Read S'gaw Karen လံာ်စီၤနဃ့မယၤ 12 Bible Online

လံာ်စီၤနဃ့မယၤ 12 - S'gaw Karen bible

လံာ်စီၤနဃ့မယၤ 12

¹အအံၤမ့ၢ်ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ်လၢအဟဲ က့ၤလၢတၢ်စိာ်မၢကဲကုၢ်အလီၢ်ဃုာ်ဒီးစီၤစရူၤဘၤဘ့လးလၢ အမ့ၢ်စီၤၡၤလတံၤအ့လးအဖိခွါဒီးပှၤလုၢ်တၢ်အခိၣ်အဒိၣ်ကတၢၢ် စီၤယိၤၡူန့ၣ်လီၤ.

²ဒီးပှၤလုၢ်တၢ်အခိၣ်တဖၣ်န့ၣ်မ့ၢ်ဝဲ, စီၤစရါယၤ, စီၤယံးရမံယၤ, စီၤဧ့စြၤ, စီၤအမၤရယၤ, စီၤမးလူး, စီၤဃးထူၣ်,

³စီၤၡကါနယၤ, စီၤရဃူၣ်, စီၤမရ့မိး,

⁴စီၤဧံးဒိၤ, စီၤကံးနသိၤ, စီၤအဘံယၤ,

⁵စီၤမံယမံၣ်, စီၤမၤဒယၤ, စီၤဘံလကၤ, စီၤၡမါယၤ, စီၤယိၤရံာ်, စီၤယဒံယၤ,

⁶

⁷စီၤစးလူၤ, စီၤဧၤမိး, စီၤဃံလကံယၤဒီးစီၤယဒံယၤတဖၣ်န့ၣ်လီၤ. ပှၤတဖၣ်အံၤမ့ၢ်ခိၣ်နၢ်တဖၣ်လၢကယဲၢ်အပှၤလုၢ်တၢ်အခိၣ်ကဒဲ ကဒဲအကျါလၢစီၤယိၤၡူအမုၢ်နံၤတဖၣ်န့ၣ်လီၤ.

⁸ပှၤလ့ၤဝံဖိတဖၣ်န့ၣ်မ့ၢ်ဝဲစီၤယ့ၤၡူ, စီၤဘံနူၤ, စီၤကးမံၤအ့လး, စီၤၡ့ရ့ဘယၤ, စီၤယူဒၤ, ဒီးစီၤမးတၤနယၤတဖၣ်န့ၣ်လီၤ. အဝဲသ့ၣ်မ့ၢ်ပှၤကွၢ်ထွဲတၢ်သးဝံၣ်တၢ်စံးထီၣ်ပတြၢၤအထါသး ဝံၣ်တဖၣ်န့ၣ်လီၤ.

⁹စီၤဘးကဘူကယၤ, စီၤဧူးနံၤဒီးအဝဲသ့ၣ်အပှၤလ့ၤဝံဖိကဒဲက ဒဲတဖၣ်ကရၢကရိထီၣ်ပှၤသးဝံၣ်ရိတၢ်ဖိလၢအသးဝံၣ်ခီဆၢတၢ်န့ၣ် လီၤ.

¹⁰ဒီးစီၤယိၤၡူထီၣ်ဖိစီၤယိယၤကံၣ်, စီၤယိယၤကံၣ်ထီၣ်ဖိ စီၤအ့လယၤၡံာ်, စီၤအ့လယၤၡံာ်ထီၣ်ဖိစီၤယိယဒၤန့ၣ်လီၤ.

¹¹စီၤယိယဒၤထီၣ်ဖိစီၤယိနၤသၣ်, ဒီးစီၤယိနၤသၣ်ထီၣ်ဖိ စီၤယးဒူၤန့ၣ်လီၤ.

¹²ဖဲစီၤယိယၤကံၣ်မ့ၢ်ဝဲပှၤလုၢ်တၢ်အခိၣ်အဒိၣ်ကတၢၢ်အကတီၢ်န့ၣ် ပှၤလုၢ်တၢ်အခိၣ်လၢလာ်တဖၣ်အံၤမ့ၢ်ဝဲခိၣ်နၢ်တဖၣ်လၢပှၤလုၢ်တၢ် အခိၣ်အဒူၣ်ထၢတဖၣ်အကျါန့ၣ်လီၤ. စီၤမရါယၤလၢစီၤစရါယၤအဒူၣ်ထၢအကျါ, စီၤဃနၤနယၤလၢစီၤယံးရမံယၤအဒူၣ်ထၢအကျါ,

¹³စီၤမၡူလၣ်လၢစီၤဧ့စြၤအဒူၣ်ထၢအကျါ, စီၤယိဃၤနၣ်လၢစီၤအမၤရယၤအဒူၣ်ထၢအကျါ,

¹⁴စီၤယိနၤသၣ်လၢစီၤမံလကူၤအဒူၣ်ထၢအကျါ, စီၤယိၤသးလၢစီၤၡဘၤနယၤအဒူၣ်ထၢအကျါ,

¹⁵စီၤဧၤဒနၤလၢစီၤဃၤရံၣ်အဒူၣ်ထၢအကျါ, စီၤဃ့လကံလၢစီၤမရၤယိာ်အဒူၣ်ထၢအကျါ,

¹⁶စီၤစကၤရယၤလၢစီၤဧံးဒိၤအဒူၣ်ထၢအကျါ, စီၤမၡူလၣ်လၢစီၤကံးနသိၣ်အဒူၣ်ထၢအကျါ,

¹⁷စီၤစံးကရံးလၢစီၤအဘံယၤအဒူၣ်ထၢအကျါ, စီၤပံးလတဲၤလၢစီၤမံးနယၤမံၣ်ဒီးစီၤမိၤဧၤဒယၤအဒူၣ်ထၢအကျါ,

¹⁸စီၤၡးမူလၢစီၤဘံလကၤအဒူၣ်ထၢအကျါ, စီၤယိၤနၤသၣ်လၢစီၤၡမါယၤအဒူၣ်ထၢအကျါ,

¹⁹စီၤမးတနဲလၢစီၤယိၤရံာ်အဒူၣ်ထၢအကျါ, စီၤဧူးစံလၢစီၤယဒံယၤအဒူၣ်ထၢအကျါ,

²⁰စီၤကးလဲၤလၢစီၤစးလဲၤအဒူၣ်ထၢအကျါ, စီၤဧၤဘ့ၢ်လၢစီၤဧးမိးအဒူၣ်ထၢအကျါ,

²¹စီၤဃၡၤဘယၤလၢစီၤဃံးလကံယၤအဒူၣ်ထၢအကျါ, ဒီးစီၤနၤသန့လးလၢစီၤယဒံယၤအဒူၣ်ထၢအကျါန့ၣ်လီၤ.

²²လၢပှၤလုၢ်တၢ်အခိၣ်အဒိၣ်ကတၢၢ်တဖၣ်လၢအမ့ၢ်စီၤအ့လယၡံာ်, စီၤယိယဒၤ, စီၤယိဃၤနၣ်ဒီးစီၤယးဒူၤအမုၢ်နံၤတဖၣ်အပူၤ န့ၣ်ပှၤလုၢ်တၢ်အခိၣ်ဒီးပှၤလ့ၤဝံဖိအဟံၣ်ဒူၣ်ဃီထၢအခိၣ်အနၢ် တဖၣ်အတၢ်ကွဲးနီၣ်တခါဘၣ်တၢ်ပာ်အီၤန့ၣ်လီၤ. တၢ်ကွဲးနီၣ်အံၤဝံၤဝဲဖဲစီၤဒၤရယါဝ့ၣ်မ့ၢ်ကီၢ်ပၤရၣ်အစီၤ ပၤဖးဒိၣ်အခါန့ၣ်လီၤ.

²³ဘၣ်ဆၣ်ဒီးလ့ၤဝံအဟံၣ်ဖိဃီဖိအခိၣ်အနၢ်တဖၣ်ဘၣ်တၢ်ကွဲးနီၣ် ပာ်အီၤလၢပဒိၣ်ပပှၢ်အတၢ်ကွဲးနီၣ်အပူၤတုၤဒၣ်ဖဲစီၤအ့လယၤ ၡံာ်အလံၤခွါစီၤယိနၤသၣ်အစိၤန့ၣ်လီၤ.

²⁴လၢစီၤဃၡၤဘယၤ, စီၤၡ့ရ့ဘယၤ, စီၤယ့ၤၡူ, စီၤဘံနူၤ, ဒီးစီၤကးမံၤအ့လးအတၢ်နဲၣ်ကျဲအပူၤန့ၣ်ပှၤလ့ၤဝံ ဖိတဖၣ်ဘၣ်တၢ်နီၤလီၤအီၤလၢအကရူၢ်တဖၣ်န့ၣ်လီၤ. ဒ်အလီၤပလိာ်ဝဲဒီးယွၤအပှၤကညီစီၤပၤဒၤဝံးအတၢ်သိၣ်လိနဲၣ် ယုၤတဖၣ်အသိး, တဘျီန့ၣ်ပှၤအိၣ်ဝဲခံဖုလၢကသးဝံၣ်ခီဆၢတၢ်စံးထီၣ်ပတြၢၤ ကစၢ်ယွၤဒီးတၢ်ဟ့ၣ်အီၤတၢ်စံးဘျုးအဂီၢ်န့ၣ်လီၤ.

²⁵ပှၤခိးတၢ်လုၢ်ဟံၣ်လၢလာ်တဖၣ်အံၤမ့ၢ်ပှၤအခိၣ်လၢအပၢၤတၢ်ပာ် ဖှိၣ်အဒၢးတဖၣ်ဖဲယွၤအတၢ်လုၢ်ဟံၣ်အတြဲၤတဖၣ်န့ၣ်လီၤ. အဝဲသ့ၣ်မ့ၢ်ဝဲ, စီၤမးတၤနယၤ, စီၤဘးကဘူကယၤ, စီၤဧိၤဘါဒယၤ, စီၤမၡူလၣ်, စီၤတၤလမိၣ်ဒီးစီၤဧးကူာ်န့ၣ်လီၤ.

²⁶ပှၤဂီၢ်မုၢ်တဖၣ်အံၤအိၣ်မူဝဲဖဲစီၤယိယၤကံၣ်လၢအမ့ၢ်စီၤယိၤၡူ အဖိခွါစီၤယိၤစါဒးအလံၤခွါအမုၢ်နံၤ, ဒီးပဒိၣ်ဖးဒိၣ်စီၤ နဃ့မယၤအမုၢ်နံၤဒီးပှၤလုၢ်တၢ်အခိၣ်ဒီးပှၤသ့ပှၤဘၣ်လၢယူဒၤ အတၢ်သိၣ်တၢ်သီအပူၤ, စီၤဧ့စြၤအမုၢ်နံၤန့ၣ်လီၤ.

²⁷တုၤဝ့ၢ်ယရူၤၡလ့ၣ်အဝ့ၢ်ခိၣ်ဒူဘၣ်တၢ်ပာ်စီဆှံထီၣ်အီၤန့ၣ်ပှၤ လ့ၤဝံဖိတဖၣ်အံၤဘၣ်တၢ်ဟဲကိးအီၤလၢအအိၣ်ဝဲဆိးဝဲ အလီၢ်ဒ်သိးအဝဲသ့ၣ်ကမၤဃုာ်တၢ်လၢတၢ်ပာ်စီဆှံတၢ်လုၢ်ဟံၣ် အပူၤခီဖျိတၢ်သးဝံၣ်စံးဘျုးစံးဖှိၣ်တဖၣ်, လၢအအိၣ်ဒီးစှၢၣ်စှံးဒီးသီတူၢ်န့ၣ်လီၤ.

²⁸ပှၤလ့ၤဝံအဟံၣ်ဖိဃီဖိလၢအသးဝံၣ်တၢ်တဖၣ်, ဟဲပာ်ဖှိၣ်အသးစးထီၣ်လၢတၢ်လီၢ်ဖဲအဝဲသ့ၣ်အိၣ်ဝဲဆိးဝဲ, ဝးတရံးဝ့ၢ်ယရူၤၡလ့ၣ်ဒီးလၢဝ့ၢ်တဖၣ်လၢအအိၣ်ဝးတရံးဝ့ၢ်နတိဖၤ,

²⁹ဒီးလၢကံးလကၤလး, က့ဘၤဒီးဧၤစမၤဝ့းန့ၣ်လီၤ.

³⁰ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိသ့ၣ်တဖၣ်မၤကဆှီထီၣ်အသး ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးလၢအဂီၢ်ဒၣ်ဝဲ, လၢပှၤဂီၢ်မုၢ်အဂီၢ်, လၢတြဲၤတဖၣ်ဒီးဝ့ၢ်ခိၣ်ဒူအဂီၢ်န့ၣ်လီၤ.

³¹ယကိးဖှိၣ်ကီၢ်ယူဒၤအခိၣ်အနၢ်တဖၣ်လၢဝ့ၢ်ခိၣ်ဒူအလိၤ, ဒီးပာ်လီၤအဝဲသ့ၣ်လၢပှၤကွၢ်ထွဲပှၤကမျၢၢ်ဖးဒိၣ်ခံဖုလၢ ကဟးဝးတရံးဝ့ၢ်ဒီးစံးဘျုးစံးဖှိၣ်ကစၢ်ယွၤန့ၣ်လီၤ. ပှၤအခီၣ်ထံးတဖုလဲၤဝဲဆူစုထွဲတခီလၢဝ့ၢ်ခိၣ်ဒူအဖီခိၣ် ဆူတၢ်အ့ၣ်အတြဲၤန့ၣ်လီၤ.

³²စီၤဟိၤၡၤယၤလဲၤတၢ်လၢပှၤသးဝံၣ်တၢ်ဖိတဖၣ်အလီၢ်ခံဒီးကီၢ် ယူဒၤအခိၣ်အနၢ်တဝာ်ပိာ်ထီၣ်အခံန့ၣ်လီၤ.

³³ဒီးပှၤလုၢ်တၢ်အခိၣ်လၢလာ်တဖၣ်အံၤအူကွဲၤတဖၣ်ဒီးလဲၤတၢ်လၢ အလီၢ်ခံန့ၣ်လီၤ. အဝဲသ့ၣ်မ့ၢ်ဝဲစီၤဧစၤရယၤ, စီၤဧ့စြၤ, စီၤမၡူလၣ်,

³⁴စီၤယူဒၤ, စီၤဘံၣ်ယၤမံၣ်, စီၤၡမါယၤ, စီၤယံးရမံယၤန့ၣ်လီၤ.

³⁵ပှၤလၢခံလၢအပိာ်ထီၣ်အခံန့ၣ်မ့ၢ်ဝဲစီၤစကၤရယၤလၢအမ့ၢ်စီၤ ယိနၤသၣ်အဖိခွါဒီးစီၤၡမါယၤအလံၤခွါန့ၣ်လီၤ. (အမိၢ်ပၢ်ဖံဖုလၢပျၢၤတဖၣ်အိၣ်ဝဲဃုာ်စ့ၢ်ကီးဒီးစီၤမးတၤနယၤ, စီၤမံၤကါယၤ, ဒီးစီၤစးကူၢ်လၢစီၤအၤစာ်အဒူၣ်ထၢန့ၣ်လီၤ).

³⁶အဝဲဘၣ်တၢ်ပိာ်ထွဲထီၣ်အခံလၢပှၤအဂၤလၢအဝဲအဒူၣ်ထၢ အကျါလၢအမ့ၢ်, စီၤၡမါယၤ, စီၤဧစၤရ့လး, စီၤမံလလဲၤ, စီၤကံလလဲၤ, စီၤမၤဧၤ, စီၤနၤသန့လး, စီၤယူဒၤဒီးစီၤ ဃနၤနံတဖၣ်န့ၣ်လီၤ. အဝဲသ့ၣ်ခဲလၢာ်စိာ်ဝဲတၢ်ဒ့တၢ်အူ အပီးအလီအကလုာ်တဖၣ်လၢကစၢ်ယွၤအခ့အပှၤစီၤဒၤဝံးဒ့တ့ၢ်ဝဲ တဖၣ်န့ၣ်လီၤ. ပှၤကူၣ်သ့ကူၣ်ဘၣ်စီၤဧ့စြၤဆှၢကရူၢ်အံၤလၢတၢ် ဟးထီၣ်အပူၤန့ၣ်လီၤ.

³⁷ဖဲပဲထံထီၣ်ပၢၢ်အတြဲၤန့ၣ်အဝဲသ့ၣ်လဲၤထီၣ်ဃီလၢအဆှၢအဝဲ သ့ၣ်ဆူစီၤဒၤဝံးအဝ့ၢ်ဒီးခီဃီၤဝဲစီၤဒၤဝံးအနီဝံၤဟဲက့ၤကဒါ က့ၤဆူတြဲၤထံလၢအအိၣ်လၢဝ့ၢ်အမုၢ်ထီၣ်တကပၤန့ၣ်လီၤ.

³⁸ပှၤအဂၤတဖုလၢအစံးဘျုးစံးဖှိၣ်တၢ်လဲၤဝဲလၢစုစ့ၣ်လၢဝ့ၢ် ခိၣ်ဒူအဖီခိၣ်ဒီးပှၤဂီၢ်မုၢ်တဝာ်ပိာ်ထီၣ်အခံန့ၣ်လီၤ. ဒီးပလဲၤခီဂာ်တ့ၢ်တၢးထီဖၣ်ကပူၤဆူဝ့ၢ်ခိၣ်ဒူလၢအလဲၢ်,

³⁹ဒီးဖဲန့ၣ်ပလဲၤခီဂာ်တြဲၤအ့ဖရဲၣ်, တြဲၤယၡၤနၤ, တြဲၤညၣ်တၢးထီဃနၤန့လးဒီးတၢးထီတကယၤဆူတြဲၤသိန့ၣ်လီၤ. ပတၢ်လဲၤန့ၣ်ကတၢၢ်ဝဲဖဲတြဲၤလၢအလဲၤဆူယွၤအတၢ်လုၢ်ဟံၣ် အကပၤန့ၣ်လီၤ.

⁴⁰လၢတၢ်န့ၣ်အဃိပှၤခံဖုလၢာ်လၢအစံးဘျုးစံးဖှိၣ်ကစၢ်ယွၤလဲၤ ဝဲတုၤလၢတၢ်လုၢ်ဟံၣ်အလီၢ်ကဝီၤန့ၣ်လီၤ. ပာ်ဖှိၣ်ဃုာ်ဒီးခိၣ်နၢ်လၢအအိၣ်ဒီးယၤန့ၣ်

⁴¹ယကရူၢ်အိၣ်ဝဲဃုာ်ဒီးပှၤလုၢ်တၢ်အခိၣ်တဖၣ်လၢအအူကွဲၤတဖၣ်လၢ အမ့ၢ်ဝဲစီၤအ့ၤလယါကံၣ်, စီၤမၤစ့ယၤ, စီၤမံးနယၤမံၣ်, စီၤမံၤကါယၤ, စီၤအ့လံၤဧ့နံၤ, စီၤစကၤရယါ, စီၤဃနၤနယၤ,

⁴²ဒီးပှၤလၢအပိာ်ထီၣ်အဝဲသ့ၣ်အခံမ့ၢ်ဝဲစီၤမၤစ့ယၤ, စီၤၡမါယၤ, စီၤအလၤဧစၢ်, စီၤဧူၤစံ, စီၤယိဃၤနၣ်, စီၤမၤလကံယၤ, စီၤဧ့ၤလၣ်ဒီးစီၤဧ့စ့ၢ်န့ၣ်လီၤ. ပှၤသးဝံၣ်တၢ်ဖိတဖၣ်လၢ အဘၣ်တၢ်ဆှၢအီၤလၢစီၤယံးစရၤဃယၤန့ၣ်သးဝံၣ်တၢ်လၢအကလုၢ်ဖး ဒိၣ်န့ၣ်လီၤ.

⁴³လၢမုၢ်တနံၤန့ၣ်တၢ်လုၢ်တၢ်ပာ်အါမးဘၣ်တၢ်လုၢ်ထီၣ်အီၤဒီးပှၤ ဂီၢ်မုၢ်ပှဲၤဝဲဒီးတၢ်သူၣ်ခုသးခုမ့ၢ်လၢကစၢ်ယွၤဒုးသးခုအဝဲသ့ၣ် ဒိၣ်မးအဃိန့ၣ်လီၤ. ပှၤပိာ်မုၣ်တဖၣ်, ပှၤဖိဒံဖိသၣ်တဖၣ်ပာ်ဖှိၣ်အသးလၢတၢ်မၤမူးအပူၤဒီးအဝဲသ့ၣ် ခဲလၢာ်အကလုၢ်အသီၣ်န့ၣ်ဘၣ်တၢ်နၢ်ဟူအီၤသ့ဝဲဖးယံၤဖးသံန့ၣ် လီၤ.

⁴⁴ဖဲအကတီၢ်န့ၣ်, ပှၤပိာ်ခွါတဖၣ်ဘၣ်တၢ်ပာ်လီၤအီၤလၢပှၤကွၢ်ထွဲ တၢ်ပာ်ဖှိၣ်အဒၢးတဖၣ်လၢတၢ်ဟ့ၣ်မၤဘူၣ်တဖၣ်လၢအဘၣ် တၢ်ဟ့ၣ်အီၤဆူယွၤအတၢ်လုၢ်ဟံၣ်, ဘၣ်တၢ်ပာ်အီၤအိၣ်ဒီးတၢ်မၤဘူၣ်ဆံဆဲၣ်ပူတပူတဖၣ်ဒီးဘုခ့ လၢတၢ်ကူးအီၤအဆိကတၢၢ်ဒီးတၤသူတၤသၣ်လၢတၢ်ဒဲးအီၤအဆိ ကတၢၢ်ကိးနံၣ်ဒဲးန့ၣ်လီၤ. ပှၤတဖၣ်အံၤအိၣ်မူအိၣ်ဒါလၢတၢ်ထၢဖှိၣ်တၢ်လၢပှၤလုၢ်တၢ်အခိၣ် တဖၣ်ဒီးပှၤလ့ၤဝံဖိတဖၣ်အဂီၢ်ဒ်ယူဒၤတၢ်သိၣ်တၢ်သီဃ့ဝဲ အသိးဖဲစံာ်ပျီတဖၣ်လၢအအိၣ်ဘူးဒီးဝ့ၢ်တဖၣ်န့ၣ်လီၤ. ကယဲၢ်ကီၢ်ယူဒၤအပှၤဂီၢ်မုၢ်ခဲလၢာ်ဘၣ်သူၣ်ဘၣ်သးပှၤလုၢ်တၢ် အခိၣ်တဖၣ်ဒီးပှၤလ့ၤဝံဖိတဖၣ်န့ၣ်လီၤ.

⁴⁵အဂ့ၢ်ဒ်အံၤအဝဲသ့ၣ်မၤဝဲတၢ်မၤကဆှီထီၣ်တၢ်အမူးတဖၣ်ဒီးတၢ် တၢ်ဘူၣ်တၢ်ဘါအလုၢ်အလၢ်အဂၤတဖၣ်လၢကစၢ်ယွၤမၤလိာ်တ့ၢ်ဝဲန့ၣ် လီၤ. ပှၤသးဝံၣ်တၢ်ဖိလၢတၢ်လုၢ်ဟံၣ်အပူၤတဖၣ်, ပှၤခိးတၢ်လုၢ်ဟံၣ်သ့ၣ်တဖၣ်စ့ၢ်ကီးမၤအမူအဒါတဖၣ်ဒ်အကြၢးဝဲ ဒီးတၢ်သိၣ်တၢ်ဘျၢတဖၣ်လၢအဘၣ်တၢ်ပာ်လီၤလၢစီၤပၤဒၤဝံးဒီး အဖိခွါစီၤၡလိၤမိၤန့ၣ်လီၤ.

⁴⁶စးထီၣ်လၢစီၤပၤဒၤဝံးဒီးအပှၤသးဝံၣ်တၢ်သ့စီၤအၤစာ်အစိၤ လၢပျၢၤန့ၣ်ပှၤသးဝံၣ်တၢ်ဖိတဖၣ်ဆှၢတၢ်စံးထီၣ်ပတြၢၤဒီးတၢ် စံးဘျုးစံးဖှိၣ်ကစၢ်ယွၤအတၢ်သးဝံၣ်တဖၣ်န့ၣ်လီၤ.

⁴⁷လၢစီၤစရူၤဘၤဘ့လးဒီးစီၤနဃ့မယၤအမုၢ်နံၤတဖၣ်အပူၤန့ၣ် ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ဟ့ၣ်မၤဘူၣ်တၢ်လၢတၢ် မၤစၢၤပှၤသးဝံၣ်တၢ်ဖိတဖၣ်ဒီးပှၤခိးတၢ်လုၢ်ဟံၣ်ဖိတဖၣ်အဂီၢ် ကိးနံၤဒဲးန့ၣ်လီၤ. ပှၤဂီၢ်မုၢ်ဟ့ၣ်တၢ်မၤဘူၣ်စီဆှံဆူပှၤလ့ၤဝံဖိတဖၣ် အအိၣ်, ဒီးပှၤလ့ၤဝံဖိသ့ၣ်တဖၣ်ဟ့ၣ်နီၤတၢ်ဆူပှၤလုၢ်တၢ်အခိၣ်သ့ၣ် တဖၣ်ဒ်အကြၢးဝဲလၢကဘၣ်ဟ့ၣ်ဝဲအသိးန့ၣ်လီၤ.