Read S'gaw Karen လံာ်စီၤယိၤဘး 12 Bible Online

လံာ်စီၤယိၤဘး 12 - S'gaw Karen bible

လံာ်စီၤယိၤဘး 12

¹ဒီးစီၤယိၤဘးစံးဆၢဝဲဒၣ်, မ့ၢ်လီၤ. နမ့ၢ်ပှၤဂီၢ်မုၢ်အကလုၢ် လီၤ. တုၤနသံဒီးတၢ်ကူၣ်သ့ကသံဃုာ်ဒီးနၤလီၤ.

³ဘၣ်ဆၣ်ယအိၣ်ဒီးတၢ်သးဆးပှဲၤသိးဒီးနၤ, ဒီးယတလီၤတိၢ်န့ၢ်နၤလၢကျဲနီတဘိဘၣ်. တၢ်ခဲလၢာ်လၢနစံးတ့ၢ်န့ၣ်ပှၤကိးဂၤဒဲးသ့ၣ်ညါဝဲ ဒၣ်န့ၣ်လီၤ.

⁴ခဲကနံၣ်အံၤယတံၤသကိးတဖၣ်ဒၣ်လဲၣ်နံၤဘၣ်ယၤလီၤ. ယမ့ၢ်ပှၤတီပှၤလိၤဒီးပှၤပာ်ဒ့ၣ်ပာ်ကမၣ်အလီၢ်တအိၣ်ဘၣ် သနာ်က့အဝဲသ့ၣ်နံၤဘၣ်ယၤလီၤ. ဘၣ်ဆၣ်အဆၢအကတီၢ်အိၣ် ဝဲဒၣ်လၢကစၢ်ယွၤစံးဆၢယတၢ်ထုကဖၣ်တဖၣ်န့ၣ်လီၤ.

⁵တၢ်နးတၢ်ဖှီၣ်တအိၣ်ဒီးနၤဘၣ်ဆၣ်နမၤကလိာ်ကလာ်ယၤလီၤ. ပှၤတဂၤလၢဘူးကလီၤဃံၤန့ၣ်နမၤဘၣ်ဒိအီၤလီၤ.

⁶ဘၣ်ဆၣ်တၢ်ဟုၣ်တၢ်ဘျၣ်တဖၣ်ဒီးပှၤလၢအယွၤတအိၣ်ဘၣ်တဖၣ်, အယွၤ မ့မ့ၢ်ဒၣ်ထဲအဂံၢ်အဘါဧိၤဒၣ်လဲာ်အိၣ်မူဝဲလၢတၢ်မုာ်တၢ်ပၢၤအပူၤန့ၣ်လီၤ.

⁷ထိၣ်တဖၣ်ဒီးဆၣ်ဖိကီၢ်ဖိတဖၣ်ဒၣ်လဲာ်အိၣ်ဒီးတၢ်အါမံၤလၢ ကသိၣ်လိနၤန့ၣ်လီၤ.

⁸သံကွၢ်ဟီၣ်ခိၣ်ဒီးပီၣ်လဲၣ်အတၢ်ဘၣ်တ့သ့ၣ်တဖၣ် လၢအတၢ်သ့ၣ်ညါနၢ်ပၢၢ်န့ၣ်တက့ၢ်.

⁹အဝဲသ့ၣ်ခဲလၢာ်သ့ၣ်ညါဝဲဒၣ်လၢယွၤတ့လီၤအဝဲသ့ၣ်လၢအစု န့ၣ်လီၤ.

¹⁰အအံၤမ့ၢ်ကစၢ်ယွၤလၢအနဲၣ်လိအတၢ်ဘၣ်တ့သ့ၣ်တဖၣ် အတၢ်အိၣ်မူန့ၣ်လီၤ. ပှၤကိးဂၤဒဲးအတၢ်အိၣ်မူအံၤအိၣ်ဝဲ ဒၣ်လၢအစိအကမီၤအပူၤန့ၣ်လီၤ.

¹¹ဘၣ်ဆၣ်ဒ်နပျ့ၤသးခုအီၣ်တၢ်အီၣ်အသိးန့ၣ်, နနၢ်သးခုနၢ်ဟူတၢ်ကတိၤတဖၣ်န့ၣ်လီၤ.

¹²ပှၤသးပှၢ်အိၣ်ဝဲဒီးတၢ်ကူၣ်သ့မ့မ့ၢ်ကစၢ်ယွၤအိၣ်ဝဲဒီးတၢ် ကူၣ်သ့ဒီးတၢ်စိတၢ်ကမီၤန့ၣ်လီၤ.

¹³ပှၤသးပှၢ်အိၣ်ဝဲဒီးသးအတၢ်သ့ၣ်ညါ, မ့မ့ၢ်ကစၢ်ယွၤအိၣ်ဝဲဒီးသးအတၢ်သ့ၣ်ညါဒီးတၢ်စိ တၢ်ကမီၤလၢကမၤတၢ်အဂီၢ်န့ၣ်လီၤ.

¹⁴တုၤကစၢ်ယွၤမၤလီၤပှီၢ်တၢ်ဒီးမ့ၢ်မတၤဘှီထီၣ်က့ၤကသ့ဝဲဒၣ်န့ၣ်လဲၣ်. ဒီးမ့ၢ်မတၤမၤထူၣ်ဖျဲးပှၤလၢကစၢ်ယွၤစၢဃာ်အီၤ သ့တဂၤန့ၣ်လဲၣ်.

¹⁵တုၤကစၢ်ယွၤတြီဃာ်တၢ်ဟဲစူၤန့ၣ်ဒီးတၢ်ယီၤဃ့ဝဲဒီးတုၤ ဒုးဟဲစူၤလီၤမူခိၣ်ဒီးထံလုၣ်ဘၢတၢ်လီၤ.

¹⁶ကစၢ်ယွၤန့ၣ်အဂံၢ်အဘါဆူၣ်ဒီးမၤနၢၤတၢ်ထီဘိန့ၣ်လီၤ. တၢ်လီတၢ်ဝ့ၤဒီးပှၤလီတၢ်ဖိန့ၣ်အိၣ်လၢအဝဲအစိအကမီၤ အဖီလာ်လီၤ.

¹⁷အဝဲဟံးထီၣ်ကွံာ်ပဒိၣ်ပပှၢ်တဖၣ်အတၢ်ကူၣ်ဘၣ်ကူၣ်သ့ဒီး, မၤပျူၢ်ပှၤခိၣ်ပှၤနၢ်တဖၣ်လီၤ.

¹⁸အဝဲပာ်လီၤကွံာ်စီၤပၤတဖၣ်လၢအလီၢ်ပစိာ်ဒီးဒုးကဲထီၣ် အဝဲသ့ၣ်လၢပှၤဘၣ်တၢ်စၢဃာ်ဖိသ့ၣ်တဖၣ်န့ၣ်လီၤ.

¹⁹အဝဲဆီၣ်လီၤပှၤလုၢ်တၢ်အခိၣ်တဖၣ်ဒီးပှၤလၢအအိၣ်ဒီးတၢ် စိတၢ်ကမီၤသ့ၣ်တဖၣ်န့ၣ်လီၤ.

²⁰အဝဲဒုးအိၣ်ဘှီၣ်ကွံာ်ပှၤလၢအဘၣ်တၢ်နာ်န့ၢ်အီၤဒီးဟံးထီၣ် ကွံာ်ပှၤသးပှၢ်တဖၣ်အတၢ်ကူၣ်သ့န့ၣ်လီၤ.

²¹အဝဲမၤတရီတပါပှၤလၢအအိၣ်ဒီးတၢ်စိတၢ်ကမီၤဒီးမၤလၢာ် ကွံာ်ပဒိၣ်ပပှၢ်တဖၣ်အဂံၢ်အဘါန့ၣ်လီၤ.

²²အဝဲဆှၢလီၤတၢ်ကပီၤဆူတၢ်လီၢ်တဖၣ်အခံးဝဲဒ်တၢ်သံအသိး အအိၣ်န့ၣ်လီၤ.

²³အဝဲဒုးဆူၣ်ထီၣ်ဒီးဒုးဒိၣ်ထီၣ်ပှၤကလုာ်တဖၣ်န့ၣ်လီၤ. ဘၣ်ဆၣ်အဝဲမၤနၢၤကွံာ်ဒီးမၤဟးဂီၤကွံာ်အဝဲသ့ၣ်န့ၣ်လီၤ.

²⁴အဝဲမၤပျူၢ်အဝဲသ့ၣ်အခိၣ်အနၢ်သ့ၣ်တဖၣ်, ဒီးပျဲအဝဲသ့ၣ်ဟး ဝ့ၤဝီၤ, သဘံၣ်ဘုၣ်ဒီးလီၤမၢ်ကွံာ်န့ၣ်လီၤ.

²⁵အဝဲသ့ၣ်ဃုကလၢၢ်တၢ်လၢတၢ်ခံးတၢ်နၤအပူၤဒီးဟးကနူၤ ကပၤဒ်ပှၤအိမူၤသံးတဖၣ်အသိးန့ၣ်လီၤ.