Read S'gaw Karen လံာ်တၢ်ဟးထီၣ်ကွံာ် 18 Bible Online

လံာ်တၢ်ဟးထီၣ်ကွံာ် 18 - S'gaw Karen bible

လံာ်တၢ်ဟးထီၣ်ကွံာ် 18

¹စီၤမိၤၡ့အမံၤပှၢ်ပိာ်ခွါ, ပှၤမံးဒယၣ်ဖိအပှၤလုၢ်တၢ်အခိၣ် စီၤယံးသရိၤနၢ်ဟူတၢ်ဂ့ၢ်ကိးမံၤလၢကစၢ်ယွၤမၤတၢ်လၢစီၤမိၤၡ့အဂီၢ်ဒီးကီၢ်အံၣ်စရ့လးအပှၤဂီၢ်မုၢ်အဂီၢ်ဖဲအထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤန့ၣ်လီၤ.

²မၤသးဒ်န့ၣ်ဒီးအဝဲဟဲဝဲဆူစီၤမိၤၡ့အအိၣ်ဒီးဟဲကိးဃုာ် စီၤမိၤၡ့အမါနီၢ်စံးဖိရၤလၢအအိၣ်တ့ၢ်ဝဲန့ၣ်,

³ဒီးအဝဲအဖိခွါခံဂၤလၢအမ့ၢ်စီၤက့ရၡိၣ်ဒီးစီၤအလံၤဧ့ စ့ၢ်န့ၣ်လီၤ. (စီၤမိၤၡ့စံးဝဲ, “ယမ့ၢ်တ့ၢ်ပှၤတခီဘီမုၢ်ဖိလၢကီၢ်လီၤ ဆီတဘ့ၣ်အပူၤလီၤ.” မၤသးဒ်န့ၣ်ဒီးယုၢ်န့ၢ်အဖိခွါတဂၤအံၤအမံၤ လၢစီၤက့ရၡိၣ်လီၤ.

⁴အဝဲစံးစ့ၢ်ကီးဝဲ, “ယပၢ်အကစၢ်ယွၤမၤစၢၤယၤဒီးမၤပူၤ ဖျဲးယၤလၢကီၢ်အဲၤကူပတူးအစီၤပၤအတၢ်မၤသံမၤဝီန့ၣ် လီၤ.” မၤသးဒ်န့ၣ်ဒီးယုၢ်ဝဲအဖိခွါအဂၤတဂၤန့ၣ်အမံၤလၢစီၤအလံၤ ဧ့စ့ၢ်န့ၣ်လီၤ.)

⁵စီၤယံးသရိၤဟဲဝဲဆူပှၢ်မုၢ်ကနၢဖဲစီၤမိၤၡ့သူၣ်ဒဲအလီၢ် လၢကစၢၢ်စီဆှံ, ဃုာ်ဒီးစီၤမိၤၡ့အမါဒီးအဖိခွါခံဂၤန့ၣ်လီၤ.

⁶အဝဲဆှၢလီၤတၢ်ကစီၣ်ဆူစီၤမိၤၡ့အအိၣ်လၢအဝဲသ့ၣ်ဟဲဝဲ အဂ့ၢ်န့ၣ်လီၤ.

⁷လၢတၢ်န့ၣ်အဃိစီၤမိၤၡ့လဲၤထီၣ်ဒ်သိးကသဂၢၢ်အီၤဒီးဆုးလီၤ အခိၣ်လၢအမဲာ်ညါဒီးနၢမူအီၤန့ၣ်လီၤ. အဝဲသ့ၣ်သံကွၢ်လိာ်သကိးအသးတဂၤဒီးတဂၤလၢအတၢ်အိၣ်ဆူၣ်အိၣ် ချ့အဂ့ၢ်ဝံၤဒီးလဲၤနုာ်ဝဲဆူစီၤမိၤၡ့အဒဲပူၤန့ၣ်လီၤ.

⁸ဒီးစီၤမိၤၡ့တဲဘၣ်စီၤယံးသရိၤတၢ်ကိးမံၤလၢယွၤမၤဘၣ် တ့ၢ်ကီၢ်အဲၤကူပတူးအစီၤပၤဒီးအပှၤဂီၢ်မုၢ်ဒ်သိးကအုၣ်က့ၤ ခီၣ်က့ၤပှၤအံၣ်စရ့လးဖိတဖၣ်အဂ့ၢ်န့ၣ်လီၤ. ဒီးတဲဘၣ်အီၤစ့ၢ်ကီးဝဲတၢ်ကီတၢ်ခဲတဖၣ်လၢပှၤဂီၢ်မုၢ်ဘၣ် ကွၢ်ဆၢၣ်မဲာ်လၢကျဲဒီဘိညါဒီးယွၤမၤစၢၤအဝဲသ့ၣ်ဒ်လဲၣ် အဂ့ၢ်တဖၣ်န့ၣ်လီၤ.

⁹ဒီးဖဲစီၤယံးသရိၤနၢ်ဟူတၢ်ဂ့ၢ်ခဲလၢာ်အံၤဒီးအဝဲအသးခု,

¹⁰ဒီးစံးဝဲဒၣ်, “စံးထီၣ်ပတြၢၤယွၤ, ပှၤလၢအအုၣ်က့ၤခီၣ်က့ၤ သုလၢကီၢ်အဲၤကူပတူးအစီၤပၤဒီးပှၤအဲၤကူပတူးဖိတဖၣ်အစု ပူၤန့ၣ်တက့ၢ်.

¹¹ခဲကနံၣ်အံၤ, ယသ့ၣ်ညါလၢယွၤန့ၣ်ဒိၣ်န့ၢ်ဒံးကစၢ်အဂၤခဲလၢာ် လီၤ. အဂ့ၢ်ဒ်အံၤအဝဲမၤတၢ်အံၤဖဲပှၤအဲၤကူပတူးဖိတဖၣ်မၤတ့ၢ်ပှၤ အံၣ်စရ့လးဖိတဖၣ်လၢတၢ်ပာ်ထီၣ်ထီသးအပူၤဒ်သိးအံၤအခါန့ၣ်လီၤ.”

¹²အန့ၣ်ဝံၤဒီးစီၤယံးသရိၤဟဲစိာ်တၢ်လုၢ်မၤဘူၣ်တမံၤလၢတၢ် ကဘၣ်ဆူးကဲၤထီၣ်အီၤခဲလၢာ်ဒီးတၢ်လုၢ်တၢ်ပာ်အဂၤတဖၣ်လၢ ကဘၣ်တၢ်လုၢ်ထီၣ်ပာ်ထီၣ်အီၤဆူကစၢ်ယွၤအအိၣ်န့ၣ်လီၤ. ဒီးစီၤအၤဟရိၣ်ဒီးကယဲၢ်ပှၤအံၣ်စရ့လးဖိအခိၣ်အနၢ်တဖၣ်လဲၤ ဃုာ်ဒီးအီၤဒ်သိးကအီၣ်တၢ်အီၣ်စီဆှံဒ်တၢ်ဘူၣ်ထီၣ်ဘါထီၣ်အတၢ် မၤတမံၤအသိးန့ၣ်လီၤ.

¹³လၢခံတနံၤန့ၣ်စီၤမိၤၡ့မၤလိၤမၤဘၣ်တၢ်ဂ့ၢ်လိာ်ဘှီလိာ် တဖၣ်လၢပှၤဂီၢ်မုၢ်အကျါဒီးအတၢ်မၤအါဝဲစးထီၣ်လၢမုၢ်ဂီၤ တုၤလီၤလၢမုၢ်နၤတစုန့ၣ်လီၤ.

¹⁴ဖဲစီၤယံးသရိၤထံၣ်တၢ်ကိးမံၤဒဲးလၢစီၤမိၤၡ့ဘၣ်မၤဝဲ န့ၣ်ဒီးသံကွၢ်ဝဲ, “တၢ်ခဲလၢာ်လၢနမၤလၢပှၤဂီၢ်မုၢ်အဂီၢ်အံၤမ့ၢ်တၢ်ဒ်လဲၣ်. နမၤတၢ်အံၤထဲတဂၤဧိၤအိၣ်ဒီးပှၤဂီၢ်မုၢ်ဆၢထၢၣ်ခိးတၢ်ဖဲ အံၤစးထီၣ်လၢမုၢ်ဂီၤတုၤလၢမုၢ်နၤဒ်သိးကဃ့တၢ်ဟ့ၣ်ကူၣ်ဟ့ၣ် ဖးလၢနအိၣ်န့ၣ်ဘၣ်မနုၤလဲၣ်.”

¹⁵ဒီးစီၤမိၤၡ့စံးဆၢဝဲဒၣ်, “ယဘၣ်မၤတၢ်အံၤလီၤ. အဂ့ၢ်ဒ်အံၤ, ပှၤဂီၢ်မုၢ်ဟဲဆူယအိၣ်ဒ်သိးကမၤလိတၢ်ဘၣ်ကစၢ်ယွၤအသးအဂီၢ်န့ၣ်လီၤ.

¹⁶ဖဲပှၤခံဂၤအိၣ်ဒီးတၢ်ဂ့ၢ်လိာ်ဘှီလိာ်တမံၤန့ၣ်အဝဲသ့ၣ်ဟဲ ဆူယအိၣ်ဒီးယစံၣ်ညီၣ်တဲာ်လၢအဝဲသ့ၣ်ခံဂၤအကျါမ့ၢ်မတၤအတၢ် ဘၣ်လဲၣ်ဒီးယတဲဘၣ်အဝဲသ့ၣ်လၢကစၢ်ယွၤအတၢ်မၤလိာ်တဖၣ်ဒီးအတၢ် သိၣ်တၢ်သီတဖၣ်န့ၣ်လီၤ.”

¹⁷တုၤနုၤတစုစီၤယံးသရိၤစံးဝဲ, “နမၤတၢ်အံၤအကျဲတဘၣ်ဘၣ်.

¹⁸နကမၤလီၤဘှံးလီၤတီၤနသးဒီးပှၤဂီၢ်မုၢ်တဖၣ်စ့ၢ်ကီးန့ၣ်လီၤ. တၢ်အံၤအါကဲာ်ဆိးလၢနကမၤအီၤထဲတဂၤဧိၤအဂီၢ်လီၤ.

¹⁹ခဲကနံၣ်အံၤ, ပျဲယဟ့ၣ်နၤလၢတၢ်ဟ့ၣ်ကူၣ်အဂ့ၤတနီၤတက့ၢ်. ဒီးကစၢ်ယွၤကအိၣ်ဒီးနၤလီၤ. တၢ်အိၣ်လၢကစၢ်ယွၤအမဲာ်ညါဒ်ပှၤဂီၢ်မုၢ်အခၢၣ်စးဒီးဟဲစိာ်အဝဲ သ့ၣ်အတၢ်ဂ့ၢ်လိာ်ဘှီလိာ်တဖၣ်ဆူအအိၣ်န့ၣ်မ့ၢ်တၢ်အဘၣ်လၢနဂီၢ် လီၤ.

²⁰နကြၢးသိၣ်လိအဝဲသ့ၣ်လၢကစၢ်ယွၤအတၢ်မၤလိာ်တဖၣ်ဒီးတဲနၢ် ပၢၢ်အဝဲသ့ၣ်လၢကဘၣ်အိၣ်မူဒ်လဲၣ်ဒီးကဘၣ်မၤတၢ်ဒ်လဲၣ်အဂ့ၢ်န့ၣ်လီၤ.

²¹ဘၣ်ဆၣ်ဒီး, အါန့ၢ်အန့ၣ်, နကြၢးဃုထၢပှၤပိာ်ခွါတနီၤလၢအသ့ ဝဲဘၣ်ဝဲဒီးဃုထၢပာ်လီၤအဝဲသ့ၣ်ဒ်ပှၤဂီၢ်မုၢ်အခိၣ်အနၢ်တဖၣ် အသိးလၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံ တဖၣ်ဒီးပှၤအဂၤတဆံတဖၣ်အဖီခိၣ်န့ၣ်လီၤ. အဝဲသ့ၣ်ကဘၣ်မ့ၢ်ပှၤတဖၣ်လၢအပျံၤကစၢ်ယွၤ, လၢအဘၣ်တၢ်နာ်န့ၢ် အီၤသ့ဝဲဒီးတဟံးန့ၢ်ခိၣ်ဖးလာ်ဆှိးဘၣ်တဖၣ်န့ၣ်လီၤ.

²²မ်အဝဲသ့ၣ်မၤတၢ်ဒ်ပှၤစံၣ်ညီၣ်ကွီၢ်တဖၣ်အသိးလၢပှၤဂီၢ်မုၢ် အဂီၢ်ထီဘိတက့ၢ်. ကယဲၢ်တၢ်ဂ့ၢ်လိာ်ဘှီလိာ်အဆံးတဖၣ်န့ၣ်ကစံၣ်ညီၣ်တဲာ်ဝဲလၢအနီၢ် ကစၢ်ဒၣ်ဝဲတက့ၢ်. မ့မ့ၢ်ကွီၢ်အကီအခဲတဖၣ်န့ၣ်ဟဲစိာ်ဝဲဆူနအိၣ်သ့န့ၣ်လီၤ. တၢ်န့ၣ်ကမၤဖှံထီၣ်နတၢ်ဝံတၢ်ယိးလီၤဂာ်ဒ်အဝဲသ့ၣ်ယိးစၢၤ နတၢ်ဝံတၢ်ယိးအသိးန့ၣ်လီၤ.

²³နမ့ၢ်မၤတၢ်အံၤဒီးဒ်ကစၢ်ယွၤမၤလိာ်ဝဲတဖၣ်အသိးန့ၣ်နတမၤလီၤ ဘှံးလီၤတီၤလၢၤဘၣ်နသးဘၣ်ဒီးကယဲၢ်ပှၤကိးဂၤဒဲးကက့ၤဘၣ်ဆူ အဟံၣ်အိၣ်ဒီးတၢ်မၤဘၣ်လိာ်က့ၤအတၢ်ဂ့ၢ်လိာ်ဘှီလိာ်တဖၣ်န့ၣ် လီၤ.”

²⁴စီၤမိၤၡ့တူၢ်လိာ်စီၤယံးသရိၤအတၢ်ဟ့ၣ်ကူၣ်. ဒီးဃုထၢထီၣ်ပှၤတဖၣ်လၢအမၤတၢ်သ့လၢပှၤအံၣ်စရ့လးဖိခဲလၢာ် အကျါန့ၣ်လီၤ. အဝဲဃုထၢပာ်လီၤအဝဲသ့ၣ်ဒ်ခိၣ်နၢ်တဖၣ်လၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံတဖၣ်ဒီးပှၤအဂၤတဆံတဖၣ်အဂီၢ်အသိးန့ၣ်လီၤ.

²⁶ဒီးအဝဲသ့ၣ်မၤတၢ်လၢပှၤဂီၢ်မုၢ်အဂီၢ်ဒ်ပှၤစံၣ်ညီၣ်ကွီၢ်တဖၣ် အသိးထီဘိလီၤ. ကွီၢ်လၢအကီအခဲတဖၣ်န့ၣ်ဟဲစိာ်ဝဲဆူစီၤမိၤၡ့အအိၣ်ဒီးမ့ မ့ၢ်တၢ်ဂ့ၢ်လိာ်ဘှီလိာ်အဆံးတဖၣ်န့ၣ်စံၣ်ညီၣ်တဲာ်ဝဲလၢအဝဲ သ့ၣ်အကစၢ်ဒၣ်ဝဲန့ၣ်လီၤ.

²⁷အန့ၣ်ဝံၤဒီး, စီၤမိၤၡ့ဆၢဂ့ၤဆၢဝါစီၤယံးသရိၤဖဲကလီၤ ဖးလိာ်သးအကတီၢ်ဒီးစီၤယံးသရိၤက့ၤက့ၤဝဲဆူအဟံၣ်န့ၣ်လီၤ.