ်လၢ်လၢအတသ့ၣ်ညါဝဲန့ၣ်လီၤ.

²⁶ပှၤတဂၤလၢ်လၢ်မ့ၢ်တစူၢ်ဘၣ်နကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီတဖၣ်မ့ၢ်ဂ့ၤ, ထံကီၢ်အတၢ်သိၣ်တၢ်သီတဖၣ်မ့ၢ်ဂ့ၤန့ၣ်, အဝဲကဘၣ်တၢ်စံၣ်ညီၣ်အီၤဘၣ်ဆၢဘၣ်ကတီၢ်ခီဖျိတၢ်မၤသံ, မ့တမ့ၢ်တၢ်နီၣ်ထီၣ်ဟီထီၣ်ကွံာ်အီၤ, မ့တမ့ၢ်ဟံးန့ၢ်ကွံာ်အတၢ်စုလီၢ်ခီၣ်ခိၣ်, မ့တမ့ၢ်တၢ်ဒၢနုာ်အီၤဆူဃိာ်ပူၤန့ၣ်လီၤ.”

²⁷စီၤဧ့စြၤစံးဝဲ, “စံးထီၣ်ပတြၢၤယွၤ, ပမိၢ်ပၢ်ဖံဖုလၢပျၢၤအကစၢ်ယွၤန့ၣ်တက့ၢ်. အဝဲထိၣ်ဂဲၤလံစီၤပၤဖးဒိၣ်အသး, လၢကျဲဒ်အံၤဒ်သိးကမၤလၤကပီၤယွၤအတၢ်လုၢ်ဟံၣ်လၢဝ့ၢ်ယရူၤၡလ့ၣ် အပူၤလံ.

²⁸လၢကစၢ်ယွၤအဘျုးအဖှိၣ်အဃိ, ယဘၣ်တၢ်ကွၢ်မဲာ်တ့ၢ်လံ ယၤလၢစီၤပၤဖးဒိၣ်, လၢအပှၤကူၣ်လိာ်တၢ်တဖၣ်, ဒီးကယဲၢ်ပဒိၣ်ပပှၢ်အိၣ်စိအိၣ်ကမီၤတဖၣ်လံ. ယွၤ, ယကစၢ်ယွၤဟ့ၣ်တ့ၢ်လံယၤတၢ်သူၣ်ဒူသးဒူဒီးယသ့ သဆၣ်ထီၣ်ပှၤခိၣ်ပှၤနၢ်အါဂၤအသးလၢအံၣ်စရ့လးအဒူၣ်အထၢတဖၣ် အပူၤ, ဒ်သိးကဟဲက့ၤဃုာ်ဒီးယၤန့ၣ်လီၤ.”