Read S'gaw Karen လံာ်စီၤနဃ့မယၤ 7 Bible Online

လံာ်စီၤနဃ့မယၤ 7 - S'gaw Karen bible

လံာ်စီၤနဃ့မယၤ 7

¹ဒီးခဲကနံၣ်အံၤဝ့ၢ်ခိၣ်ဒူဘၣ်တၢ်ဘှီဝံၤတ့ၢ်လံအီၤဒီး, တြဲၤတဖၣ်ဘၣ်တၢ်ပာ်အီၤလၢအလီၢ်ဒၣ်ဝဲ, ပှၤခိးတၢ်လုၢ်ဟံၣ်တဖၣ်, ပှၤသးဝံၣ်တၢ်ဖိတဖၣ်, ဒီးပှၤလ့ၤဝံဖိတဖၣ်ဘၣ်တၢ်ဟ့ၣ်အီၤအမူ အဒါတဖၣ်န့ၣ်လီၤ.

²ဒီးယပာ်လီၤပှၤခံဂၤလၢကပၢဆှၢဝ့ၢ်ယရူၤၡလ့ၣ်လၢအမ့ၢ်, ယဒီပုၢ်ဝဲၢ်ခွါစီၤဃနၤနံဒီးတိာ်အပဒိၣ်ဖးဒိၣ်စီၤဃနၤနံ ယၤန့ၣ်လီၤ. စီၤဃနၤနံယၤမ့ၢ်ပှၤလၢပှၤနာ်န့ၢ်အီၤသ့ ဒီးမ့ၢ်ပှၤပျံၤယွၤဒိၣ်န့ၢ်ပှၤအဂၤန့ၣ်လီၤ.

³ဒီးယတဲဘၣ်အဝဲသ့ၣ်လၢအသုတအိးထီၣ်ဝ့ၢ်ယရူၤၡလ့ၣ်အတြဲၤလၢ မုၢ်ဂီၤတချုးလၢမုၢ်ဟဲထီၣ်ဂ့ၤဂ့ၤဒီးကကးတံၢ်က့ၤတချုးပှၤ ခိးတၢ်ဖိအတၢ်မၤဝံၤဖဲမုၢ်ဟါလီၤအကတီၢ်န့ၣ်လီၤ. ဒီးယတဲဘၣ်စ့ၢ်ကီးအဝဲသ့ၣ်လၢကပာ်လီၤပှၤကွၢ်ထွဲတၢ်ဖိလၢ အအိၣ်လၢဝ့ၢ်ယရူၤၡလ့ၣ်အပူၤဒီးကဟ့ၣ်အီၤတၢ်မၤလၢအက ဘၣ်မၤဝဲဒီးတနီၤကခိးတၢ်လၢအဟံၣ်ဒၣ်ဝဲအကပိာ်ကပၤန့ၣ်လီၤ.

⁴ဒီးဝ့ၢ်ယရူၤၡလ့ၣ်မ့ၢ်ဝ့ၢ်အဒိၣ်, ဘၣ်ဆၣ်ပှၤအိၣ်စှၤဝဲဒီးဟံၣ် ဃီတဘၣ်တၢ်သူၣ်ထီၣ်အီၤအါအါဒံးဘၣ်န့ၣ်လီၤ.

⁵ဒီးကစၢ်ယွၤထိၣ်ဂဲၤယသးလၢယကဒုးအိၣ်ဖှိၣ်ပှၤဂီၢ်မုၢ်, အခိၣ်အနၢ်တဖၣ်ဒီးအပဒိၣ်တဖၣ်လၢတၢ်မၤနီၣ်အဟံၣ်ဖိဃီဖိ အတၢ်ကွဲးနီၣ်ကွဲးဃါတဖၣ်န့ၣ်အဂီၢ်လီၤ. ဒီးယပာ်လီၤတၢ်ကွဲးနီၣ်ကွဲးဃါဘၣ်ဃးဒီးပှၤလၢအဟဲက့ၤလၢ တၢ်စိာ်မၢကဲကုၢ်သ့ၣ်တဖၣ်အထူအထံးဒီးယထံၣ်န့ၢ်တၢ်ကွဲး အသးလၢအပူၤဒ်အံၤလီၤ.

⁶ပှၤလၢအဘၣ်တၢ်စိာ်မၢကဲကုၢ်အီၤအါဂၤဟးထီၣ်ကွံာ်လၢကီၢ်ဘၤ ဘူၤလိၣ်အလီၢ်ကဝီၤဒီးဟဲက့ၤဆူဝ့ၢ်ယရူၤၡလ့ၣ်ဒီးကီၢ်ယူဒၤ ဆူအဝဲသ့ၣ်အဝ့ၢ်ဒၣ်ဝဲစုာ်စုာ်န့ၣ်လီၤ. ဒီးအဒူၣ်ဖိထၢဖိသ့ၣ်တဖၣ်အိၣ်ဆိးတ့ၢ်ဝဲလၢကီၢ်ဘၤဘူၤလိၣ် အပူၤလၢတၢ်စိာ်မၢကဲကုၢ်အလီၢ်ဖဲစီၤပၤနဘူၤကးန့စၢ်စိာ် ကွံာ်အီၤဒ်ပှၤဘၣ်တၢ်စၢဃာ်အသိးန့ၣ်လီၤ.

⁷ဒီးအဝဲသ့ၣ်အခိၣ်အနၢ်တဖၣ်န့ၣ်မ့ၢ်ဝဲစီၤစရူၤဘၤဘ့လး, စီၤယိၤၡူ, စီၤနဃ့မယၤ, စီၤဧစၤရယၤ, စီၤရၤမယၤ, စီၤနဃၤမနံ, စီၤမၢ်ဒကဲၤ, စီၤဘံးလၡၣ်, စီၤမံးစပ့ရ့း, စီၤဘံးကဝဲၤ, စီၤရဃူၣ်ဒီးစီၤဘၤနါသ့ၣ်တဖၣ်န့ၣ်လီၤ. အအံၤမ့ၢ်ပှၤအံၣ်စရ့လးဖိအနီၣ်ဂံၢ်တဖၣ်,

⁸ပှၤပၤရိာ်ဖိ, ပှၤခံကထိတကယၤနွံဆံခံ ဂၤ,

⁹ပှၤၡဖးတယၤဖိသၢကယၤနွံဆံခံ ဂၤ,

¹⁰ပှၤအရၤဖိဃုကယၤယဲၢ်ဆံခံ ဂၤ,

¹¹ပှၤပၤဃးမိၤအးဖိလၢအလီၤစၢၤလၢစီၤယ့ၤၡူဒီးစီၤယိၤအာ်, ခံကထိဃိးကယၤတဆံဃိး ဂၤ,

¹²ပှၤဧ့ၤလၣ်ဖိ, တကထိခံကယၤယဲၢ်ဆံလွံၢ် ဂၤ

¹³ပှၤစးတူၤဖိ, ဃိးကယၤလွံၢ်ဆံယဲၢ် ဂၤ,

¹⁴ပှၤစးကဲဖိ, နွံကယၤဃုဆံ ဂၤ

¹⁵ပှၤဘံနူၤဖိ, ဃုကယၤလွံၢ်ဆံဃိး ဂၤ

¹⁶ပှၤဘ့ဘဲၤဖိ, ဃုကယၤခံဆံဃိး ဂၤ

¹⁷ပှၤဧၤစကးဖိ, ခံကထိသၢကယၤခံဆံခံ ဂၤ

¹⁸ပှၤအဒိၤနံကၣ်ဖိ, ဃုကယၤဃုဆံနွံ ဂၤ

¹⁹ပှၤဘံးကဝဲၤဖိ, ခံကထိဃုဆံနွံ ဂၤ

²⁰ပှၤဧၤဒံၣ်ဖိ, ဃုကယၤယဲၢ်ဆံယဲၢ် ဂၤ

²¹ပှၤအ့ၤတၢ်ဖိလၢအလီၤစၢၤလၢစီၤဃံးစကံယၤ, ခွံဆံဃိး ဂၤ

²²ပှၤဃၤၡူၣ်ဖိ, သၢကယၤခံဆံဃိး ဂၤ

²³ပှၤဘ့စဲၤဖိ, သၢကယၤခံဆံလွံၢ် ဂၤ

²⁴ပှၤဃၤရံာ်ဖိ, တကယၤတဆံခံ ဂၤ

²⁵ပှၤကံးဘိၣ်ဖိ, ခွံဆံယဲၢ် ဂၤ

²⁶ပှၤလၢအမိၢ်အပၢ်အဖံအဖုလၢအအိၣ်လၢဝ့ၢ်သ့ၣ်တဖၣ်အံၤစ့ၢ်ကီးဟဲ က့ၤဝဲဒၣ်န့ၣ်လီၤ. ပှၤဘ့ၤသလ့ဃ့ၣ်ဖိဒီးပှၤနတိဖၤဖိ, တကယၤဃိးဆံဃိး ဂၤ

²⁷ပှၤဧၤနသိးဖိ, တကယၤခံဆံဃိး ဂၤ

²⁸ပှၤဘ့ၤသဧၤစမၤဝ့းဖိ, လွံၢ်ဆံခံ ဂၤ

²⁹ပှၤကံးရယးယဧၤရံၣ်ဖိ, ပှၤတဖံရၤဖိ, ဒီးပှၤဘအ့ရိးဖိ, နွံကယၤလွံၢ်ဆံသၢ ဂၤ

³⁰ပှၤရၤမါဖိဒီးပှၤက့ဘၤဖိ, ဃုကယၤခံဆံတဂၤ

³¹ပှၤမံးကမၣ်ဖိ, တကယၤခံဆံခံ ဂၤ

³²ပှၤဘ့ၤသ့လးဖိဒီးပှၤဂဲဖိ, တကယၤခံဆံသၢဂၤ

³³ပှၤနဘိဖိ, ယဲၢ်ဆံခံ ဂၤ

³⁴ပှၤဧ့ၤလၣ်ဖိ, တကထိခံကယၤယဲၢ်ဆံလွံၢ် ဂၤ

³⁵ပှၤဃၤရံာ်ဖိ, သၢကယၤခံဆံ ဂၤ

³⁶ပှၤယရံၤဃိဖိ, သၢကယၤလွံၢ်ဆံယဲၢ် ဂၤ

³⁷ပှၤလိးဖိ, ပှၤဃၤဒံးဖိဒီးပှၤအိနိၤဖိ, နွံကယၤခံဆံတ ဂၤ

³⁸ပှၤစနါအၤဖိ, သၢကထိခွံကယၤသၢဆံ ဂၤ

³⁹ဒီးပှၤလုၢ်တၢ်အခိၣ်တဖၣ်အဒူၣ်ဖိထၢဖိလၢအဟဲက့ၤလၢတၢ်စိာ်မၢ ကဲကုၢ်န့ၣ်မ့ၢ်ဝဲဒၣ်, စီၤယဒါယၤ (ပှၤဟဲလီၤစၢၤလၢစီၤယ့ၤၡူအဒူၣ်ဖိထၢဖိ) ခွံကယၤနွံဆံသၢ ဂၤ

⁴⁰စီၤအံးမ့ၢ်အဒူၣ်ဖိထၢဖိ, တကထိယဲၢ်ဆံခံ ဂၤ

⁴¹စီၤပၤၡဃူၢ်အဒူၣ်ဖိထၢဖိ, တကထိခံကယၤလွံၢ်ဆံနွံ ဂၤ

⁴²စီၤဃၤရံၣ်အဒူၣ်ဖိထၢဖိ, တကထိတဆံနွံ ဂၤ

⁴³ပှၤလ့ၤဝံဖိအဒူၣ်ထၢလၢအဟဲက့ၤလၢတၢ်စိာ်မၢကဲကုၢ်အလီၢ်မ့ၢ် ဝဲ စီၤယ့ၤၡူအဒူၣ်ဖိထၢဖိဒီးစီၤကးမံၤအ့လးအဒူၣ်ဖိထၢဖိ (လၢအဟဲလီၤစၢၤလၢစီၤဟိၤဒၤဝယၤ), နွံဆံလွံၢ် ဂၤ

⁴⁴ပှၤသးဝံၣ်တၢ်ဖိလၢတၢ်လုၢ်ဟံၣ် (ပှၤဟဲလီၤစၢၤလၢစီၤအၤစာ်) တကယၤလွံၢ်ဆံဃိး ဂၤ

⁴⁵ပှၤခိးတၢ်လုၢ်ဟံၣ် (ပှၤဟဲလီၤစၢၤလၢစီၤၡၤလူၣ်, စီၤအၤတ့ၢ်, စီၤတၤလမိၣ်, စီၤဧးကူာ်, စီၤဃတံတၤ, စီၤၡိဘံၤ), တကယၤသၢဆံဃိး ဂၤ

⁴⁶ပှၤမၤတၢ်လၢတၢ်လုၢ်ဟံၣ်လၢအမ့ၢ်ပှၤနသံနးဖိလၢအဟဲ က့ၤလၢတၢ်စိာ်မၢကဲကုၢ်အလီၢ်မ့ၢ်ဝဲ, စီၤစံဃၤအဒူၣ်ဖိထၢဖိ,

⁴⁷စီၤဃစူၤဖၤအဒူၣ်ဖိထၢဖိ, စီၤတးဘၤဧိးအဒူၣ်ဖိထၢဖိ, စီၤက့ရိၣ်အဒူၣ်ဖိထၢဖိ, စီၤစံၤဟၤအဒူၣ်ဖိထၢဖိ, စီၤပၤဒိၣ်အဒူၣ်ဖိထၢဖိ,

⁴⁸စီၤလဘၤနၤအဒူၣ်ဖိထၢဖိ, စီၤဃၤကဘၤအဒူၣ်ဖိထၢဖိ, စီၤၡၤလမဲအဒူၣ်ဖိထၢဖိ,

⁴⁹စီၤဃၤနၣ်အဒူၣ်ဖိထၢဖိ, စီၤကံးဒ့လးအဒူၣ်ဖိထၢဖိ, စီၤကၤဃၢ်အဒူၣ်ဖိထၢဖိ,

⁵⁰စီၤရအါယၤအဒူၣ်ဖိထၢဖိ, စီၤရ့စံၣ်အဒူၣ်ဖိထၢဖိ, စီၤနကိဒၤအဒူၣ်ဖိထၢဖိ,

⁵¹စီၤကးစၣ်အဒူၣ်ဖိထၢဖိ, စီၤဧူးစၤအဒူၣ်ဖိထၢဖိ, စီၤပၤစ့ၤအဒူၣ်ဖိထၢဖိ,

⁵²စီၤဘ့စဲၤအဒူၣ်ဖိထၢဖိ, စီၤမူနးအဒူၣ်ဖိထၢဖိ, စီၤနဖူစံၣ်အဒူၣ်ဖိထၢဖိ,

⁵³စီၤဘၤကဘူးအဒူၣ်ဖိထၢဖိ, စီၤဃၤကူဖၤအဒူၣ်ဖိထၢဖိ, စီၤဃၢ်ဃူၢ်အဒူၣ်ဖိထၢဖိ,

⁵⁴စီၤဘၤစလံးအဒူၣ်ဖိထၢဖိ, စီၤမဃံဒၤအဒူၣ်ဖိထၢဖိ, စီၤဃၤရၡၤအဒူၣ်ဖိထၢဖိ,

⁵⁵စီၤဘၢ်ကိၣ်အဒူၣ်ဖိထၢဖိ, စီၤစံစရၤအဒူၣ်ဖိထၢဖိ, စီၤသၤမၤအဒူၣ်ဖိထၢဖိ,

⁵⁶စီၤနစံၤအဒူၣ်ဖိထၢဖိ, ဒီးစီၤဃၤတံဖၤအဒူၣ်ဖိထၢဖိတဖၣ် န့ၣ်လီၤ.

⁵⁷စီၤၡလိၤမိၤအခ့အပှၤအဒူၣ်ဖိထၢဖိလၢအဟဲက့ၤလၢတၢ်စိာ်မၢ ကဲကုၢ်တဖၣ်မ့ၢ်ဝဲ, စီၤစိတဲၤအဒူၣ်ဖိထၢဖိ,

⁵⁸စီၤစိဖ့ၤရ့းအဒူၣ်ဖိထၢဖိ, စီၤပရံဒၤအဒူၣ်ဖိထၢဖိ,

⁵⁹စီၤယၤလၤအဒူၣ်ဖိထၢဖိ, စီၤဒၢ်ကိၣ်အဒူၣ်ဖိထၢဖိ, စီၤကံးဒ့လးအဒူၣ်ဖိထၢဖိ, စီၤၡဖးတယၤအဒူၣ်ဖိထၢဖိ, စီၤဃးတံလးအဒူၣ်ဖိထၢဖိ, စီၤဖိၤက့ရ့းအဒူၣ်ထိထၢဖိ ဘၣ်ထွဲဒီးစီၤစဘဲၣ်, ဒီးစီၤအၤမိၣ်အဖိ,

⁶⁰ပှၤမၤတၢ်လၢတၢ်လုၢ်ဟံၣ်, ဒီးစီၤၡလိၤမိၤအခ့အပှၤအစၢၤအသွဲၣ် ခဲလၢာ်လၢအဟဲက့ၤလၢတၢ်စိာ်မၢကဲကုၢ်အလီၢ်အတၢ်ဂံၢ်န့ၣ်မ့ၢ် ဝဲပှၤသၢကယၤခွံဆံခံဂၤန့ၣ်လီၤ.

⁶¹ဒီးပှၤဟဲလၢဝ့ၢ်တဖၣ်လၢအမ့ၢ်ဝဲတ့ၤလမ့ၤလၤ, တ့လဃၢ်ၡၤ, ခ့ရူာ်, အးဒၣ်, အံးမ့ၢ်န့ၣ်ပာ်ဖျါထီၣ်အသးဒ်အမ့ၢ်ပှၤလၢအမိၢ် ပၢ်ဖံဖုလၢပျၢၤဟဲလီၤစၢၤလီၤသွဲၣ်လၢပှၤအံၣ်စရ့လးဖိ တသ့ဝဲဘၣ်.

⁶²အဝဲသ့ၣ်ဟဲလီၤစၢၤလီၤသွဲၣ်လၢစီၤဒလါယၤအဒူၣ်ဖိထၢဖိ, စီၤတိၤဘံယၤအဒူၣ်ဖိထၢဖိ, ဒီးစီၤနကိဒၤအဒူၣ်ဖိထၢဖိ, ပှၤခဲလၢာ်အတၢ်ဂံၢ်အိၣ်ဝဲပှၤဃုကယၤလွံၢ်ဆံခံဂၤလီၤ.

⁶³ပှၤလုၢ်တၢ်အခိၣ်အဒူၣ်ထၢလၢလာ်တဖၣ်အံၤ, တထံၣ်က့ၤဘၣ်အတၢ်ဟဲလီၤစၢၤလီၤသွဲၣ်အတၢ်ကွဲးနီၣ်ကွဲးဃါဘၣ်. စီၤဃဘါယၤအဒူၣ်ဖိထၢဖိ, စီၤကိးစးအဒူၣ်ဖိထၢဖိဒီးစီၤ ဘၢ်စံးလဲအဒူၣ်ဖိထၢဖိ, (ပှၤလုၢ်တၢ်အခိၣ်စီၤဘၢ်စံးလဲအဒူၣ်ထၢအပၢ်ဖးဒိၣ်လၢပျၢၤဒိး တ့ဒိးဖျီတ့ၢ်အသးဒီးပိာ်မုၣ်တဂၤလၢပှၤကံးလဧးဖိ စီၤဘၢ်စံးလဲအဒူၣ်ထၢပူၤဒီးဟံးန့ၢ်အမံၤပှၢ်ပိာ်ခွါအဒူၣ် ထၢအမံၤလီၤ)

⁶⁴မ့ၢ်လၢအဝဲသ့ၣ်ပာ်ဖျါအမိၢ်ပၢ်ဖံဖုလၢပျၢၤတဖၣ်မ့ၢ်မတၤန့ၣ်, တသ့ဝဲအဃိ, အဝဲသ့ၣ်တဘၣ်တၢ်တူၢ်လိာ်အီၤဒ်ပှၤလုၢ်တၢ်အခိၣ်တဖၣ် ဘၣ်.

⁶⁵ပှၤယူဒၤဖိအပဒိၣ်ဖးဒိၣ်တဲဘၣ်အဝဲသ့ၣ်လၢတဘၣ်အီၣ်တၢ်အီၣ်လၢ အဘၣ်တၢ်လုၢ်ထီၣ်အီၤဆူကစၢ်ယွၤဘၣ်တုၤလၢပှၤလုၢ်တၢ်အခိၣ်တဂၤ လၢအသူတူရံၣ်ဒီးအူမံၣ်သ့အိၣ်ဝဲ, န့ၣ်လီၤ.

⁶⁶ဒီးပှၤလၢအဟဲက့ၤလၢတၢ်စိာ်မၢကဲကုၢ်အနီၣ်ဂံၢ်ခဲလၢာ်မ့ၢ်ဝဲ လွံၢ်ကလးခံကထိသၢကယၤဃုဆံဂၤန့ၣ်လီၤ.

⁶⁷ဒီးလၢန့ၣ်အမဲာ်ညါအိၣ်ဝဲဒီးကုၢ်ပိာ်ခွါဒီးကုၢ်ပိာ်မုၣ် နွံကထိသၢကယၤသၢဆံနွံဂၤ, ဒီးပှၤသးဝံၣ်တၢ်ဖိပိာ်ခွါဒီးပိာ်မုၣ်အိၣ်ဝဲ ခံကယၤလွံၢ်ဆံယဲၢ်ဂၤလီၤ.

⁶⁸အဝဲသ့ၣ်အိၣ်ဒီးအကသ့ၣ်နွံကယၤသၢဆံဃုဒု, ကသ့ၣ်လၤခံကယၤလွံၢ်ဆံယဲၢ်ဒု,

⁶⁹ကီၤလၤအူးလွံၢ်ကယၤသၢဆံယဲၢ်ဒု, ကသ့ၣ်ယီၤဃုကထိနွံကယၤခံ ဆံဒုန့ၣ်လီၤ.

⁷⁰ပှၤဂီၢ်မုၢ်အါဂၤဟ့ၣ်လီၤမၤဘူၣ်တ့ၢ်တၢ်လၢတၢ်ဟ့ၣ်ပှဲၤထီၣ်တၢ် ဘှီက့ၤယွၤအတၢ်လုၢ်ဟံၣ်အတၢ်လၢာ်အဂီၢ်န့ၣ်လီၤ. ပဒိၣ်ဖးဒိၣ်ဟ့ၣ်ဝဲ, ထူလီၤတယၢၢ်ဒးရံးတကထိ, သလၢအဖျၢၣ်ယဲၢ်ဆံလၢတၢ်ကသူအီၤလၢတၢ်မၤဘူၣ်အကတီၢ်, ပှၤလုၢ်တၢ်အခိၣ်အဆ့ကၤဖးထီယဲၢ်ကယၤသၢဆံဘ့ၣ်လီၤ.

⁷¹ဒူၣ်ထၢအခိၣ်တဖၣ်အတၢ်ဟ့ၣ်မ့ၢ်ဝဲ, ထူလီၤတယၢၢ်ဒးရံးခံကလး, စ့လီၤတယၢၢ်အမၤနၤခံကထိခံကယၤန့ၣ်လီၤ.

⁷²တၢ်လၢပှၤဂီၢ်မုၢ်အဂၤဟ့ၣ်ဝဲန့ၣ်မ့ၢ်, ထူလီၤတယၢၢ်ဒးရံးခံကလး, စ့လီၤတယၢၢ်အမၤနၤခံကထိဒီးပှၤလုၢ်တၢ်အခိၣ်အဆ့ကၤဖးထီဃုဆံနွံဘ့ၣ် န့ၣ်လီၤ.

⁷³ဒီးပှၤလုၢ်တၢ်အခိၣ်, ပှၤလ့ၤဝံဖိ, ပှၤပၢၤပဲတရီဖိ, ပှၤသးဝံၣ်တၢ်ဖိ, ပှၤပတီၢ်မုၢ်ဖိ, ပှၤမၤတၢ်လၢတၢ်လုၢ်ဟံၣ်, ဒီးကယဲၢ်ပှၤအံၣ်စရ့လးဖိခဲလၢာ်သူၣ်လီၤဆီလီၤအတၢ်အိၣ်တၢ် ဆိးအလီၢ်လၢဝ့ၢ်တဖၣ်လၢကီၢ်ယူဒၤအပူၤန့ၣ်လီၤ.